جوزي دايما بيفضل طليقته عليا
جوزى دايما بيفضل طليقته عليه نبقى خارجين أنا وهو الاقيها بتتصل بيه تقولك ابنك عايز يخرج يقولها البسى وجهزوا نفسكم مسافه الطريق وهكون عندكم
كأن وجودى جمبه ورأيى مالهوش لازمه ولما اعاتبه يقولى عشان ابنى مايحسش أنى مقصر معاه ابنى فى المقام الأول
اى حاجه تعجبها يشتريها بدون تردد
عارف الاكل اللى بتحبه وذوقها ايه لكن مايعرفش الاكل اللى انا بحبه
والأدهى بقى، إنه حافظ تفاصيلها زي كف إيده.. دي مابتحبش التوم في الأكل، دي بتموت في اللون ده، دي ذوقها كذا في اللبس. يشتري لها اللي هي عايزاه من غير ما يرمش له جفن، وأنا اللي عايشة معاه في بيت واحد، لو سألته نفسي في إيه؟ يهرش في راسه ويقول لي أي حاجة يا حبيبتي اللي تطلبيه.
أنا مش عايزة أي حاجة.. أنا عايزة أحس إني متشافة، إني مش مجرد سد خانة لحد ما يحن لأيامه القديمة أو يرضي ضميره على حساب كرامتي. بقيت بحس إني عايشة في ضل واحدة تانية، والوجع إن الضل ده هو اللي بيمشي البيت وهو اللي بيتحكم في مود جوزي!
نكون ماشيين، وعيني تلمع على فستان أو قطعة ديكور بسيطة للبيت، وأقول بلهفة بص يا خالد، ذوقها راقي أوي ونفسي فيها، يادوب يبص بطرف عينه ويقول ببرود يكسر النفس جميلة يا نادية.. بس مش وقتها، خلينا نشوف حاجات أهم دلوقتي. أسكت وأبلع غصتي وأقول معلش،
لكن الصدمة لما نرجع، وألاقي خالد داخل البيت وشايل في إيده شنطة فيها نفس الحاجة اللي شاورت عليها.. قلبي يرفرف وأفتكت إنه حب يفاجئني ويصالحني، لسه هفتح بوقي بكلمة شكر والابتسامة مالية وشي، يسبقني هو ببرود يقتل أي حاجة حلوة جوايا كلمت هند بالصدفة وقالت لي إنها شافت دي وعجبتها أوي، قلت أجيبها لها وأبعتها مع الواد الصبح، أصل هند ذوقها في الحاجات دي صعب وما بيعجبهاش أي حاجة، فما صدقت إنها طلبتها.
في اللحظة دي، الدنيا بتلف بيا.. اللي استخسره في نادية وفي فرحتها، راح جابه ل هند دليفري لحد عندها بس عشان سمع إنها عجبتها. وكأني أنا اللي كنت بتكلم هوا، ماليش صوت ولا رغبة ولا وجود في حساباته.
بقف قدامه والدمعة محبوسة في عيني، ونفسي أصرخ وأقوله أنا اللي اخترتها يا خالد! أنا اللي ذوقي جابها! أنا اللي عايشة معاك!.. بس الكبرياء بيخنقني. وهو؟ ولا هو هنا، يمسك موبايله يتصل يطمن إن الحاجة وصلت، ويضحك مع هند في التليفون ويسألها بلهفة ها يا هند، طلعت زي ما كنتِ عايزة؟، وأنا واقفة جنبه زي الفازة المركونة على الرف، مكسورة ومحدش مهتم يلملم حتتها.
بقيت أحس إن ذوقي، واختياراتي، وحتى مشاعري، مجرد كتالوج خالد بيستخدمه عشان يرضي بيه هند، وأنا نصيبي من الليلة دي التجاهل وبس.
طريقه السرد
غلط
كنت نايمه
كان اكتر حاجه كسرتنى
الكاتبه_امانى_سيد
مين عايز يكمل القصه المشوقة مليانه احداث مشوقه
يعمل لايك ويكتب تم ومننساش نذكر اللهولما دخلت المستشفى وأنا شبه فاقدة الوعي، ماسكة في إيد أختي بالعافية، عيني كانت بتدور عليه يمكن يكون رجع، يمكن افتكر إني مراته مش مجرد محطة في حياته.
لكن اللي شوفته كان أقسى من أي وجع في جسمي.
واقف قدام أوضة الكشف شايلها بإيده كأنها أغلى حاجة في الدنيا، صوته مليان خوف واهتمام اهدي يا هند أنا معاكي، مفيش حاجة هتحصل لك.
هند كانت بتتمسكن في حضنه، وهو بيطبطب عليها، وكل تركيزه معاها كأني مش موجودة أصلاً.
الممرضة نادت اسمي نادية خالد!
بص ناحيتي للحظة لحظة واحدة بس عينه جت في عيني، مافيش فيها لهفة ولا قلق بس استغراب بارد إنتي جيتي هنا إزاي؟
كنت هقع مش من التعب، من الكلمة.
رديت بصوت مكسور زي أي مريضة بتموت بتروح المستشفى.
سكت ورجع بص لها تاني وكأني خلصت دوري في حياته.
دخلوا هند الأول رغم إن حالتي كانت أخطر، حرارتي كانت معدية الأربعين
الدكتور بصلي وبعدين له، وسألني حضرتك مين؟
ابتسمت ابتسامة وجعتني أنا مراته.
الدكتور سكت لحظة وبص لخالد نظرة فهمت منها كل حاجة.
دخلت أنا بعدها على السرير وأنا سامعة صوته برا بيكلمها بحنية عمره ما كلمني بيها خايفة ليه بس؟ أنا جنبك.
الدموع نزلت من غير صوت مش عشان تعبانة عشان فهمت.
فهمت إني مش في المقام الأول ولا التاني ولا حتى التالت.
أنا مجرد اختيار مريح بس قلبه لسه هناك.
عدت الليلة دي بصعوبة مابين محاليل وأدوية ومفيش مرة واحدة دخل يطمن عليا.
الصبح خرجت من الأوضة، لقيته قاعد جنبها بيضحكوا.
وقفت قدامه وهو لسه مش واخد باله.
قولت بهدوء غريب مبروك عليك
بصلي باستغراب على إيه؟
رديت وأنا بمسح دموعي على إنك اخترت بس المرة دي بوضوح.
سكت وأول مرة أشوفه متوتر نادية إنتي فاهمة غلط
قاطعته لا أنا أخيرًا فهمت صح.
بصيت لهند، وبعدين له خلي بالك منها واضح إنها أهم مني.
ومشيت
المرة دي ماستنتش ينده عليا ولا حتى بصيت ورايا.
لأني عرفت إن اللي بيمشي من غير ما حد يوقفه عمره ما كان مهم من البداية خرجت من المستشفى وأنا حاسة إني بطلع من حياة كاملة مش مجرد مكان.
الهوا كان تقيل، بس لأول مرة أنا اللي قررت أمشي، مش هو اللي سابني.
عدت أيام وهو ولا
