اسكريبت عشقت رحيم بقلم اسراء ابراهيم
اسكربت
عشقت رحيم
عايزني اقولك ايه يا رحيم سيبني في حالي بقي
رحيم بانفعال تقوليلي سيبتيني ليه يا ملك انا متأكد انك بتحبيني وانتي متأكدة اني بحبك يبقي تقوليلي السبب اللي سبتيني عشانه
ملك بدموع محبوسة انا معنديش حاجة اقولهالك يا رحيم انا وانت خلاص مبقاش في نصيب لبعض يبقي خلاص
رحيم حتي بصي في عيني وانتي بتقوليهالي يا ملك انتي شكلك ناسية اني انا اللي مربيكي واني بعرف امتي انتي بتكدبي
ملك بتوتر بلاش طريقتك دي يا رحيم لو سمحت انا قولتلك اني مبقتش بحبك ومش عاوزة اكمل معاك عاوز تعرف ايه اكتر من كدة سيبني في حالي بقي
رحيم بتأثر تمام يا ملك بس صدقيني هتندمي واوي ولما ترجعي هقولك وقتها انه مبقاش ينفع
بصتله ملك بحزن وتأثر واضح عليها ووقتها دخلت عليهم عفاف وتبقي مرات عم ملك وام رحيم وكانت بتبص لملك بغيظ
عفاف بضيق خير يا ملك نازلة ودودة مع ابني ليه مش بكفاية اللي عملتيه فيه وكسرة قلبه عايزة منه ايه تاني
ملك بصت لمرات عمها بخنقة وردت بتلقائية انا مش عاوزة حاجة منه يا مرات عمي هو اللي بيتكلم معايا ومش مقتنع اني سيبته ياريت تقنعيه بدل ما تقدري عليا انا
عفاف بغيظ صحيح الكلام ده يا رحيم انت لسة بتتحايل عليها ترجعلك بعد ما رمت دبلتك في وشك انت لسة بتفكر فيها
رحيم بص لملك بغضب وتأثر خلاص يا ماما الموضوع اتقفل خالص من ناحيتي ومن ناحيتها انا ماشي
عفاف بفرحة عين العقل يا قلب امك دي متستاهلش حتي تبص في وشها وانا كمان هطلع انا مش مستحملة اني اقعد عند جدتك هنا بلا هم
مشي رحيم من غير ما يرد علي امه وساب ملك بتبص لاثره بحزن وقهرة وعفاف بتبصلها بشماتة وانتصار وسابتها هي كمان وطلعت
.
كانت عفاف طالعة فوق بعد ما اتأكدت ان رحيم خلاص ساب ملك وكانت مشاعر الانتصار باينة في عينيها فبتدخل أوضتها وتقفل الباب وبتتكلم مع نفسها بفرحة وهي مبتسمة ابتسامة كلها خبث وانتصار
عفاف بتضحك بخبث وهي تبص في المراية
وأهي خلصت خلاص ابنك يا عفاف فاق وفهم ملك دي لا بقت له ولا تنفعه كفاية مسخرته بين العيلة كلها لما خلتها تسيب دبلته وتبهدله لا يا حبيبتي ده ابني رحيم مايتبهدلش واللي زيك ميبقاش ليكي نصيب فينا
لا ومرضانة كمان سكر! يا ناس سكر! يعني من قبل حتى ما تشيل وقفت نصيبك بتيدي يا ملك ومش هتدخلي بيتي
فجأة روضة أخت رحيم اللي كانت واقفة ورا الباب سامعة كل كلمة بتدخل عليها وعنيها مليانة ضيق وكسرة قلب
روضة بضيق
مبسوطة كده يا امي يعني! كسبتي الجولة بس أنا مش قادرة أفهم ليه كل ده ليه بتكرهي ملك بالشكل ده
عفاف بتلفلها بانفعال
ملك دي ملكيش دعوة بيها! وأنا حرة ابني الوحيد مش هيتجوز واحدة مريضة أيوه مريضة سكر عايزاني أشوفه كل يوم قاعد جنبها يحسبلها الأكل والدوا لا يا قلبي ابني أكبر من كده بكتير.
روضة بنبرة زعل
المرض ده نصيب يا مرات عمي وبعدين هما بيحبوا بعض إنتي مالك يعني لو انا جالي مرض هترميني برة وابقي منبوذة كده حرام عليكي
عفاف بترفع صوتها
بعد الشر عليكي يا بت انتي بطلي هبل ملك دي بالذات آه تتحرم من رحيم ولو على جثتي تقرب منه تاني انتي فاهمة
روضة بحزن
بس قوليلي إنتي عملتي إيه معاها أنا حاسة إن في حاجة ملك مش ممكن تبعد عن رحيم كده من نفسها وأنا عارفة إن أخويا يعشق التراب اللي بتمشي عليه إنتي قلتيلها إيه!
عفاف بتبتسم ابتسامة كلها خبث
أنا ! لا بسيطة قلتلها إن لو ما بعدتش جوازتك من هشام أخوها مش هتكمل
روضة تفتح عنيها بصدمة ومش مصدقة وهي بتاخد خطوة لورا
روضة
إييييه! إنتي هددتيها بيا أنا! إنتي فعلا عملتي كده! ملك عملت كده عشان خايفة عليا!
عفاف ببرود
أيوه وخافت علي اخوها برضك لانها عارفة إنك بتحبيه وعارفة إن بيحبك ومتعلق بيكي فقررت تبعد
روضة بتنزل دمعة من عينها وهي بتحاول تمسك نفسها
روضة
حرام عليكي كسرتي قلبها وقلب أخوياليه كدة يا امي
عفاف بابتسامة منتصرة
المهم إنها برا حياتنا خلاص
روضة بصتلها بقهر ومشيت وهي ماسكة دموعها وقلبها بيتقطع على ملك وعفاف فضلت واقفة تضحك بخبث وهي حاسة انها انتصرت
..................................
تحت في شقة جدة ملك دخلت روضة وعنيها مليانة دموع
دخلت روضة اوضة ملك وسندت على الباب وملك رفعت عينيها ليها بسرعة كانت قاعدة في الضلمة لوحدها ماسكة دبلتها اللي شالتها من إيدها
روضة بصوت مخنوق
كنتي لازم تعملي كده!
ملك اتفزعت من نبرة روضة ووقفت بسرعة
روضة انتي قصدك ايه وعرفتي ايه بالظبط
روضة بدموع وهي تقرب
اه عرفت كل حاجة عرفت ان امي هددتك بيا وبجوازتي وانك بعدتي عن رحيم عشان تحميني ليه يا ملك ليه!
ملك عنيها غرقت دموع ولفت وشها
بلاش بلاش تكملي أنا عملت اللي كان لازم أعمله أنا مقدرش أكون سبب في خراب بيتك ولا خراب قلبك وقلب اخويا هشام
روضة قربت أكتر ومسكت إيد ملك
بس اللي بينك وبين رحيم ده حب يا ملك أنا شوفتكم وكنت حاسة بيكم إزاي ضحيتي كده! إزاي سيبتيه وانتي بتحبيه!
ملك وهي بتعيط
حب إيه يا روضة! لما واحدة زيي مريضة متقدرش تدي لحد حاجة أمك قالتها صريحة أنا مش
روضة بحزن
امي مش فاهمة حاجة متعرفش ان المرض ده نصيب وممكن اي حد فينا يتعب وممكن اكون زيك وقتها هشام هيسيبني اكيد لا
ملك بحزن ودموع
انا كنت مضطرة مقدرش أبقى السبب في تعاستك يا روضة هشام يستاهلك وانتي تستاهلي تكملي مع اللي بتحبيه
روضة بصوت عالي بيخرج بالعافية
وأنا مش هسامحها مش هسامحها يا ملك ولا هسامح نفسي لو سكت!
ملك وهي بتقرب منها
بلاش بالله عليكي بلاش لو رحيم عرف هيبقى في حرب مع امه وهيفضل طول عمره شايل ذنبك وذنبي سيبيه يكرهني سيبيه يمشي يمكن ينساني
روضة بتعيط
لا يا ملك مستحيل مستحيل أنسى اللي عملتيه انا قلبي بيتقطع عليكم إنتي وهو الاتنين اتظلمتوا
ملك بصوت مخنوق
سيبينا كدة و إنتي كملي كملي مع هشام مش عاوزة أشوفك مكسورة بسببيانتي فاهمة
روضة فجأة تبص في عينيها بقهر
هتكملي تمثلي لحد إمتى! هتفضلي تمثلي إنك مبتحبهوش وهو يتعذب بعيد عنك ازاي طيب
ملك بصوت مكسور
لحد ما ربنا يكرمه وينساني أو لحد ما قلبي يبطل يدق ليه
روضة بدموع وبصتلها بنظرة مفهومة
وانا عمري ما هسامح أمي ولا هنسى اللي عملته فيكي ولا هسامح نفسي لو سكت يا ملك رحيم لازم يعرف الحقيقة
ملك بابتسامة باكية
اوعي يا روضة هزعل منك ومش هعرفك تاني انتي فاهمة وامك سامحيها يا روضة هي أمك مهما حصلمش يمكن خايفة خايفة عليه بس بطريقتها
روضة بسخرية
خايفة عليه تخسره بس محسبتش إنها خسرتني أنا كمان
ملك شدت إيد روضة
لأ اوعي متخسريش نفسك عشاني فاهمة
روضة بتاخد نفسها بصعوبة
لو انتي مستعدة تدفني حبك أنا مش مستعدة ادفن احترامي لأمي ولو هشام عرف الدنيا كلها هتولعبس لازم يعرف
ملك بدموع
عشان كده بترجاكي اوعي
الذنب ده
روضة بتبصلها بحزن
هتشيلي كتير يا ملك وهتدفني روحك
