اسكريبت بقلم مريم سمير
_ الفار لو مات قولي علي نفسك يا رحمن يا رحيم
انت بتتكلم معايا كد لي وانت مالك
_ مالي!
مريم دا يبقي..
يبقي واحد بيدخل في الي ملوش فيه مالك انت اموت الفار ولا لاء طب ولما اديله حقنة هوا وذنبه يبقي في رقبتك هترتاح
مريم دا..
زميلنا يعني وجديد بس شكله سنة أولي اصل الي بيبقي فرحان بالبالطو ولابسه كد سنة أولي قولي بقي خدت صور اول سنة جامعة ولا لسه
دا الدكتور الجديد يمريم
أيوة ما احنا كلنا دكاترة!!
الدكتور المعيد الي علينا في السكشن يمريم
ها طب اطلع احط نفسي مكان الفار وتشرح عليا يدكتور ولا اي الدنيا
_ اطلعي برا
حرام عليكم حرام عليكم دا انا متشعبطة في ميكروباص عشان اجي
_ انتي فين البالطو بتاعك
هيبوظ الاوت فيت ف مجبتوش
_ طب ابقي تعاليلي المكتب بقي ما اخلص السيشكن
حاضر ب أمر الله
_ انتي راحة فين اطلعي برا
يعني ترضهالي
_ اه ارضاها و.. فارك مات!
اييييي زعتر زعتر رد عليا!! قتلوك عشان يشيلوني المادة محاولة اغتيال ارقع بالصوت أنا عاوزة ارجع لل var
كان السكشن كله بيضحك وهو كان بيبصلي ب وش مليان جمود وجدية معلش يدكتور هو
_ هتجيبي انتي فار جديد وهدبسلك دا في ورقتك
لي يدكتور هو برشام
_ هو انتي اسمك أي عشان دمك الخفيف دا
مريم
_ طب ولما احطك في دماغي هتستفادي أي
خلاص والله يدكتور أنا فعلا بستخف دمي في اوقات غلط
_ اشتغلي عليه CPR
يعني حضرتك عاوزني اضغط علي صدر فار يدكتور انت بتعجزني وبعدين انا كنت غايبة في السكشن دا
_ طب المفروض نعمل أي لما قلبه يقف ويموت
نزقه
_ اطلعي برا استنيني برا دا انتي يومك مش معدي
خدت شنطتي وطلعت برا روحت الكافتيريا وجبت سندوتشات وقهوة ورجعت قعدت قدام اللاب بتاعي
_ هو انتي بتعملي اي
شويه بطاطس بس إنما أي اقعد يا اخويا اتفضل
_ افندم
رفعت وشي لقيته اي دا متأسفة جدا اصل انا هشرح لحضرتك أنا بعد ما اتطردت هريت نفسي عياط
_ اه
ف حسيت ب اعراض اغماء ف قولت لازم اكل حاجة بدل ما اقع من طولي
_ ف تروحي تاكلي فول وبطاطس
هو يعني يدكتور لقيت في الكافتيريا سوشي واسترخصت
_ طب تعالي ورايا علي المكتب إن ما ريحتلك اسبوعين مبقاش أنا
اي يدكتور هتديني إجازة
بصلي ب طرف عينه ف مشيت وراه دخلنا المكتب وقعد وقفت
_ لاء
بس انا مش قادرة اقف بس براحتك يدكتور هي الدنيا كد معايا دايما بتيجي علي الغلبان
_ وانتي غلبانة
هو عشان لابسة ساعة ماركة وهدوم براند ابقي غنية افرض سرقاهم
_ هو انتي مبتتكلميش بجد أبدا هو انتي هتبقي دكتورة ازاي
أنا بجيب امتياز كل سنة
_ انتي
هو لي كل ما اقول لحد يستغرب هو عشان بجيب امتياز لازم اكون لابسة نضارة كعب كوباية ودمي تقيل
_ بس انتي فعلا لابسه نضارة كعب كوباية ودمك سم!
عدلت نضارتي طب أي يدكتور ناوي علي اي علي فكرة أنا بهزر من الضغط الي عليا
_ اه أي هي طبيعة الضغط
120 علي 80 هههه والله يدكتور لتضحك بدل ما اجبلك شراييني قدامك دلوقتي بالعرض
ضحك _ هو انتي طبيعية
مدام ضحكت يدكتور يبقي خلاص محصلش حاجة أي خدمات يلا في رعاية الله
_ خدي هنا تعالي انتي هتجيبي فار بدل الي موتيه
موته دي قدريات يدكتور صلي علي النبي كد وماشي هجيب احلي فار من عمو ابراهيم التلاتة ب عشرة
_ لاء أنا مش عاوزك تشتريه هتصطاديه
اصطاد أي يدكتور هو احنا بنكلم في طريقة عمل الحمام بالفريك دا فار
_ أنا قولت الي عندي هتصطاديه وتجيبيه معاكي السكشن بكرة وعلي
طلعت من المكتب جايبين لينا مرضي نفسيين يدرسولنا! اصطاد أي هو انا بعرف اصطار سمكة! أنا كل الي بعرف اعمله اصطاد في الميا العكرة زي ما صحابي بيقولولي دايما عشان كد نفسي ابقي معيدة كبيرة ساعتها اكيد هبقي ارحم من الي بيدونا الي بيستلذوا ب أنهم يصعبونها علينا! ما قولنا ميت مرة يجدعان المريض النفسي مكانه في المصحة أي الي بيجبهم عندي الكلية أنا مش فاهمة!
عمو ابراهيم اجدع عمو في المنطقة
عاوزة أي يمريم
بتجيب الفيران دي منين
اي لازمك واحد للتشريح
لاء دا انا لو مصطتش واحد أنا الي هتشرح
اصطادتي! يعني انتي عاوزة اي
عاوزة مصيدة حلوة كد وبتقفل بسرعة الله يكرمك مش زي الي خدتها منك من شهر الفار دخل عاش حياته فيها ومقفلتش
منتي لو بتقولي اذكار الصباح مش هيحصل معاكي كد
مهو كل مرة بتقنعني ب الايمان يعمو ابراهيم صباحك فل هات المصيدة
خدت المصيدة وروحت السوبر ماركت جبت ربع جبنة رومي
أيوة يماما هاتي بيضتين بقي واحلي عشا علي عيونك
مش قولتي انك جايبة الجبنة دي للفار
هو الفار هياكل جبنة رومي هو احنا لاقيين ناكل هي حتة لانشون بايتة من اسبوع في التلاجة والدنيا
حطيت المصيدة جمب البيت وفيها الطعم وطلعت نمت صحيت الصبح صليت
