حرام عليك من ساعة ما سافرت من تلات سنين وأنا ما شوفتش منك جنيه دايما فلوسك رايحة لأهلك جهاز أختك وقسط عربية أخوك وهدايا لأمك وخالاتك وأنا حتى ما افتكرتنيش بعباية ليه كده رغم إن أنا اللي شايلة أمك في غيابك. مسحت دموعها بطرف طرحتها وأكملت بصوت مخنوق عارف يا خالد الجيران بقوا يواسوني كأني أرملة وأنت عايش وأمك اللي أنا شايلها في عيني كل ما تلبس حاجة جديدة من فلوسك تقولي شوفتي ابني بار بيا إزاي حتى ولاد خالاتك بيتباهوا قدامي بالتليفونات والهدايا اللي بتجبهالهم طب وأنا حتى ما هنش عليك تغيرلي تليفوني اللي كل شوية بابا بيصلحهولي هي ما تعرفش إن اللقمة اللي بتاكلها هي وأختك أنا اللي حارمة نفسي منها عشان أصون بيتك في غيابك. صوت خالد جه أخيرا لكنه كان بارد قالها بنبرة دفاع يا هناء افهمي أنا هنا بنحت في الصخر عشان أأمن مستقبلنا أهلي هما سندي ومقدرش أكسر بخاطر أمي ولا أقف في طريق جواز أختي إنت لازم تستحملي إنت مراتي يعني شريكة عمري وتغني عني. ضحكت هناء بمرارة وقالت شريكة عمرك في التعب بس في الحرمان في المسئولية لكن في الفرح أنا غريبة! العباية اللي طلبتها مش طمع
في قماش دي كانت طمع في إنك لسه فاكر إن ليك ست هنا بتستنى منك كلمة حلوة أو هدية بسيطة تحسسها إنها لسه غالية عندك تلات سنين يا خالد وأنا كبرت فيهم عشرين سنة المراية ما بقتش تعرفني أنا زهقت يا خالد فاهم زهقت إنت جايبني هنا خدامة لأهلك بلقمتها أنا خلاص تعبت. قفلت السكة في وشه وقفت لحظة تاخد نفسها سمعت صوت حماتها من الصالة بتنادي بتفاخر يا هناء تعالي شوفي التوب الجديد اللي بعتهولي خالد بيقولي ده أغلى قماش في السوق وقومي جهزي الغدا عشان خالاته جايين يباركولي عليه. خرجت هناء بخطوات ثابتة لأول مرة ما كانش في عينيها دموع كان في هدوء غريب يخوف بصت للقماش الحرير المفروش وقالت بصوت واطي لكنه واضح خالد بعت التوب وبعت الهدايا وبعت قسط العربية بس ما بعتش سؤال عليا ما بعتش كلمة طيبة ما بعتش إحساس إن ليه بيت هنا محتاجه. سكتت الأم لحظة مستغربة من نبرتها حاولت تقاطعها لكن هناء كملت أنا من النهارده مش هبقى خدامة لحد أنا عملت اللي عليا وزيادة خدمت استحملت سكت لكن السكوت خلاكم تفتكروا إني راضية. دخلت أوضتها ولمت هدومها القليلة في شنطة قديمة كتبت ورقة صغيرة وحطتها على
الترابيزة يا خالد أنا مش ضد إنك تبر أهلك ربنا يباركلك فيهم لكن البر مش معناه تظلمني ومش معنى إني مراتك إني أتحمل لوحدي أنا راجعة بيت أبويا لحد ما تعرف إن ليك زوجة مش خدامة وإن البيت ده مسؤوليتنا إحنا الاتنين مش مسؤوليتي أنا بس. سابت البيت وخرجت مش هروب لكن وقفة أول مرة تمشي وراسها مرفوعة. في الغربة قعد خالد بعد المكالمة وهو متضايق حاول يقنع نفسه إنها مبالغة لكن كلامها فضل يرن في ودنه صورة وشها الشاحب وهو مسافر رجعت قدامه افتكر إنها عمرها ما طلبت حاجة لنفسها دايما تقول المهم إنت تكون بخير افتكر إنها كانت أول واحدة تصحى تخدم أمه وآخر واحدة تنام افتكر إن آخر مرة ضحكت من قلبها كانت قبل سفره بشهور ولأول مرة حس إن يمكن هو فعلا ظلمها من غير ما يقصد اتصل بأمه يسألها عن هناء ردت ببرود وقالت له إنها سابت البيت ومشيت وقالت كلام غريب حاول يبرر ويغضب لكنه حس بخوف خوف إنه يخسرها فعلا تاني يوم بعتلها فلوس كتير على حسابها لكن رجعله المبلغ مرفوض فهم الرسالة المسألة مش فلوس. أخد قرار وسافر إجازة مفاجئة من غير ما يبلغ حد أول ما وصل راح على بيت أبوها خبط الباب وقلبه
بيدق فتح له والدها بملامح جادة دخل وقابل هناء قاعدة هادية عينيها فيها تعب بس فيها كرامة حاول يبتسم وقال وحشتيني ردت بهدوء وأنا محتاجة أحس إني ليا قيمة مش بس كلمة. قعد قدامها وقال بصراحة لأول مرة أنا غلطت يا هناء كنت فاكر إن الفلوس اللي ببعتها كفاية ونسيت إنك محتاجة اهتمام قبل أي حاجة كنت فاكر إن استحمالك دليل رضا وما سألتش نفسي إنت مستحملة ليه سامحيني. سكتت لحظة قالت أنا مش طالبة دهب ولا حرير أنا طالبة أتحط في نفس الكفة لما تفرح أهلك تفرحني لما تبعت هدية تبعتلي لما حد يفتخر بيك أكون أنا أول واحدة تفتخر بيها مش أبقى واقفة أتفرج. وعدها إنه من النهارده كل حاجة هتتغير وإنه هيرجعها بيته مكرمة وإنه هيتكلم مع أمه ويحط حدود رجعت معاه بعد أيام لكن بشروط واضحة مصروف ثابت ليها قرارات مشتركة وزيارات محددة تخدم فيها برضاها مش غصب عنها حاولت الأم تعترض في الأول لكن خالد وقف وقال بهدوء حازم إن هناء زوجته وكرامتها من كرامته ومع الوقت بدأت الموازين تتظبط مش لأن الدنيا اتغيرت فجأة لكن لأن هناء اتغيرت بطلت تسكت بطلت تكتم وبطلت تعتبر الصبر فضيلة لما يبقى على حساب
