انا اسمي شهد عندي خمسة وعشرين سنة وبشتغل مدرسة في حضانة بمرتب بسيط بس كنت راضية وبحاول اساعد اهلي على قد ما اقدر عشان ظروفنا مش احسن حاجة واتخطبت من سنة لتامر جارنا والناس كلها كانت بتقول عليه ابن ناس ومحترم واهله طيبين وكنت فاكرة اني كسبت راجل بجد يقف جنبي ويسندني لكن اكتشفت ان الواحد ميعرفش معدن اللي قدامه غير لما يتحط في موقف حقيقي انا كنت بحوش من مرتبي كل شهر حتى لو مبلغ صغير بحرم نفسي من لبس جديد ومن خروجات ومن حاجات كتير نفسي فيها عشان اجمع فلوس جهازي وساعد بابا وماما وفضلت ست شهور كاملة اجمع قرش على قرش لحد ما قدرت احوش اربعتاشر الف جنيه على محفظة فودافون كاش وكنت فخورة بنفسي جدا وفي يوم وانا قاعدة مع تامر حكيتله بحسن نية اني قدرت احوش المبلغ ده وقلتله هزار ان باسورد المحفظة هو تاريخ خطوبتنا عشان اليوم ده مميز عندي وكنت بضحك ومخدتش بالي ان الضحكة دي ممكن تكلفني تعب ست شهور كاملة بعد كام يوم تامر طلب من بابا نخرج عشان يغيرلي جو وفعلا فرحت وقلت اخيرا حس بيا وخرجنا على كافيه وقعدنا شوية وكنت ملاحظة انه متوتر شوية وبص في
ساعته كذا مرة وبعدين فجأة قالي انه قلقان على مامته عشان كانت تعبانة قبل ما ينزل وموبايله فصل شحن وطلب مني تليفوني يكلمها دقيقة يطمن عليها وانا من غير تفكير اديته التليفون وطلع برا الكافيه بحجة ان الصوت عالي وقعد شوية ورجع وهو مبتسم وقال الحمد لله اطمنت عليها وكملنا القعدة عادي ورجعني البيت وانا ولا في بالي حاجة خالص بالليل وانا على السرير جاتلي رسالة من فودافون بهدية دقايق مكافأة على تحويل الكاش اللي عملته النهاردة قلبي نط من مكانه لاني معملتش اي تحويل فتحت المحفظة لقيت الرصيد صفر حسيت الارض بتسحبني تحت رجليا واتصلت بخدمة العملاء وانا برتعش والموظف قالي ان في تحويل اتعمل الساعة كذا على رقم كذا ولما قال الرقم حسيت الدنيا اسودت قدامي ده رقم تامر نفس الوقت اللي خد فيه التليفون مني ساعتها عرفت اني اتسرقت من اقرب حد ليا ناديت على ماما وحكيتلها كل حاجة وهي في الاول كانت مصدومة وبتقول يمكن غلط يمكن محتاج يمكن حصل سوء تفاهم بس انا كنت شايفة الحقيقة واضحة قدامي ده سرقني ومسح الرسالة عشان مفكرني مش هاخد بالي طول الليل معرفتش انام كنت
بعيط وقلبي مكسور مش بس على الفلوس على الثقة اللي اتدمرت تاني يوم كلمته بصوت هادي وقلتله اني قبضت جمعية بخمسين الف جنيه واني فرحانة اوي وعايزة اقعد معاه عشان نحسبها سوا حسيت في صوته لهفة غريبة وقال نخرج نتعشى بره ونحتفل وفعلا اتفقنا على مكان وزمان بس المرة دي انا مكنتش لوحدي قبل ما انزل كنت كلمت بابا وحكيتله كل حاجة وبابا زعل اوي وقاللي حقك هيرجع ومش هنسكت وكلم خالي اللي شغال محامي واتفقنا نواجهه ونجيب حقنا بالهدوء من غير فضايح تامر جه وهو مبتسم ومتحمس وفضل يسألني الفلوس فين وناوية اعمل بيهم ايه وانا بلعب الدور وقولتله انهم على المحفظة برضه فضحك وقاللي خدي بالك عشان محدش يضحك عليكي ساعتها بصيتله وقلتله زي ما حد ضحك عليا قبل كده وشه اتغير ولما لقينا بابا داخل المكان هو اتلخبط وبابا قعد قدامه بهدوء وقاله احنا عارفين كل حاجة وعندنا رقم التحويل والتوقيت يا ترجع الفلوس دلوقتي يا نحرر محضر رسمي في القسم وتتحاسب تامر حاول ينكر في الاول وبعدين لما حس ان الموضوع جد وان خالي فعلا جاهز يعمل محضر اتوتر وابتدى يتأسف ويقول انه كان في ضيقة
وامه محتاجة عملية ومكنش عارف يعمل ايه وانه كان ناوي يرجعهم بس انا ساعتها فهمت ان اللي يسرق مرة ممكن يسرق الف مرة وقلتله فلوسي ترجع كاملة دلوقتي وفعلا دخل على تطبيق المحفظة قدامنا وحول المبلغ كامل ورجعلي الاربعتاشر الف جنيه ولما الرسالة جت قدامي حسيت ان نفسي رجعلي بس عمري ما هقدر ارجع ثقتي فيه بعدها قمت وقولتله الخطوبة دي انتهت ومن النهاردة مفيش حاجة اسمها شهد وتامر تاني هو حاول يمسك في كلام ويترجاني بس انا كنت خلاص فوقت وبابا قاله يا ابني اللي يخون مرة يخون الف مرة واحنا مش هنسلم بنتنا لحد ميأمنش عليها وسبناه ومشينا وانا في الطريق كنت بعيط بس مش ضعف كنت بعيط على نفسي القديمة اللي كانت بتصدق بسهولة رجعت البيت حضنت ماما وقولتلها حقي رجع يا ماما بس انا اتعلمت درس عمري ما هنساه ومن يومها بقيت اقوى وبقيت احوش تاني وانا راسي مرفوعة وعرفت ان الجواز مش هروب ولا ستر وخلاص لا الجواز امان وثقة ولو الثقة وقعت يبقى مفيش حاجة تتبني بعدها والاربعتاشر الف رجعوا بس اهم حاجة اني رجعت كرامتي واحترامي لنفسي واخترت نفسي قبل ما اختار حد ميستاهلنيش
