الرساله وصلتني بقلم زيزي
والكشوفات؟
قال بسرعة كنت بجمّع كل حاجة عشان أهرب بيكي
اتصدمت بيهزر؟!
أنا كنت ناوي نمشي من البلد يومين كده لحد ما ألاقي حل بس عماد سبقني.
في اللحظة دي
موبايل كريم رن.
بص فيه واتجمّد.
رفعت صوتي مين؟!
ردّ وهو بيهمس هو.
وساعتها
التليفون عندي أنا كمان رن.
نفس الرقم.
رقم غريب.
بصينا لبعض حتى من ورا الباب.
ردّيت.
الصوت كان هادي بشكل مرعب
واضح إنكم بدأتوا تفهموا.
اتنهد بخفة وكأنه مستمتع
بس للأسف متأخرين.
قلبي وقع إنت مين؟!
ضحك ضحكة قصيرة وقال
أنا؟ أنا صاحب الشقة.
وسكت لحظة وبعدين كمل
والنهارده الساعة 9 الصبح هاجي أستلمها.
قفل الخط.
بصّيت للساعة
كانت 347 الفجر.
فاضل أقل من 6 ساعات
يا نثبت إن العقد مزور
يا نسيب البيت
للأبد.
كريم من بره قال بصوت واطي افتحي لو فضلنا كده هنخسر كل حاجة.
وقفت قدام الباب
إيدي على القفل
وعقلي
أفتح وأدخل حد ممكن يكون سبب الكارثة؟
ولا أسيبه بره وأواجه اللي جاي لوحدي؟
والأصعب من كده
إن لأول مرة
ما كنتش واثقة
أخاف من عماد
ولا من كريم. إيدي فضلت ثابتة على القفل ثواني بس جوايا كان فيه قرار بيكبر.
فتحت الباب.
كريم دخل بسرعة، وقفل وراه، وفضل واقف في نص الصالة تايه.
بصّيتله ببرود قدامك دقايق تقولي كل حاجة.
قعد على الكنبة، مسك راسه بإيده، وقال بصوت مهزوز عماد ده مش تاجر عادي ده بيلعب بالناس اللي عندها أملاك بيوقعهم في مشاكل وبعدين ياخد كل حاجة بالقانون.
وإنت؟ وقعت إزاي؟
سكت وبعدين قال كنت مديون واتحطيت في موقف وهو مسكني بورق وأنا غبي صدقته لما قال إن الحل الوحيد إن الشقة تتنقل باسمي الأول وبعدين نرجّعها.
ضحكت بسخرية مُرّة وبعدها كتبها باسمه هو.
هز راسه أنا اكتشفت متأخر ولما حاولت أرجع بدأ يهدد.
بصّيت
فاضل أقل من 5 ساعات.
سكتنا لحظة
وفجأة ابتسمت.
كريم بصلي باستغراب إيه؟!
قلت بهدوء هو فاكر إنه أذكى مننا بس غلط.
الساعة 855 الصبح
كنا قاعدين جوه الشقة هاديين.
كل حاجة في مكانها كأن مفيش حاجة حصلت.
الجرس رن.
بصّيت لكريم وفتحت الباب.
راجل في أواخر الأربعينات لابس شيك وابتسامة باردة صباح الخير جاهزين للتسليم؟
وسّعت الباب اتفضل.
دخل وهو واثق بيبص حواليه كأنه بالفعل صاحب المكان.
ها المفاتيح؟
طلعت الورق وناولتهوله.
مسكه بسرعة وبدأ يقلب فيه بابتسامة نصر.
ثواني
والابتسامة اختفت.
وشه اتشد إيه ده؟!
قربت منه وقلت بهدوء قاتل ده عقد البيع اللي إنت عملته بس النسخة الأصلية.
بصلي بعصبية إنتي بتقولي إيه؟!
قلت يعني العقد اللي معاك مزوّر.
كريم وقف جنبي لأول مرة بثبات.
كملت من ساعة ما سارة كلمتني كلمت محامي وطلعنا
رفعت ورقة تانية ودي إفادة رسمية إن مفيش أي نقل ملكية حصل أصلاً.
الراجل اتوتر إنتي بتكذبي!
وفي اللحظة دي
صوت من ورا لأ هي مش بتكذب.
لفّ لقى اتنين شرطة داخلين.
أنا بصيتله وقلت إحنا اللي بلّغنا.
واحد من الظباط قال بهدوء أستاذ عماد معانا أوامر بالقبض عليك في قضايا نصب وتزوير.
وشه اصفرّ
حاول يتكلم بس الإيدين اتحطوا فيه.
وهو خارج بصّلي نظرة كلها حقد.
بس المرة دي ما خفتش.
الباب اتقفل.
الصمت رجع
بس مش زي صمت امبارح.
كان صمت فيه نهاية.
كريم بصلي أنا آسف
بصّيتله شوية
وبعدين قلت بهدوء أنا أنقذت الشقة مش الجواز.
وشه اتكسر.
كملت اللي كسرته فيا مش هيتصلّح بورق ولا باعتذار.
مشي خطوة ناحيتي طب نبدأ من جديد؟
هزّيت راسي أنا بدأت بس لوحدي.
بعد أسبوع
كنت واقفة في نفس المطبخ
نفس ريحة التوم
بس الإحساس
خفيف.
هادي.
آمن بجد.
وأنا بقلب الأكل
بصّيت حواليا
وابتسمت.
لأول مرة
البيت بقى بيتي أنا.
