اسكربيت عشقت إبن عمي بالاجبار كامل بقلم اسراء ابراهيم
هذا الاسكريبت حصري على موقع ايام وغير مسموح بنقله إلى اي مدونة أخري بخلاف مواقع أيام نيوز
اسكربت
عشقت ابن عمي بالاجبار
مش هتتجوزيه يا ليل وانا خلاص قولت كلمتي ووريني بقي هتعصيها ازاي
ليل بصدمة ليه ياما لييييه ما انتي عارفة اني عاشقة اسر من واحنا عيال وعشت عمري كله احلم بيه وباليوم اللي هيطلبني فيه للجواز ويوم ما يحصل تقوليلي لا بتكسري قلبي ليه بس حرام عليكي
فاتن بتنهيدة مش انا اللي بكسر قلبك يا ليل يا بنتي افهمي اسر لو كان شايفك زي ما بتقولي كان حبك من زمان لكن هو اتجوز وخلف ودايما شايفك اخته مش حتي بنت عمه وانا لو وافقتك دلوقتي هبقي انا اللي برميكي بايدي لكسرة القلب فعشان خاطري شيلي الموضوع ده من دماغك
ليل بانفعال لا ياما مش هشيله انا بحب اسر وماصدقت انه اتقدملي وعارفة انه مكنش شايفني في الاول بس اهو النصيب غلاب وانا كفايا اني وافقتك واتجوزت انا كمان غصب عني واخرتها ايه طلقني ورماني انا كمان بعيلة سنتين عشان عينه زايغة واسر دلوقتي مراته بعد اربع سنين سابته وطفشت ورمتله ابنه زي القمر ودلوقتي عاوزني جمبه اعمل ايه ارفض واقوله انا لا
فاتن بصوت عالي انتي هبله يا بت ما واضحة زي الشمس هو عاوزك عشان تربيله ابنه اللي اتعلق بيكي وحبك لكن هو مش بيحبك يا بنت بطني افهمي بقي ومتحلميش بأوهام كدابة
ليل بحزن ومين قالك ياما اني مش فاهمة انا عارفة كويس ان اسر مش بيحبني وانه عاوزني اربيله ابنه وراضية ياما كفايا عليا اني اعيش معاه واتكتب علي اسمه ابوس ايدك وافقي واعرفي اني هبقي اسعد واحدة في الدنيا
فاتن بحيرة وحزن للدرجادي يا ليل موافقة عليه وعارفة انه مش بيحبك طب
ليا بتوتر وفرحة ان شاء الله مفيش اي حاجة من دي ياما انتي بتحبيني وعاوزالي الخير وبعدين ده انا هبقي في الشقة اللي فوقيكي علطول يعني هتعرفي اذا كنت فرحانه ولا زعلانة
فاتن بقلق مبروك يا ليل يا بنتي انا هبلغ اسر موافقتي عشان يحدد يوم وتكتبو الكتاب
ليل بسعادة الله يبارك فيكي ياما ويخليكي ليا يارب
يوم كتب الكتاب كانت العيلة متجمعة وكانت ليل لابسة فستان بسيط أبيض بس ناعم على جسمها ووشها فيه فرحة مكبوتة ودمعة مش عاوزة تنزل اما أسر فكان لابس بدلة رمادي غامقة وواقف جنب المأذون وكان عادي جدا
المأذون بابتسامة
بارك الله لكما وبارك عليكما وجمع بينكما في خير
الكل بدأ يهنيهم و ليل وقتها بصت لاسر لكنها لقته هادي جدا وعادي مفيش علي وشه اي تعبير فبصت لفاتن ولقتها بتبصلها بقلق
ليل بصوت واطي وهي بتسلم علي اسر
مبروك يا اسر
أسر بهدوء
الله يبارك فيكي يا ليل
فاتن
فرحانة يا بنتي
ليل بصوت مهزوز
فرحانة بس مش عارفة ليه قلبي بيخبط كده
فاتن وهي بتحاول تطبطب عليها
عشان قلبك صادق وحاسس إنك داخلة على حب من طرف واحد
ليل بنبرة فيها تحدي
بس هكسب قلبه يا ياما أنا واثقة والله
فاتن بتمني يارب يا بنتي يحققلك اللي بتتمنيه ويطمني عليكي
وفجأة بيجري نوح ابن أسر ناحية ليل ويمسك فستانها وهو بيقول بصوته الطفولي
ماما ليل مش انتي هتبقي ماما
ليل
ليل وهي
طبعا يا حبيبي ماما وانا جنبك دايما ماشي
أسر بيشوف المشهد من بعيد ونظرته ل ليل فيها لمحة امتنان بس مفيش ولا شرارة حب ووقتها ليل تاخد نوح وتقعد مكانها بس وقتها بتسمع حد من المعازيم بيتكلم وبيقول ان اسر اتجوزها اكيد عشان ابنه وانها احسن حد ليه لانها مطلقة هي كمان
ليل بتسمع الجملة وتحسها سكينة دخلت في قلبها فتقوم بسرعة وتدخل أوضة صغيرة جنب الصالة وتحاول تهدى نفسها وتشوفها فاتن وتيجي وراها
فاتن بقبق
مالك يا ليل في ايه يا بنتي
ليل بدمعة خفيفة
بحاول أقنع نفسي إني فرحانة بس كل حاجة حواليا بتفكرني إني لوحدي حتى وأنا عروسة
فاتن بحنية
ما قولتلك يا بنتي بس خلاص اللي حصل حصل واعرفي انك مش لوحدك يا قلب أمك يلا ارجعي محدش يستاهل يشوف دمعتك النهاردة
ليل بتمسح دموعها وتاخد نفس طويل وترجع تخرج تاني بس في اللحظة دي تشوف اسر خارج البلكونة فتروح وراه ووقتها تسمعه بيكلم واحد من صحابه في التليفون كان بيكلمه بصوت واطي بس واضح
أسر بضيق
آه كتبنا الكتاب وكل حاجة ماشية تمام المهم إن العيل بقى جمبي وخلاص أنا عملت اللي المفروض أعمله بعد ما هددتني طلقيتي انها هتاخده ومكنتش هلاقي احسن من ليل بنت عمي وخصوصا اني عارف من زمان انها بتحبني واكيد مكنتش هتمانع وكمان نوح بيحبها ومتعلق بيها
ليل وقفت متجمدة مكانها وكل حاجة حواليها تسكت حتى صوت الموسيقى الهادي يقف وتحس إن الفرحة كانت وهم وإن الجواز ماكانش إلا صفقة وهي الطرف الأضعف فيها فلقت نفسها بتنسحب وترجع مكانها وهي حابسة دموعها ورافضة تنزلهم قدام الناس بس
بعد كتب الكتاب كانت ليل في اوضتها بعد ما صممت فاتن واخدت نوح ورهف ولادهم يباته معاها الليلة دي فكانت ليل لابسة بيچاما جديدة وشعرها مربوط ووشها هادي بس فيه حاجة غريبة مش ابتسامة مش حزن هو برود تقيل مالوش تفسير بعد كل اللي حصل وسمعته
وأسر دخل بعدها بلحظات وقفل الباب وراه وشايل الجاكيت بتاعه وكانت متوتر ومش عارف يقول ايه بس يحاول يكسر التوتر
أسر بنبرة هادية كويس إننا خلاص بقينا تحت سقف واحد طول اليوم الناس حواليكي معرفتش اتكلم معاكي
ليل بجمود من غير ما تبصله وهي بتظبط ملاية السرير كان يوم طويل فعلا وانت أكيد تعبت
أسر باستغراب من ردها ليل مالك في حاجة
ليل بضيق لا مفيش
أسر منها وبيحاول يلفها ناحيته بلطافة
طب بصيلي حتي قوليلي إيه اللي مغيرك كده متعود عليكي دايما بتضحكيلي حتى من غير سبب
ليل بتلف وشها جامد الناحية تانية قولتلك مفيش يا اسر لو سمحت سيبني
أسر بياخد خطوة لورا وهو حاسس بحاجة مش مفهومة يعني إيه انتي زعلانة مني هو انا عملت حاجة
ليل بنبرة مخنوقة بس صوتها فيه رعشة لا إنت ما عملتش حاجة كل حاجة ماشية زي ما كنت متوقع متقلقش
أسر بدأ يحس إن في حاجة غلط فعلا وحاول يفهم
أنا حاسس إنك متغيرة كنت فاكر إن أول ليلة هتكون غير كده كأنك كنتي بتحلمي بيها
ليل بنظرة فيها ألف خيبة
كنت بحلم بس لما الحلم بيتحقق بيبقى أحيانا أسوأ من الكابوس
أسر بانفعال
ليل!! انتي بتقولي إيه ليه بتتكلمي معايا كده ده أنا اللي اخترتك وأنا اللي قررت إنك
تبقي مراتي
ليل بنظرة قوية لأول مرة من ساعة ما دخلت
اخترتني ولا قررتني
أسر بتوتر
لو في حاجة في قلبك قوليها احنا
