اسكرييت بقلم نانسي اشرف
_ صحيني الساعة تسعة الصبح
_ نهار أبوك اسود و منيل! ... انا عارفة الداخلة دي كويس
_ دخلة ايه!
_ يعم ما تقول انك معجب بيا
_ مع...
_ يعم بطلوا تحوير بقا ولف ودوران
_ عايدة! ...
_ يعم يخربيت الكاريزما بقا
_ عايدة
_ يعم أ..ااممممممم
حطيت ايدي على بوقها وانا بعدل نفسي على السرير
_ عايدة! ... بصي كدا على الصورة الي في الحيطة الي قدامك
بصت ناحيتها وانا لسه حاطت كفي على بوقها
_ مممم
_ دي صورة عريس وعروسة
_ مممم
_ تخيلي بقا مين العريس والعروسة !
_......
_ احنا!! ... احنا يا عايدة يالي مخلف منك عيلين والتالت بيفكر يجي يا عايدة
شيلت ايدي من على بوقها وبصتلها بغيظ وهي بتعدل شعرها
_ انت بتزعق ليه!!!!
_ لا يا بت وانتي عاقلة وعقلك مخلينا هاديين يا بت
_ بت! على فكرة بقا انا ليا اسم
_ هي غلطتي اني صاحي لساعة عشرة ونص اصلا
_ هي غلطتي اني اجوزت واحد زميلي أصلا
_ خشي اتخمدي يا عايدة
_ قالولي! والله قالولي .. هتيجي وفي ايدك الرضعة عشان تغدي النونة يا عايدة
_ يا عايدة دا احنا مع بعض من إعدادي يا عايدة .. يا عايدة لو مكنتش اجوزتك كنتي هتبوري والله
_ كان زماني اجوزت الطيار الي اتقدملي
_ طيار ايه والنبي يا بت دا انا حبيتك بمريلة المدرسة يا بت .. يا بت كنت أنا هنا قبل الجميع يا بت
_ لا وبتقفلي بعد المدرسة قال
_ عشان صبيان اولى رابع ميرخموش عليكي
_ اتنيل دا انت كنت بتاخد كل علقة واختها
_ شوف
_ ياشيخ بلا وكسة
_ اتمسي يا عايدة
_ قالولي هتتخانق معايا على كيس الشيبسي مصدقتش
_ عايدة!!!
_ انا كنت سايبة نص شكولاتة مورو في التلاجة كلتها مش كدا
_ لا محصلش الكلام دا
_كلتها وعهد الله كلتها يا يونس
اتعدلت في النومة مرة تانية وانا عيني في عنيها
_ على فكرة بقا بايتة وطعمها كان وحش
_ وانت مالك انت هو انا الي شرياها ولا انت
_ انا
_ ورايفر
_ انا ورايا شغل يا بنت الناس
_ بقيت بنت الناس كلهم دلوقت اومال قبل الجواز بنتي بنتي بنتي أما كلت دماغ أمي
_ يا ولي الصابرين يا رب
_ وبعدين بنتك ايه يالا يالي اكبر مني بشهرين
_ وأربع ايام يا عايدة يا واكلة حق اليتامى
_ بقولك ايه متقوم تنام على الكنبة برا
مسكت المخدة واللحاف وقومت
_ احسن بردو .. دي بقت عيشة تقرف
سمعتها وهي بتزعق
_ وعلى فكرة الساعة عشرة وتلت هه
فردت الكنبة الي بقت على شكل سرير غمضت عيني شوية ومقدرتش انام فضلت اتقلب وعيني تجري على باب اوضتها لحد ما لقيته اتفتح عملت نفسي نايم مرة تانية اما هي قربت وحطت نفسها جوا الغطا شالت دراعي وحوطته عليها ونامت جمبي وهي مدياني ضهرها ابتسمت وانا بشدد على دراعي الي بيحاوطها وغرزت وشي في شعرها ونمت.
_ بابا انت ايه الي نيمك على الكنبة
فتحت عيني وبصتلها وهي شايلة آسر ابني وحمزة بيوجهلي السؤال
_ اسأل أمك
_ بابي راجل مفتري ومعندوش لا ذمة ولا ضمير
_ اه وايه كمان
_ ولا فلوس يا ولاد
_ ما
_ قال يعني مبتاكلوش
_ مبحبش الخضار
_ اه عشان كدا خلصت نص الكرتونة بس
_ قولتلك ميت مرة هاتيها لحمة
_ الولاد بيحبوا الخضار
آسر وحمزة اكلموا في نفس اللحظة _ لا مبنحبش الخضار
_ اششششش انا بحبها
_ انتي ولية ديكتاتورية
_ وانت راجل فقير
قومت من مكاني ودخلت الحمام وطلعت قعدت على السفرة مع الولاد وهي قربت الأكل
_ خد كل سندوتش واحد عشان احنا متخانقين
سكت وكلت قبل ما الاقيها بتقرب سندوتش تاني
_ خد دا كمان عشان انت متعشيتش حلو امبارح
ابتسمت وانا باخده وبشرب من القهوة قبل ما تحط قدامي واحد تالت وتبعد فنجان القهوة
_ ودا عشان ممكن يأخروك في الشغل
_ كتير عليا
_ ياكش يطمر في الي خلفوك
_ ماشي تمام شكرا
قومت عدلت الكارڤات في مراية الي جمب الباب قبل ما الاقيها بتقرب وبتعدلها هي
غمزتلها وانا بقرب
_ حلاوتك انت وانت مهتم بتفاصيل جوزك
_ دا انت جوز الهند نافع عنك
_ يلا يا ولاد عشان هتنقط
لبسوا شنطتهم وجريوا عالعربية وقبل ما امشي لقيتها بتمسك ايدي وبتقرب مني
_ دا سندوتش كمان عشان لو جوعت هناك
ابتسمت وبوست راسها وقفلت الباب ورايا
_ ولد
_ لأ بنت
بصيت ناحيتها وناحية الدكتورة الي ابتسمت ورفعت عنيها ناحيتي
_ صح يا بشمهندس يونس بنت
ضحكت وانا لسه ماسك اديها وعيني على السونار الي بيصور بنتي
_ قولتلك
_ حلو اوي دا
_ الحمدلله هيبقى عندي بنوتة شبهك
_ الحمدلله مناخيري مش هتكبر في الحمل
_ هو دا الي
_ خلفة الصبيان صعبة اسمع مني بكرة تجرب و...
_ انتي بتقولي ايه
طلعنا من عند الدكتورة ورجعنا خدنا الولاد من المدرسة وروحنا
_ انا عازمكوا عالغدا برا بمناسبة الضيفة الجديدة الي هتشرف العيلة كمان شوية
قعدنا على التربيزة والاكل وصل
_ مالك يا عايدة !
_ ماليش
_ يا عايدة ...
_ مفيش
_ اخلصي جو المخطوبين دا مصدقنا خلصنا منه
_ ما هو لو كنت مهتم كنت هت...
_ لا بطلناها الشغلانة السودا دي
_ ايه الساندوتش الي ب ٦٠ دا!! دا احنا كنا جبنا كيلو لحمة وعملنا وليمة .. صح يا ولاد
_ لا يا مامي انتي بتحرقي ال Steak وبيبقى طعمه مش حلو
_ خدتها من على لساني يا ابني والله
_ والله!!
_ قصدي يا حبيبتي احنا عارفين انك بتعملي اكل حلو و كل حاجة بس احنا عاوزين نريحك مش كدا يا ولاد
_ لأ طعمه مش حلو
ابتسمت بتوتر ناحيتها وبدأنا ناكل ورجعنا البيت
_ نور .. فريدة .. إسراء
_ بقولك ايه يا يونس ما نسميها أسماء أشمل وأعم
سكت شوية ورجعت أبصلها
_ ليلى
رفعت عنيها ناحيتي
_ ايه رأيك في ليلى
_ ليلى !! .. اشمعنى!
ابتسمت وانا بقربلها
_فاكرة عرضت الجواز عليكي ازاي
_ في حفلة لكايروكي
_ايوه بالظبط
_مش فاهمة بردو
فاكرة الأغنية الي كانت شغالة ساعتها
بصت بعيد وضيقت عنيها وهي بتحاول تفتكر قبل ما اخبط بصوابعي على التربيزة جمب السرير على رتم ومزيكا الأغنية
_عشانك أنا قادر أكمل .. عشانك قادر أتحمل
ابتسمت وهي بتفتكر كلمات الأغنية وبتكملها
وكل مرة بشوفك بحبك تاني من الأول
حطيت ايدي على بطنها وكفها على كفي وابتسمنا احنا الاتنين لبعض وانا بقول
ليلى
نانسي_أشرف نان.
