اوتار القلوب ل فاطمة الألفي
تلاتة
ابتسمت باطمئنان لشقيقيها ربنا يخليكم ليا
غرز الطبيب المحلول داخل تريدها وهى تتحدث مع اشقائها لكى تنسى الألم...
وعندما شعرت بوخز يسري بيدها تمسكت بقوه بيد عاصم وباليد الآخرى احمد ولم تصرخ مثل ماتوقعو ..
اغمضت عينها بالم شديد وهى متشبثه بقوه باشقائها والدموع تتساقط من عينيها المغلقة والعرق يتسرب من جبينها..
مسح لها عاصم دموعها وحبات العرق المتساقطة...
ظلت الجلسة لمدة ساعتين من محلول لآخر وعندما يسير بجسدها الضعيف تشعر پالنار التى ټحرق اوصالها وتكتم صړاخها فتعلم انهم يتالمو لالماها..
خارت قواها فقد ارهق جسدها الضعيف جانبها وغسل لها وجهها بالماء وداهمها دوار وشعرت بعدم اتزان حملها شقيقها ودثرها بالفراش ووضع عليها الغطاء لتنام وترتاح...
واغلق الاضاءة وتركها لتنام...
شعر بالحزن عليها فهذة اول جلسة وشعرت بمعاناة يريد أن يخفف عنها وماذا بوسعة ان يفعل ليس بيدة أى شئ..
جلس مع شقيقة واخبرة ان يذهب إلى شقتة ويأخذ زوجتة وهو الذى يهتم بشقيقتة لا يريد أن أحد غريب يرى
مرضها ولحظات ضعفها غيرهم فقط .
احمد .انت بتقول اية انا ومراتى مش هنسيب البيت طول ماغصون تعبانة وبعدين لهفة بنت عمها وطيبة جدا وهى طلبت منى ماقلقش على غصون وهى هتاخد بالها منها صدقنى لهفة بتحب غصون ومعتبراها اختها بجد .
عاصم بتنهيدة .ياريت تكون صادقة مش تخيرك بعد كام يوم بينها وبين اختك
احمد مش فاهم لية بتقول كدة
عاصم. مش مهم
احمد انت هتخبى علية ياعاصم دة انا توامك يابنى قولى فى اية غير تعب غصون
عاصم. يمن تصور بتخيرنى بينها وبين غصون وحصل .........
..........
احمد پصدمة معقول قالتك كدة .
عاصم .ايوة وهى إللى اختارت بنفسها تنهى حياتنا قبل ما تبدأ
احمد بحزن .طب اديها فرصة تانية عشان خاطرى .
عاصم .خلاص يا احمد ماينفعش فرص تانية ولا تالتة هى اختارت خلاص النهاية وهكلم جدى واعرفة رغبتها انها مش هتكمل معايا
احمد بحزن .مش عارف اقولك اية
عاصم. انا هنام صحينى قبل 8 عشان فى ضيف جاى على 8
احمد .مين الضيف دة
عاصم .لم اشوفة هعرف هو اتصل علية وطلب يقابلنى فى البيت يمكن عايز اعمل عملية لحد مش عارف والله انا مرهق جدا وداخل انام
احمد .طيب هصحيك على 7 اوكية.
عاصم .ماشى بس لو غصون فاقت او احتاجت حاجة صحينى فورا
احمد .ماتقلقش انا موجود ولهفة نايمة جنبها اطمن
عاصم بابتسامة .ربنا يخليهالك يا حبيبى حصل ظروف فوق إرادتنا وجى وقت الفرح حزن الحمد لله على كل حال
احمد. الحمد لله ربنا بيبعت الصبر وقت البلاء وبعدين وجودى هنا مصلحة ههههه بينى وبينك لهفة لسة صغيرة وخاېف عليها وانا وعدتها مايحصلش حاجة دلوقتى عشان تكون خدت عليا وكمان تكون كبرت بردو هههه ولا اية رايك
عاصم بابتسامة. هو دة اخويا إللى ربيته ربنا يباركلك ياحبيبى ويسعدكم يارب غيرك ماصنش وماحترمش لا صغر ولا صلة ډم ولا أى حاجة
احمد. ربنا هيعوضها خير انا واثق ان ربنا بعتلها التعب الوقت دة عشان تنسى ۏجع القلب وكسرتة واكيد بعد التعب ربنا هيشفيها وهيبعتلها فرحة تعوضها عن أى الم عشتة ولا حستة هو ربنا كريم دايما بعبادة وانا متفائل خير
عاصم. فعلا ربنا موجود الحمد لله ..
بعد عدة ساعات ارتدى آدم بدلة من اللون الكحلى وقميص ابيض ورفع شعره واستقل سيارته متوجه الى منزل دكتور عاصم سليم...
وبعد
نصف ساعة كان أمام البنايه صف سيارته وصعد حيث الشقه المطلوبه ودق الجرس وانتظر ..
فتح له احمد ورحب به وجلس بالصالون.
احمد اهلا وسهلا انا احمد سليم اخو عاصم.
آدم. اهلا وسهلا تشرفت بمعرفتك يا دكتور
احمد اتفضل استريح عاصم ثوانى وجاى
حضر عاصم وصافحه بترحاب
السلام عليكم
آدم .وعليكم السلام ازيك يادكتور انا ادم الشاذلى
عاصم. اهلا وسهلا اتفضل
احمد .تشرب اية يا استاذ آدم
آدم .ممكن قهوة مظبوط
احمد .وانت ياعاصم .
عاصم .محتاج فعلا قهوة
احمد. حاضر
توجة احمد إلى زوجتة وطلب منها إعداد ثلاث فناجين من القهوة ..
وبعد لحظات اعدت لهفة القهوة واخذها احمد وقدمها إلى الضيف وشقيقه
آدم. طبعا حضرتك مستغرب زيارتى انا هعرفكم على نفسى الاول اسمى آدم احمد الشاذلى 25 سنة فى نهائى تجارة إدارة أعمال من اسكندرية ومسكت شركة والدى هنا فى القاهرة وبحاول اثبت نفسى واكون جدير بثقة والدى واتابع الشغل بدالة وانا جاى بطلب ايد اختكم غصون
احمد ينظر پصدمة إلى عاصم ..
.....
يتبع
الفصل الثلاثون
عاصم پصدمة .تطلب ايد غصون انت تعرفها منين
آدم بصدق بصراحة شوفتها فى الجامعة فى اسكندرية انا لسة بدرس وهتخرج كمان شهرين ان شاء
الله
آدم بابتسامة . لا والله انا اجليت سنة ومادخلتش الامتحان وبصراحة هى رابعة إللى دى تانى سنة فيها بس انا خلاص هتخرج باذن الله وانا تحت امركم فى أى سوال او استفسار
عاصم بتسأل اشمعنا غصون
آدم بابتسامه عشان اول لم شوفتها فى الكلية لفتت نظرى باخلاقها وادبها وعمرى ماشوفتها واقفه مع شاب واعجبت بيها يمكن من اول يوم دخلت فية الجامعة وماخبيش عليك حاولت اكلمها بس هى ونعم التربية كانت بتصدنى بكل زوق واحترام ودة خلانى احبها كمان ونفسى تكون من نصيبى واتمنى من ربنا اقدر اسعدها
عاصم بتنهيده بس انت ماتعرفش ان غصون دلوقتى تبق مطلقة
آدم بثقه لا انا عارف من همسة
احمد پصدمه .كمان تعرف همسة
آدم بتردد بصراحة اخدت رقم دكتور عاصم من همسة وانا قولتلها اكتر من مرة انى عاوز اتقدم وهى عرفتنى عن جوازها وبصراحة اڼصدمت صدمة عمرى وهمسة عرفتنى ان جواز عشان جدكم وبسبب القرابة حاولت اصبر وبعد فترة عرفت خبر طلاقها فرحت جدا وحسيت انها نصيبى وماينفعش اتاخر اكتر من كدة وعرفت اهلى وهم مرحبين بانى اتجوز غصون وموافقين على اختيارى
عاصم بجديه . كلامك كلة تمام وانا سعيد بيك انك بتقول الحقيقة من غير تجميل ولا تزويق بس اهلك عندهم علم ان غصون مطلقة وموافقين ان ابنهم الوحيد يتجوز مطلقة
آدم بقلق لا مايعرفوش بس دى حياتى ودى حاجة تخصنى وحدى مش تخص اهلى انا إللى هتجوز واعيش مع مراتى .
عاصم بجديه . معاك انها حياتك انت وساعدتك انت بس ماحبش اختى تعيش جوة عيلة مش مرحب بيها لازم الكل يوافق عليها لازم والدك ووالدتك يعرفو واذا قبلو باختى فى عيلتكم و هتكون واحدة منكم انا ساعتها هوافق وارحب بيك لكن لو رفضو يبق انت لا جيت ولا شوفناك ومش هعرف اختى بالمقابلة دى عشان مش تنجرح ولا تزعل انها مرفوضة بسبب طلاقها إللى مالهاش أى ذنب فيه .
نظر له آدم وتحدث بثقه انا اوعدك انى هجيب اهلى ويتطلبو ايد غصون بنفسهم انا راجل وقد كلمتى بس ممكن اتكلم مع غصون
عاصم برفض اسف مش هينفع انا قولت لو جيت مرة تانية اوعدك تقعد معاها ساعتها هحس انك قد كلمتك ونتكلم بجد فى كل التفاصيل لو اهلك رحبو باختى وسطهم انا لا يمكن اقبل انك تخبى وتخدع اهلك واختى تنجرح بعدين لم يعرفو الحقيقة انا لا يمكن اقبل ان اختى تعيش اى چرح او كسر تانى مش هقبل لمخلوق ان يكسرها .
آدم بأمل اوعدك ان
عاصم بابتسامه .وانا هرحب بيك وبعيلتك فى أى وقت
نهض آدم من مجلسه انا هستاذن وان شاء الله على تليفون
وقف عاصم ليصافحه .تشرف فى أى وقت
سار احمد جانبه ليودعه عند باب الشقه شرفتنا ونورتنا
آدم وهو يصافحه الشرف ليا والله انا سعيد بمعرفتكم
عاصم بمجامله. احنا اسعد مع السلامة
......................
بعد مغادرة ادم تحدث احمد مع شقيقه بامر شقيقته
احمد .عاصم لية مش عرفتة تعب غصون
عاصم بحزن . ماينفعش اقولة اختى مريضة افرض ماجاش تانى يبق ساعتها عرف بمرض اختى لا طبعا مش من حق حد يعرف حاجة زى دى
احمد باستغراب طيب ولو جاب اهلة وجم بجد يطلبو غصون
عاصم بأمل هكون سعيد ان آدم طلع راجل وقد كلمته واقنع اهلة يوافقو بغصون رغم لقب مطلقة ومش اهتم بفلوسة ولا ثروتة طبعا عارف مين هو احمد الشاذلى اسم مشهور فى عالم
رجال الأعمال واكيد آدم مش هيكون بيهتم بغنى او فقر هو اختار اختى عشان اخلاقها وتربيتها ودة مش هيغير حاجة ممكن حد تانى يفكر فى واحدة مش مطلقة وعندها مال وجمال وكل حاجة بس مافيش الأخلاق والتربية الا عند غصون وهتاكد أن اهلة تربيتهم ليه صح وكمان هيوافقو بغصون عشان هم مش مهم عندهم انها غنية أو فقيرة المهم سعادة ابنهم يعنى ناس مش بتفكر بالحساب البنكى ولا بالعربية الماركة دى ناس بتفكر بحب وسعادة ابنهم وساعتها لو دة حصل انا هكون سعيد بية ان عرفت اختار راجل بجد يستاهل اختى وغصون بنفسها هى إللى حتحكى على مرضها لو وافقت علية وانا هحس بيها من نظرة عنيها موافقة على آدم ولا لاء الايام هتعرفنا اية إللى هيحصل وربنا يكتبلها الخير ماحدش عارف نصيبها مع مين .
احمد بتأيد لحديث شقيقه معاك حق
ابتسم احمد على حديثه طيب ياخويا
دلف احمد لغرفة شقيقته ليطمئن عليها ويصطحب زوجته للخارج لكي يدلف عاصم .لهفة تعالى نطلع عاصم هيجى ينام جنب غصون .
نهضت لهفة من أعلى الفراش ودثرتها جيدا بالغطاء ثم سارت بجانب زوجها
. هو الضيف مشى
هز رأسه بالموافقه . ايوة
لهفة بتسال مش هتتعشو
لهفه بحزن واني زيك مافيش نفس
جلس احمد فى الصالون بجانب زوجتة وبعد فترة نام مثل الطفل الصغير وهو يضع رأسه أعلى قدميها وظلت هى تمسد على شعره بحنان إلى أن غفل مكانه .
وصل الساحل وبدأ يعمل على المشروع ويشغل كل وقتة بين العمال والمهندسين والإشراف على قيام القرية السياحية بالساحل ويحاول أن يبعد التفكير فيها فقد عذبها بما يكفى والان يحاول ان يلهى نفسة بالعمل ولا يفكر بها مطلقا.....
تحدث آدم مع همسة وقصى عليها كل شئ حدث فى المقابلة بين اخوات غصون وطلب منها عدم ابلاغ غصون بزيارتة لكى يفاجاءها باهلة ويكون قد وعدة ....
وقرر نزول اسكندرية فى اليوم التالى ليتحدث مع عائلتة واقناعهم بغصون .
يعلم أن والدة لا يعترض ولكن الاعتراض سياتى من والدتة يحاول يجمع افكارة لتقتنع بغصون زوجتة المستقبلية ولا يقبل بغيرها..وبعد طول تفكير نام بابتسامة سعيدة انه يحاول ان يجتمع بغصون فى الحلال وان الاوان ان تصبح زوجتة فهو صبر كثيرا ....
فى اليوم التالى
بعد أن أطمئن على تحسن حالة غصون ذهب ليتابع عملة بالمشفى وترك احمد معها لانة اجازة أسبوعين بسبب زواجة....
ظل يطلق النكت المضحكة ليخفف عن صغيرتة ويخلق جو المرح المعتاد منة وعلمت لهفة انه حنون جدا على شقيقتة وفرحت بة وتقربت آلية علمت بداخلة طفل صغير لا يشعر بطفولتة إللى وهو مع شقيقتة الصغرى فسعدت جدا بعلاقتهم وتمنت أن علاقتها باخويها سليم وسلمان ان تكون مثل علاقة عاصم وأحمد بغصون وبعد فترة حمدت ربها فهى عندها الأب والأم والزوج الحنون العاشق لها وتتمتع بصحتها ولكن غصون حرمت من الاب والام والزوج تخلى عنها وفقدت صحتها واصيبت بمرض الهلاك الذى لا ينجى منة إللى القليل ولكن عوضها الله تعالى باشقاء يدعموها ويحبوها بلا يعشقوها حقا فهم الأب والأم والاخوة والسند والدعم لها فى الحياة وحمدت ربها كثيرا
الحمد لله حتى يبلغ الحمد منتهاه
بعد ساعتين وصل إلى عروس البحر الأبيض المتوسط...
ذهب إلى بيتة وتقابل مع والدة الذى وصل الان من عملة وجلس بصحبة اهلة وبدأ يقصى عليهم المقابلة التى دارت بين شقيق غصون وكل ماحدث من كلام وحوار إلى أن أخبرهم بخبرطلاقها الذى كان قنبلة وانفحرت فى وجة والدتة..
ماجدة .نعم مطلقة بقى تسيب بنت خالتك إللى زى القمر مال وجمال وحسب ونسب وبنت بنوت وتروح عاوز تتجوز مطلقة واحد غيرك لمسها وعاشت معاة انت اكيد اټجننت انا لم قولت تختار شريكة حياتك كنت فاكرة مختار بنت وقولت خلاص ربنا يسعدة لكن عاوز تجننى وتتجوز مطلقة لية يابنى حرام عليك انت لسةفى عز شبابك تعمل فى نفسك كدة لية اتكلم يااحمد عقل ابنك
احمد .انا قولت انا موافق على اختيارة أى كانت بنت بقى مطلقة ارملة هو اختار نصيبة وبيحبها
آدم. لحظة بس انتو فهمتو غلط انالسة ماخلصتش كلامى غصون فعلا مطلقة بس مكتوب كتابها بس وبعد أسبوع حصل خلاف هو كان ابن عمها وجواز ڠصب اهلها فى الصعيد اصرو يجوزهم من بعض وهم اصلا ماكنوش يعرفو بعض وهى كانت عايشة هنا فى اسكندريةوابن عمها عايش فى القاهرة وبس ماحصلش تفاهم وسابو بعض بعد لم الجد ادهم حقهم فى ميراث ابوهم دة كان الشرط وخلاص الموضوع انفض
ماجدة .بردوة اسمها مطلقة
احمد .ماهو قالك بنت عايزة اية تانى
آدم. ماما لو حضرتك ماوافقتيش على غصون انا مش هتجوز غيرها ارجوكى خلى ابنك يكون راجل وقد كلمتة كفايا ان شرط عاصم انكم تعرفو وتقبلو باختة وسطيكم ارجوكى بلاش تكسرى قلبى وغصون هى فرحة قلبى
احمد احنا معاك يابنى وهتبق راجل قدام اخوتها وحدد ميعاد ننزل نخطبها رسمى كمان مش كدة يا ماجدة
آدم بتوسل. وحياتى عندك يا ميجو ياقمرى
ماجدة بابتسامة .ماقدرش اكسر قلبك يا حبيبى بس هتعيش معايا هنا انا ماليش غيرك وعايزة تملى الفيلا احفاد دة شرطى
آدم يقبل والدتة .انتى توامرى دة المطلوب
ان شاء الله وقبل والدة وشكرة على وقفة جانبة
آدم بغمزة .هكلم عاصم حالا
ماجدة .شوف الواد مستعجل ازى
احمد .ههههههه خلية يفرح ويفرحنا معاة
.........
صعدآدم إلى غرفتة بكل نشاط وخفة وهو يشعر بالسعادة والنصر ان عائلتة تقبلت غصون وضغط على أرقام شقيقها عاصم
وجاء الرد بعد ثوانى
عاصم .الو
آدم بفرحة. الو انا ادم يادكتور
عاصم .ازيك ياادم
آدم. الحمدلله بخير انا وصلت اسكندرية واتكلمت مع بابا وماما وهم موافقين وماحدش اعترض خالص تحب نشرفكم امتة حدد الميعاد إللى يناسب حضرتك
عاصم بضحكة خفيفة. بالسرعة دى انت مستعجل بقى .
آدم بفرحة. والله حابب اثبت لحضرتك انى جد وراجل يعتمد علية وتسلمنى اختك وانت مطمن
عاصم. خلاص يا ادم تشرفونا كمان 4 أيام هيكون يوم الخميس عشان عندى الجمعة اجازة نسهر براحتنا وفى نفس الميعاد منتظرينكم
آدم. ان شاء الله هنكون فى الميعاد بالثانية
عاصم .مرحب بيكم
آدم ماشى يا دكتور مع السلامة
عاصم .مع السلامة ..
الفصل الحادى
فى غرفة غصون
عاصم. لسة صاحية
غصون .هههههه هو انا بطلت نوم
احمد .هههه المهم تبق كويس ياغصنى
غصون .هو انا ينفع انزل الجامعة كدة هيفوتنى كتير
عاصم .لا طبعا ماينفعش تتعرضى للهواء والجو مش
تمام وبعدين عشان أى عدوة مش تدخل جسمك انتى ماعندكيش مناعة تهاجم معلش ياحببتى كلمى صحبتك تجهزلك المحاضرات إللى فاتتك وانا هعدى عليها اجبهملك
غصون .حاضر بكرة ابق اكلم روان
لهفة .اية رايك عاد اعملك رز بلبن يستاهل خاشمك
غصون .مابحبوش
احمد .ههههه هى بتحب كورن فليكس ههههه
غصون .لا كبرت علية بقى
عاصم .مين قال كبرتى دى طب هنزل اشترية واكل معاكى عشان ماتقوليش كبرت دى تانى
غصون بابتسامة. بجد ههههه
احمد .دى هتبق مسخرة السنين يا دوك ههههه
عاصم .انا نازل السوبر ماركت ولو محتاجين حاجة كلمونى
احضر كافة شئ من السوبر
ماركت كل ماتحبة شقيقتة جلبة لها ..
وبعد نصف ساعة دخل المنزل ومعة اشياء كثيرا ...
احمد .ايوةة اية كل دة اشتريت السوبر ماركت ولا اية .
عاصم .خفة ياض هههه
عاصم .دى حاجات المطبخ يالهفة
ودى مكسرات عشان غصون بتحبها والكورن فليكس انا هعملة بنفسى وايس كريم من توتة طعمة يجنن زى بتاع عزة عندنا فى اسكندرية ودة فيلم بقى احمد حلمى الجديد عارف ان غصون بتحبة يلى بقى احمد جهز السهرة وانا هعمل الكورن فليكس
احمد. بس كدة من عنية
وبعد دقايق جلس الجميع أمام التلفاز يشاهدو فيلم كوميدى ويوجد التسالى
عاصم .كلى لوز كويس ياغصون عشان بيقوى المناعة
غصون .حاضر يا ابية تسلم ايدك
وبعد ساعتين كان الجميع فى سبات عميق..
حملها عاصم وادخلها غرفتها ودسرها بالفراش جيدا وترك الغرفة..
وجد احمد ينتظرة بالخارج
عاصم. فى حاجة يااحمد
احمد .هو آدم كلمك
عاصم بابتسامة .أيوة وحددت ميعاد يوم الخميس يكون هنا
احمد بابتسامة. بجد طب ماقولتش لية
عاصم. وهقول ازى وانا عاوزها تكون مفاجأة لغصون
احمد. طب لية ماتعرفها
عاصم. لا يومها هنقولها فى ضيوف وبس وهى تتفاجا بيهم
احمد. زى ماتحب طب هتعرف جدك وعمك
عاصم .بكرة دلوقتى الوقت اتاخر تصبح على خير...
تحدثت غصون مع روان وطلبت منها ان تعطى شقيقها جميع مافاتها من محاضرات واخبرتها انها تعبانة لا تستطيع الذهاب إلى الجامعة الان ولكن اخفت حقيقة مرضها وعلمت من صديقتها ان وسيم فى اجازة ودكتور آخر يدرس لهم ولم تهتم غصون بالامر وأغلقت معها الهاتف ....
أخبرت عاصم بمكان روان بالكافية وطلبت منة الذهاب اليها لجلب المحاضرات ووافق ..
قرر الذهاب إلى الجامعة وبحث بعينة عن وجود روان ولمحها تجلس مع شبان توحة إليهم..
عاصم .سلام عليكم
الجميع. وعليكم السلام .
عاصم. انسة روان مش كدة
روان .ايوة انا حضرتك دكتور عاصم اخو غصون
عاصم. أيوة ممكن المحاضرات
روان .اتفضل دة كل حاجة فاتتها انا صورتها بس سلملى عليها اوى
عاصم .اكيد طبعا وشكرا على تعبك
روان .العفو غصون زى اختى وربنا يشفيها وترجع الجامعة بالسلامة
عاصم .ان شاء الله عن اذنكم
يوسف. ماتتفضل تشرب حاجة
عاصم. شكرا مستعجل عن اذنكم
يوسف .تلاقية حابسها فى البيت ولا تعبانة ولا حاجة
حازم انت مالك
روان .لا صوتها كان فعلا تعبان واضح من صوتها
يوسف .طب واجب نتطمن عليها ولا اية
حازم. اية هههه.
روان .يوسف خليك فى حالك ورقمها بعينك مش هتاخدة
يوسف .مش مريضة زيارة المړيض صدقة بردو ناخد ثواب طيب
حازم هههه صاحب واجب اوى ههههه
يوسف .اومال تنكر ههههه..
بعد فترة كانت تجلس فى غرفتها تمشط شعرها الطويل الأسود وتفاجت بسقوطة واحست بالألم فالان بدأت اعراض المړض تظهر عليها وتفقد شعرها الطويل التى ظلت تحافظ على طولة فهى تحبة طويل ولا تقصر منة فكرت وجدت انها سوف تتخلى عن طولة لأجل لاتحزن علية مرة واحدة وجلبت المقص ولاول مرة تقص فى شعرها إلى أن وصل يغطى رقبتها فقط فغير من ملامح شكلها ولكن نظرت لنفسها بالمرأة برضا وحمدت الله على كل ماتوصلت آلية..
جاءها اتصال من جدها حسين استغربت الأمر
غصون .الو ازيك ياجدى واحشتنى
الجد .اتوحشتك ياجلب جدك كيفك وكيف خواتك ومرت خيك كلهاتكم زين
غصون .الحمد لله ياجدى كلنا بخير
الجد .بجولك اية ماتيجى اهنية تجضى حدانا سبوع نفسى اشوفك واتحدت امعاكى يابتى
غصون .حاضر ياجدى هقول لاخواتى
الجد .لاع تجعدى لحالك سيبى خواتك لاشغالهم ومصالحهم يابتى انا عاوزك انتى فى موضوع مهم لازمن اشوفك
غصون بقلق .خير ياجدى
الجد .كل خير يابتى بس بلاش تجولى لعاصم انى جولتلك تيجى جوليلو انى اتوحشتك وتيجى تجعدى عندى كام يوم اكدية
غصون .حاضر ياجدى
الجد .يركبك الجطر وخلى واد عمك سليم يستجبلك فى المحطة بس حدتينى وجتيها
غصون بقلق .حاضر ياجدى
الجد. فى رعاية الله يابتى
تفاجأ الجميع بمظهر غصون بشعرها القصير
عاصم. زى القمر اول مرة اشوفك بنيولوك جديد
احمد .اى حاجة عليكى حلوة
غصون بابتسامة الم .تغير
عاصم .ان شاء الله هيرجع زى الاول واحسن بعد العلاج مش تقلقى
غصون .الحمدلله على كل حال
عاوزة اقولك حاجة وخاېفة
عاصم بقلق .خير خاېفة من اية .
غصون .جدو كلمنى وقالى اقولك اروح اقعد عندهم كام يوم وخاېفة من كلام جدو بيقولى ماتعرفش عاصم انى كلمتك يعنى اكدب عليك واقولك انى عاوزة اروح هناك
عاصم بقلق .بقى جدك قالك كدة ماتخفيش ياحببتى يمكن وحشتية ماتشغليش بالك
غصون . خاېفة جدو يكون عاوز يرجعنى لوسيم او يجوزنى حد تانى هو لية عاوزنى وقالى ماقولكش انا خاېفة
عاصم بحزن .هش بس خاېفة من اية جدك لا يمكن يعملك حاجة ماتخفيش انا معاكى وهكلم جدى اعرف اية الحكاية
غصون بدموع. بس كدة هيزعل منى انى قولتلك
احمد .ههههههه يابت كبرى ههه
عاصم .هو جدى بيخطط لاية بالظبط
احمد .خلاص كلمه واعرف فى اية وعاوز غصون لية ولازم يعرف كمان ان غصون مش بتكدب ولا بتخبى علينا حاجة
عاصم. صح هكلمه دلوقتى
احمد. كلمة قدمنا
عاصم. لا فى اوضتى
اغلق غرفته وتحدث مع جدة
عاصم .جدى حبيبى ازيك
حسين .بخير ياولدى كيفك انت
عاصم .الحمد لله بس عاوز اعرف حضرتك عاوز غصون لية خير
حسين .هى جالتلك ياولدى عشان مصلحطك
عاصم. وحضرتك عاوز اختى تخبى علية وتكدب دى تربيتى يا جدى وهى خاېفة من حضرتك وعشان كدة عرفتنى خاېفة ترجعها لابن عمها تانى
حسين. بوص يا ولدى بت عمك اتكلمت معايا عن موضوعكم والموضوع متعجد وخلاص جولنا غصون واطلجت وكل حى راح لحالةلكن تخرب على نفسك وعلى بت عمك عشان اية خيتك لازمن تجدر ظروفك وتتجوز وتأسس حياتك انت وتفكر فى حالك خيتك كبرت ومسيرها تتجوز هى كمان وبلاش تجعد معاك خليها مع ايحمد والدار جنب الدار عشان حياتكم تمشى ياولدى
عاصم بعصبية .بس ياجدى كفايا انا
كانت صدمة على وجة غصون ولهفة وأحمد الذين استمعو. لصړاخ عاصم. وهو يحدث جده.
أسرعت وتوجهت إلى غرفتها وأغلقت الباب خلفها
صړخ احمد باسمها
وسمع الصړاخ عاصم وأسرع إلى غرفة شقيقتهم التى اڼهارت عندما علمت انها سبب فى فراق شقيقها عن زوجتة وسوف يطلقها وهى السبب وعلمت ان شقيقها علم وسيم عليها ولكن هى لم تقص شيئا إلى أحد غير صديقتها
فعلم من أين..
يتبع
الفصل الثانى والثلاثون
فى غرفتها تبكى بحړقة على ماتاذمت آلية الامور..
ظل ېصرخ باسمها .. غصون افتحى الباب
سمع عاصم وانتبه لهم ان صوتة كان عالى وبالتأكيد سمعو الحديث الذى دار بينة هو وجدة اسرع وتوجه إلى غرفتها وقف أمام غرفتها.
عاصم. احمد اكسر معايا الباب
دفعو الباب دفعة بقوة وفتح الباب
وجودها تبكى وتنتفض فى صمت
واحمد يقف مصډوم واتت لهفة بكوب ماء
ارتشفت القليل وحملها عاصم ووضعها فى فراشها وظل جانبها يتفقد حالتها إلى أن تأكد من نومها...
احمد بحزن. يعنى كل دى يحصل من ابن عمك
عاصم .بلاش كلام فى الموضوع دة اختك لازم تنسى سبونى انا هنام جنبها
احمد .حاضر تعالى يا لهفة
مر يومان فى حزن على حالة غصون وحاول الجد التحدث ولكن عاصم رفض أن يسمع لة فهو المسئول الأول والأخير عن شقيقتة
وذهب إلى الماذؤن واحضره فى منزل عمه
وطلقها رسمى وترك لها المهر والموخر الموجود بالقسيمة..
حزنت كاملة على حالة أولادها ولكن هم من فعلو هذا بانفسهم...
تركت يمن العمل بالمشفى لكى لا تلتقى بعاصم
حزنت على ضياعة كانت تتوقع أن يتمسك بها ويترك شقيقتة لا تعلم ان اذا تخلى عن اهلة الان سوف ياتى اليوم الذى يتخلى عنها فى يوم من الأيام..
ضاع الوقت ولا ينفع ندم فهى التى اختارت فعليها تتحمل نتيجة اختيارها ....
جاء يوم الخميس
وطلب عاصم من غصون ان تجهز نفسها لمقابلة ضيوف اليوم ولم يخبرها من الضيوف ..
جاء الموعد المحدد كان ينتظر عاصم وأحمد قدوم آدم مع عائلتة..
وبعد لحظات رن جرس الباب
تقدم احمد .ليستقبلهم وعاصم أيضا من الذؤق ان يرحبو بالضيوف
سلم احمد الشاذلى والد آدم على أشقاء غصون وتعرف عليهم ورحبو بوالدتهم.
وجلسو بالصالون
احضر آدم معة باقة ورد وعلبة شكولاتة
عاصم .شرفتونا ونورتونا
ابو ادم .بنورك يا دكتور
آدم. زى ماوعدت حضرتك اهلى اهم
عاصم بابتسامة. دى الأصول ولا اية
ابو ادم .طبعا يابنى
ماجدة .امال فين عروستنا
عاصم.
احمد خلى لهفه. وغصون. يجو يرحبو بالضيوف
احمد .حاضر
ذهب احمد واطرق باب غرفة شقيقتة كانت زوجتة تجلس معها بالغرفة
احمد. ها جاهزين
غصون .مين الضيوف واية الاهتمام دة بيهم
احمد بابتسامة. بعدين هتعرفى لهفة قدمى حاجة ياحببتى وتعالى ورايا يلى
لهفة .حاضر
أحضرت لهفة المشروب ودلفت مع زوجها تقدم المشروب وبالخلف غصون
احمد. المدام لهفة ودى العروسة ادخلى ياغصون
سمعت غصون كلمة العروسة التى اصدمت كل حواسها. وقفت فى ذهول
رحبت لهفة بالضيوف وقبلت
والدة العريس
وظلت غصون مكانها بدون ان ترفع وجهها وتنظر إلى من بالداخل
قرب إليها عاصم وابتسم لها
عاصم. غصون مالك واقفة لية رحبى وسلمى
غصون بكسوف .اية
عاصم .هههه تعالى اعرفك
المهندس احمد الشاذلى ومدام ماجدة والد ووالده العريس سلمت على استحياء وقبلتها ماجدة بهدؤء
عاصم .ودة بقى العريس الأستاذ آدم الشاذلى
غصون پصدمة. آدم
آدم بابتسامة. ازيك ياغصون
غصون بذهول .....لا رد
عاصم .تعالى اقعدى جنبى
ماجدة .بعد اذنك يادكتور تقعد جنبى انا
عاصم بابتسامة. ومالو اقعدى هناك ياغصون
جلست غصون بخجل جانب ماجدة
احمد بابتسامة ينظر إلى آدم الذى يجلس جانبة.. جو مارى منيب هيبدا بقى
آدم بابتسامة. ربنا يستر .
ماجدة تحاول خلق أحاديث للتعارف عليها
ماجدة فى سنة كام ياحببتى
غصون بتوتر .تانيةتجارة
ماجدة بابتسامة. ماشاء الله زى القمر عرفت تختار يا ادم
غصون تشعر. بالخجل تكاد تنصهر من شدة الخجل والتوتر والاستغراب من وجود آدم وعائلتة لا تتوقع كل هذا
احمد الشاذلى. طبعا يشرفنى ان اطلب ايد آدم ابنى لاختك غصون يا دكتور وكل طلبتكم احنا تحت امركم
عاصم. دى شرف لينا يا بشمهندس بس يقعدوا مع بعض يتكلمو الاول وبعد كدة نشوف هنعمل اية
آدم بابتسامة. ياريت
عاصم. غصون خدى آدم واقعدو فى الهول قدمنا هنا
غصون بتوتر انصاغت لاوامر شقيقها وسار ادم جانبها وجلسو فى المكان المقابل الصالون
آدم بفرحة. اخيرا شوفتك واحشتينى
غصون بخجل .الله يخريبتك
آدم. ههههه حرام عليكى لية كدة انا جاى افتح بيت مش اخربة هههه
غصون. آدم انت بتهزر صح
آدم. اية بهزر لية انا جيت قبل كدة على فكرة و اتقدمت واخوكى وافق عليه مبدئى وقالى اجيب اهلى بعد مااعرفهم انك مطلقة وانا عرفت ابويا وامى وحددنا ميعاد مع اخوكى عاصم وجينا بقى نتكلم فى المهم اية رايك بقى
غصون بحزن . يعنى اهلك عارفين انى مطلقة
آدم بابتسامة. أيوة وموافقين على اختيارى دى ساعدتى انا والله انا اتغيرت مابقتش بكلم بنات خالص مكتفى بيكى وحتى أسئلي. همسة
غصون. همسة
آدم. أيوة هى معاها كل اخبارى واخبارك بتنقلها اول باول بس انتى شكلك ضعيف انتى وزنك نازل لية اكيد وتابع بغمزه بتفكرى فيه صح وانا اوعدك هفرحك ومش هخذلك
غصون. ماينفعش ياادم
آدم. هو اية اللى ماينفعش يا غصون
غصون. ارتباطنا
آدم بحزن .لية والله بجد اتغيرت ومن زمان اوى من اول مااعرفت ان قلبى حبك واتعلق بيكى انا بجد بحبك ومش عايز غيرك صدقينى انا كنت بمۏت لم عرفت خبر جوازك بس الحمد لله صبرت وربنا أراد تكونى ليا مش هتلاقى حد يحبك قدى ولا ېخاف عليكى زى والله هكون سندك وضهرك وقوتك بس حسى بقلبى دة بقى إللى متبهدل معاكى
غصون بدمعة حزينة .انا مش قصدى عشان البنات او أى حاجة انا قصدى انا مش هنفعك
آدم. لا مين قال كدة انا عارف انك هتنفعينى ولايقة عليا كمان .
غصون . يا ادم افهم
آدم باستغراب .تعبانة مالك ولا بتهربى
غصون. عندى سړطان فى الډم
آدم پصدمة .بتقولى اية
غصون بجدية .الحقيفة عندى سړطان وعشان كدة وزني قل مافيش أى شهية الاكل وكمان بدأت اعمل جلسات كيماوى وشعرى بدأ يقع يعنى خلاص خلاص مش عارفة لسةفاضل فى عمرى كام
آدم پصدمة ودمعة فى عينية. لا مش ممكن انت
