مبحبش مراتي
مابحبش مراتي عايش معاها عشان خاطر الواد
طب وقبل الواد ياسطي ؟
سكت رجب شويه وبعدين رد بكل صراحه
عشان علي قد فلوسي ارتحت
ليه كدا يا بني دي بنت أصول وجدعه
شوفت اديك اتكلمت في التربية والجدعنه وماقولتش أنها حلوة
الله وانت عايزني اقول علي مراتك حلوة تقبلها ماتظبط ياجدع
لأنها مش حلوة هههههه
حوار بين الاسطي رجب وبين احمد صاحبه علي الموقف قبل مايحملوا ويطلع كل واحد في طريق ..
حمل رجب الاول بص لصاحبه وقال علي ميعادنا بعد اتناشر علي القهوة
احمد.. مش هتقعد مع العيال الليلة الخميس وبكره إجازة
رجب .. ياساتر يارب علي العهد ياريس
احمد ضحك جامد وهز راسه علي العهد ياسيدي هستناك
فاتن بنت مش جميلة فعلا ملامحها كبيرة وقورتها عريضة مع قصر القامه ومليانه شويه
بتشتغل بياعة عطارة توابل وزيوت بتفرش قدام المحلات ببضاعتها وجامبها بيلعب محمود ابنها ست بمية راجل ودا اكتر وصف بيستفزها نفسها تحس ولو مع جوزها أنها ست بست حقيقية مش اكتر ولا أقل بتواجه الحياة بحبة ورق وبخور بترجع بيتها علي الساعة حداشر بالليل أو اكتر علي حسب وقت ماتنزل المهم ترجع بالخمسين جنيه بتوع الجمعية لسه بتسدد في ديون التوك توك مع رجب
نادية
جوزي دخل عليا قبل رمضان بيوم وهو متغير وقالي سيبي
انا اندهشت من كلامه ورديت بهدوء مصطنع هشام انت مش شايف اني حامل وعليا تنضيف وغسيل مواعين وتحضيرات كتير قدامك
هشام بعنجهية مش مشكلة تعمليها بعدين
نادية .. اسفة خلي اختك تساعد مامتك بدل ماتتشطر عليا
هشام .. قولت كلمة واياك ماتتنفذش هخلي ايامك كلها سوده معايا
نادية .. دي مش طريقة علي فكرة انا مراتك وليا حق عليك حس بيا شويه دا بدل ماتجيب حد يساعدني تطلب مني اساعدهم كمان
سابني ودخل كأني كلبة ولا تفرق عنده بعد شوية اضطريت انزل عشان يفرد وشه ماهو مش طبيعي أنه يقفل علي نفسه اول يوم رمضان ويخاصمني قولت .. يابت عديها واشتري خاطره عشان ربنا احنا مأمورين بحسن معاملة الزوج والطاعة ..
تاليف .. أماني عنان
نزلت لقيت أخته بتتكلم في الفون وبتضحك وحماتي بتمسح ازاز البلكونة كلمتها
ازيك ياماما
حماتها .. اهلا
نادية .. محتاجة حاجة اعملها معاكي
حماتها لا لا ماتتعبيش نفسك خالص
نادية في سرها .. لا ياشيخه دا علي اساس انك مش مسخنه ابنك عليا
وكنتي بتتمسكني له من شويه
حماتها .. اطلعي انتي كفاية عليكي شقتك وبنتك
ناديه .. مش ممكن لازم اساعدك
حماتها شالت أيدها وقالت .. ابدا والله مايحصل
طلعت وانا مش فاهمه هي عايزا مني
حصل ويارتني ماتكلمت جيت علي نفسي بزيادة وفي
الاخر قالي رد صدمني و خلى الدنيا تلف بيا...
بصلي هشام ببرود وهو بيعدل ياقة التيشيرت بتاعه وقال
يعني أمي قالتلك متساعديش وانتي صدقتيها؟
اتصدمت من طريقته وقلت بسرعة يعني كنت عايزني أعمل إيه؟ أنا نزلت بنفسي والله وهي اللي رفضت!
ضحك ضحكة مستفزة وقال أمي عمرها ما بتغلط أكيد طريقتك كانت وحشة.
وقفت أبصله وأنا حاسة إن قلبي بيتسحب مني واحدة واحدة أنا من أول الجواز بحاول أرضيه أعدي أسكت أقول معلش عشان البيت يمشي بس أول مرة أحس إن جوزي واقف ضدي بالشكل ده.
قولت بصوت مهزوز هشام أنا حامل منك، وتعبانة بقالي يومين بدل ما تحتويّني بتتهمني؟
قرب مني وبصلي بنظرة خلتني أخاف اسمعي بقى أمي خط أحمر، وأي كلمة عليها هتندمي.
وساب الأوضة وخرج.
فضلت قاعدة على طرف السرير، دموعي بتنزل في صمت وفجأة حسيت بمغص جامد أسفل بطني.
حاولت أقوم معرفتش مسكت طرف الدولاب وأنا بنهج، وبصعوبة طلعت الموبايل أكلم هشام لقيته قافل.
رنّيت على أمه ماردتش.
بعد نص ساعة كاملة من الوجع، الباب خبط افتكرت هشام رجع يصالحني.
فتحت الباب بسرعة لكن اللي كان واقف قدامي شخص عمري ما
واول ما شافني بالمشهد ده، وشّي أصفر ودموعي مغرقة خدي، قال بصدمة
نادية؟! إنتي لسه عايشة هنا مع ابني بعد اللي عرفتيه؟
جسمي كله تلج وبصيتله بعدم فهم عرفت إيه؟! كان واقف قدامي حمايا
الراجل اللي بقاله أكتر من سنة عايش في الخليج، وبينزل مصر كل فين وفين. آخر مرة شوفته فيها كانت قبل ما أعرف إني حامل.
دخل بسرعة لما لاحظ إني مش قادرة أقف، وسندني على الكنبة وهو بيقول بقلق مالك يا بنتي؟ وشك مخطوف كده ليه؟
كنت ببصله ومش فاهمة قصده إيه قولت بصوت متقطع حضرتك قولت بعد اللي عرفته؟ أعرف إيه؟
سكت لحظة وبعدين قال بحذر هشام ماقالكيش إنه كان عايز يطلقك قبل ما يعرف إنك حامل؟
الكلام نزل على دماغي كأنه طوبة.
إيه؟!
قعد قدامي وهو متوتر أنا ماكنتش عايز أتدخل بس واضح إن الواد اتجنن. قبل الحمل بأسبوع كلمني وقالي إنه مخنوق من الجوازة وإنه عمره ما حبك، وإنه اتجوزك عشان أمه شايفاكي بنت أصول وتستحملي المسؤولية.
دموعي نزلت لوحدها افتكرت كل مرة كنت بحاول أرضيه فيها كل مرة كسرت نفسي عشان البيت يفضل واقف.
حمايا كمل ولما عرف إنك حامل، أمه قالتله يستنى عشان الولد يربطك بيه.
حسيت نفسي مخنوقة نفسي بيتسحب مني.
وفي اللحظة دي باب الشقة اتفتح بعنف.
هشام
حمايا وقف
