بقالك عشرين يوم بقلم نورهان العشري
المحتويات
بيحاول يراضيها لما يكونوا لوحدهم، بس قدام أمه وأخته كان بيلتزم الصمت، عشان ميزعلش أمه.
و في يوم، صافية كانت طالعة شقتها بعد يوم تعب و شغل كتير، وفجأة شافت سعاد نازلة السلم، ولابسة عباية استقبال شيك جداً، لونها أبيض ومطرزة بفصوص دهبي. صافية وقفت مصدومة، وفتحت عينيها بصدمة.
إيه ده؟ سعاد؟ العباية دي بتاعتي! أنتي لبساها إزاي؟
سعاد وقفت ببرود و حاطة أيدها في وسطها، وبصت لصافية باستخفاف
آه بتاعتك، أخدتها من دولابك النهاردة، قولت أجربها، أصلها عجبتني.
صافية بانفعال
أخدتيها من دولابي؟ ومن غير إذني؟ أنتي إزاي تعملي كده؟ دي عباية غالية أوي، وكنت شيلاها لأي مناسبة تيجي، أنتي إزاي تمدي إيدك على حاجتي؟
سعاد حطت إيدها في وسطها، وصوتها علي وهي بتقول بوقاحةبقلم نورهان العشري
جرى إيه يا صافية؟ كبّرتي الموضوع أوي! إيه يعني حتة عباية؟ مش أنا أخت جوزك، وبنت عمتك بردو؟ ولا إنتي مستخسرة فيا الحاجة؟
صافية بزعق
مش قصة أخت جوزي ولا بنت عمتي، القصة قصة ذوق وأدب! مينفعش تاخدي حاجة من غير إذني، ده اسمه تعدي على الخصوصية ولا ينفع حتى تطلعي شقتي من غير ما اعرف
علي صوت خناقهم طلعت اعتماد من شقتها اللي تحت بسرعة
في إيه؟ صووتكم عالي ليه؟ أنتي بتزعقي
صافية وهي بتشاور على سعاد
شوفي بنتك يا عمتي، واخدة عباية من عندي من غير إذني، وبتقولي ببرود إنها عجبتها!
اعتماد بصت لسعاد اللي وقفت وراها ورجعت بصت لصافية بنظرة كلها قسوة واحتقار
وإيه يعني لما تاخد عباية من عندك؟ إنتي هتعمليلنا فيلم هندي عشان حتة عباية ! عيب عليكي يا قليلة الأصل ! إيه يعني عباية من عندك؟ مش أختك وبنت عمتك؟ هو إحنا غرب عن بعض؟
صافية و بدأت الدموع تلمع في عنيها
مش غرب يا عمتي، بس دي حاجتي و بيتي و دولابي وليا حق إني أوافق أو أرفض. مينفعش تطلع شقتي تاخد حاجة من دولابي من غير ما اعرف
سعاد من ورا أمها وبصوت مستفز
عقليها يا ماما، دي عايزة تعمل نفسها بني آدمة علينا، وفاكرة إنها لما اتجوزت رائد بقت صاحبة البيت.
اعتماد بزعيقبقلم نورهان العشري
اسكتي إنتي يا سعاد. اسمعي يا بت يا صافية، الكلمة هنا كلمتي، وأي حاجة في البيت ده ملك للكل. فاهمة؟ ولو مش عاجبك، الباب يفوت جمل. بدل ما تقولي لبنت عمتك خدي اللي يعجبك بتقلي أدبك عليها؟ يا خسارة تربية أبوكي فيكي. يظهر أن دلال معرفتش تربي
سمعت صافية الكلمة الأخيرة دي وحست بسكينة انغرست في قلبها. يظهر أن دلال معرفتش تربي.. الجملة دي كانت قاسية أوي، وجعت
سعاد ضحكت ضحكة نصر خبيثة، واعتماد بصت لصافية بقرف وسحبت بنتها ودخلوا شقتهم وقفلوا الباب بعنف في وشها.
وقفت صافية لوحدها على السلم، الدموع نازلة على وشها زي المطر، جسمها كله بيترعش من القهر والكسرة. خدت بعضها، وطلعت شقتها وقفلت الباب عليها، ورمت نفسها على السرير، وفضلت تعيط بحرقة وهي حاسة إنها لوحدها في البيت ده، وإن ال كام يوم اللي عاشتهم في أول جوازها كانوا مجرد حلم جميل، وصحيت منه على كابوس حقيقي.
دخل رائد الشقة، الجو كان هادي زيادة عن اللزوم، ونور الصالة مطفي. دخل الأوضة لقى صافية قاعدة على طرف السرير، وشها أحمر من كتر العياط وعينها وارمة. قلبه وجعه عليها وجري قعد جنبها وأخد إيدها بين إيديه.
رائد بقلق في إيه يا صافية؟ في أيه يا حبيبتي بتعيطي ليه؟ حد ضايقكبقلم نورهان العشري
صافية بانهيار
أمك يا رائد و سعاد. حرقوا دمي و بهدلوني. أختك دخلت شقتي و فتحت دولابي و أخدت عباية بتاعتي ولبستها من غير ما تقولي، ولما عاتبتها عمتي بهدلتني وقالتلي كلام يوجع القلب.. قالتلي يا قليلة الأصل وقالتلي يا خسارة تربية أبوكي فيكي و أن دلال معرفتش تربي ! أنا عملت إيه لكل ده
رائد
أمي قالت كده؟
صوته كان واطي بس فيه حاجة تقيلة تخلي القلب يقف.
صافية هزّت راسها وهي بتبكي أكتر أيوه يا رائد قالتلي قليلة الأصل وقالتلي اطلعي من البيت لو مش عاجبك
سكت لحظة، وبعدين كمل بصوت مخنوق وسعاد كانت واقفة بتضحك
رائد قام مرة واحدة، مسك إيده في ضهره وهو بيبص في الأرض، كأنه بيحاول يمنع نفسه يتهور.
طب استني
فتح باب الشقة وطلع بسرعة من غير ما يقول حاجة تانية.
صافية فضلت قاعدة مكانها، قلبها بيرتعش مش عارفة هو رايح فين ولا هيحصل إيه بعد كده.
تحت في شقة اعتماد
كان الباب اتفتح بقوة.
اعتماد بصت له بصدمة في إيه يا رائد؟ داخل كده ليه؟
رائد واقف عند الباب، عينه ثابتة، وصوته لأول مرة كان مختلف تمامًا اللي حصل فوق ده مش هيتكرر تاني.
سعاد قامت من مكانها إيه؟ مش عاجبك كلامنا مع مراتك؟
رائد لفّ ناحيتها بسرعة ولا كلمة زيادة.
سكت لحظة، وبص لامه مباشرة صافية مراتي وكرامتها من كرامتي.
اعتماد ضحكت بسخرية يعني هتختارها علينا؟
رائد رد بدون تردد أنا مش باختار بينكم أنا بحط حدود. والحدود دي اتخطت.
سكون غريب وقع في الشقة.
أول مرة حد يرفع صوته
رائد
متابعة القراءة
