بعد وفاتها

كانت جسمها بيترعش أنا مش فاهمة ليه بيعمل كل ده؟!
كريم مسك إيدها وطلعها بسرعة ناحية باب داخلي في الشقة.
بعدين أهم حاجة دلوقتي نخرج قبل ما يطلعوا فوق.
فتح الباب الداخلي طلع وراه سلم ضيق قديم بين العمارات.
انزلي ورايا ومتتكلميش.
لكن قبل ما يتحركوا سمعوا صوت باب الشقة بيتكسر من بره.
وصوت حسام وهو بيصرخ بغضب فتشوا المكان كله!
رهف اتجمدت مكانها بابا
كريم بص لها بحزم لو فضلتي واقفة هنموت هنا.
نزلوا السلم بسرعة وصوت خطوات الرجالة بيقرب فوق.
لحد ما وصلوا لجراج ضلمة تحت العمارة.
كريم فتح عربية سوداء بسرعة اركبي.
رهف ركبت وهي منهارة من العياط.
العربية اتحركت بسرعة قبل ما الرجالة يلحقوهم بثواني.
في الطريق الصمت كان خانق.
رهف بصت للشباك ودموعها بتنزل أختي كانت خايفة أوي صح؟
كريم قبض على الدريكسيون بقوة كانت كل يوم تنام وهي متوقعة تموت.
رهف بصتله بصدمة وانت؟ ليه استحملت كل ده؟
ابتسم بحزن عشان وعدتها إني أحميكي لو حصلها حاجة.
رهف افتكرت فجأة.
عشان كده كنت دايمًا تبصلي باستغراب لما أزور أختي
كريم هز راسه كنتِ شبهها جدًا.
سكت شوية وبعدين قال أبوكي كان عايز يجوزك ليّا عشان يفضل مراقبك من خلالي لأنه شاكك إن أختك سابتلك دليل يدينه.
رهف اتوترت وأنا معنديش أي دليل!
كريم بص لها بسرعة متأكدة؟
رهف فجأة افتكرت حاجة واتسعت عينيها.
السلسلة!
كريم بصلها إيه؟
رهف بسرعة قبل ما أختي تموت بيوم جت عندي وكانت مرعوبة وادتني سلسلة وقالتلي خبيها ومحدش يعرف عنها حاجة.
كريم وقف العربية فجأة.
السلسلة فين دلوقتي؟!
رهف بلعت ريقها في أوضتي مستخبية جوه الدبدوب اللي كانت جايباهولي.
كريم مرر إيده على وشه بتوتر يبقى لازم نسبق أبوكي قبل ما يفتش الأوضة.
رهف بخوف بس البيت أكيد مليان رجالة دلوقتي!
كريم شغل العربية تاني وعينه مليانة تصميم يبقى هندخل من مكان عمره ما هيتوقعه.
رهف بصتله بقلق هنعمل إيه؟
كريم بص قدامه وقال بهدوء خطير هنرجع البيت بس مش من الباب العربية وقفت في شارع ضيق ورا البيت بكم دقيقة.
كريم نزل الأول وبص حواليه بحذر، وبعدها أشار لرهف تنزل وراه.
أوضتك في الدور التاني صح؟
رهف هزت راسها بسرعة.
كريم شاور على ماسورة صرف جنب البيت هطلع منها للبلكونة وانتي استني هنا.
رهف مسكت إيده بخوف لا متسبنيش لوحدي.
بصلها لحظة وبعدين قال بهدوء حاضر تعالي ورايا بس من غير صوت.
دخلوا من جنينة البيت الخلفية، وكانت الأنوار كلها مفتوحة جوا.
وصوت حسام مسموع وهو بيزعق في الرجالة دوروا كويس! البت مخبية حاجة هنا!
رهف دموعها نزلت بصمت أول مرة تحس إن أبوها بقى غريب عنها بالشكل ده.
طلعوا للبلكونة بصعوبة، ودخلوا أوضة رهف.
الأوضة كانت متبهدلة واضح إنهم فتشوها قبل كده.
رهف جريت بسرعة على الدبدوب الصغير اللي فوق السرير، وفتحت السوستة بإيد مرتعشة.
طلعت سلسلة فضة رفيعة.
كريم أخدها بسرعة وفتح التعليقة الصغيرة اللي فيها.
طلع منها كارت ذاكرة صغير جدًا.
ابتسم لأول مرة الحمد لله ده اللي كانوا بيدوروا عليه.
لكن فجأة
صوت ضرب نار دوّى تحت البيت.
وبعده صوت حسام كريم! عارف إنك هنا انزل بدل ما أولع البيت كله!
رهف اتخضت هنعمل إيه؟!
كريم حط كارت الذاكرة في جيبه وبصلها بثبات هننهي كل حاجة الليلة دي.
نزلوا لتحت من السلم الداخلي، وكانت الرجالة مالية المكان.
أول ما حسام شاف رهف، جري ناحيتها بغضب انتي فاكرة نفسك هتهربي مني؟!
لكن كريم وقف قدامه.
خلاص يا حسام كل حاجة انتهت.
حسام ضحك بسخرية معاك إيه يعني؟
كريم طلع كارت الذاكرة تسجيلات صوت وصور وتحويلات كفاية تدخلك السجن أنت واللي معاك العمر كله.
وش حسام اتقلب فجأة.
هات اللي في إيدك!
ورفع المسدس ناحية كريم
رهف صرخت لاااا!
لكن قبل ما يضرب النار صوت عربيات الشرطة ملّى الشارع.
والأنوار الزرقا انعكست على الشبابيك.
الرجالة حاولوا يهربوا، لكن الشرطة اقتحمت البيت بسرعة.
ضابط كبير دخل وهو بيقول حسام الجندي أنت متهم في قضايا غسل أموال وقتل عمد.
المسدس وقع من إيد حسام وبص لرهف بصدمة وخسارة.
أما رهف فكانت واقفة تبكي وهي حاسة إن عالمها كله انهار في لحظة.
بعد شهور
الحقيقة كلها ظهرت، واتقبض على الشبكة كاملة.
رهف بدأت تتعافى واحدة واحدة، وكريم كان واقف جنبها في كل خطوة من غير ضغط، ومن غير ما يطلب منها أي حاجة.
وفي يوم كانت قاعدة معاه قدام البحر وقت الغروب.
قال بهدوء أختك كانت نفسها تشوفك مبسوطة.
رهف ابتسمت لأول مرة من قلبها يمكن عشان كده بعتتك تنقذني.
كريم ضحك بخفة ويمكن عشان كانت عارفة إنك عنيدة وهتعملي مصايب.
رهف ضحكت وسط دموعها
ولأول مرة من وقت طويل حست إنها آمنة فعلًا.