انا بحب واحده بقلم نورهان

أنا بحب واحدة ومش قادر أخرجها من قلبي.
سوزان بصوت هادي
الإحساس مش دايمًا بإيدنا بس تصرفنا هو اللي بإيدنا.
خالد بنفاذ صبر
يعني أعمل إيه؟ أنا كل ما أشوفها قلبي بيتلخبط.
سوزان بتعقل
مين قال إنك مطلوب منك تكرهها عشان ترتاح؟
أنت مش مسئول عن المشاعر اللي بتظهر جواك، لكن مسئول عن كل خطوة بتاخدها بسببها.
خالد وهو بيبص للأرض
بس هي مش شايفة اللي جوايا وممكن أصلًا متحسش بيه.
سوزان بهدوء
وده طبيعي. مش كل حب لازم يتقال ولا يترد عليه. في حاجات قيمتها إنها تفضل في مكانها الصح.
سكت لحظة، وبعدين كمل بنبرة مترددة
بس أنا أول مرة أحس كده هي مختلفة عن أي حد شوفته.
سوزان بابتسامة بسيطة
ساعات بنقابل ناس نرتاح لهم، نحس إنهم قريبين من روحنا بس القرب ده مش معناه امتلاك.
خالد بصوت منخفض
طب وإزاي أسيب الإحساس ده؟
سوزان
مش مطلوب تسيبه بالعافية. المطلوب بس إنه مايسيبكش هو.
يعني ما يخليكش تتخطى حدودك، ولا يكسرك، ولا يضيعك من نفسك.
خالد
بس أنا تعبت من التفكير فيها طول الوقت.
سوزان بحزم لطيف
يبقى اشغل نفسك بحياتك. اشتغل، اتعلم، طور نفسك.
الحب الحقيقي

لأي حد هو إنك تبقى نسخة أحسن من نفسك حتى لو هو مش موجود في حياتك بالشكل اللي تتخيله.
خالد بعد صمت
طب لو مش قادرة تبادلني نفس الشعور؟
سوزان
مش كل الناس جاية في حياتنا عشان تبادلنا نفس الإحساس.
في ناس جاية عشان تعلمنا حاجة ونكمل بعدها طريقنا.
خالد وهو بياخد نفس عميق
كلامك صعب بس مريح.
سوزان بابتسامة خفيفة
لأنه حقيقي. والحقيقي دايمًا بيبقى تقيل في الأول، بس بيحررك في الآخر.
خالد بهدوء
يعني أحاول أبعد؟
سوزان
حاول تقرّب من نفسك الأول مش منها.
لو هي نصيبك الحقيقي، الحياة هتجمعكم في وقتها الصح، من غير وجع ولا حيرة.
خالد سكت، وبص قدامه كأنه لأول مرة بيفكر بشكل مختلف.
وسوزان كملت بنبرة أهدى
الحب مش غلط بس الزحمة اللي جوانا هي اللي بتخليه يوجعنا.
خالد بهدوء
يمكن محتاج أتعلم أحب صح الأول.
سوزان بابتسامة صغيرة
وده أهم قرار ممكن تاخده.
حكايات_نورهان_العشريخالد ظل ساكت لثواني طويلة كأنه بيحاول يلمّ أفكاره اللي كانت متبعثرة جواه من سنين.
سوزان كانت بتراقبه بصمت، عارفة إن اللحظة دي أخطر من أي كلام.
فجأة قال بصوت منخفض
طيب لو أنا فعلاً قررت أبعد هينفع؟
سوزان ردت بهدوء
هينفع بس مش في يوم وليلة. البُعد عن الإحساس أصعب من البُعد عن الشخص نفسه.
خالد ابتسم بسخرية خفيفة
يعني هتفضل موجودة جوايا برضه؟
سوزان
هتفضل ذكرى مش قرار. الفرق إنك إنت اللي هتتحكم في تأثيرها عليك.
سكتت لحظة، وبعدين كملت بنبرة أعمق
بس قولي الحقيقة أنت عايز تبعد عشان ترتاح؟ ولا عشان خايف تضعف أكتر؟
الكلمة وقعت عليه زي سهم.
بصلها بسرعة وقال بانفعال مكتوم
أنا مش ضعيف.
سوزان رفعت حاجبها
الضعف مش إنك تحس الضعف إنك تسيب الإحساس يقودك.
سكت خالد للمرة الأولى ما عندوش رد.
وفجأة، رن تليفونه.
نظرة سريعة على الشاشة الرقم خلّى ملامحه تتغير.
سوزان لاحظت ده فورًا
مين؟
خالد بصوت مشدود
مش وقته.
لكن التليفون رن تاني وتالت.
وفي الرنة الرابعة، رد أخيرًا.
أيوه؟
صوت الطرف التاني كان سريع ومتوتر، مش واضح للسوزان بس كفاية تخلي وش خالد يبهت.
قال بصوت خافت
إمتى؟ طب ليه دلوقتي؟
سوزان قامت من مكانها بقلق
في إيه يا خالد؟
خالد قفل المكالمة فجأة وبص قدامه كأنه شايف حاجة بعيدة جدًا.
وبصوت منخفض قال جملة واحدة
في حاجة حصلت هتغير كل اللي اتكلمنا فيه.
سوزان قربت خطوة
حصل إيه؟
لكن قبل ما يرد كان واقف، واخد مفاتيحه، وعينيه مش ثابتة على أي حاجة.
وقال بهدوء مرعب
لازم أروح دلوقتي.
وسابها ومشي.
وسوزان واقفة مكانها، لأول مرة تحس إن القصة اللي كانت ماسكاها بإيدها بدأت تفلت.
وفي نفس اللحظة
في مكان تاني بعيد، باب بيت اتفتح ببطء
وصوت أنفاس تقيلة كان بيملأ المكان
وشخص واقف في الضلمة مستني خالد خالد كان بيجري بعربيته بسرعة غير معتادة الطريق قدامه شبه مشوش، وصوت المكالمة لسه بيرن في دماغه كأنه ما سكتش.
في حادثة واسمها اتذكر وكانت معاها عربية تانية
الجملة كانت كفاية تخليه يضغط البنزين أكتر، كأن قلبه بيسابقه.
سوزان كانت بتتصل بيه كل دقيقة، وهو مش بيرد.
لحد ما وصل.
المكان كان زحمة أضواء عربية الإسعاف بتكسر الظلام، وأصوات الناس متداخلة.
خالد نزل من العربية فجأة، وعيونه بتدور بقلق هستيري.
واحد من الواقفين قرب منه وقال بسرعة
إنت خالد؟ أنت تبقى قريبها؟
خالد بصله
فين هي؟
الرجل سكت لحظة وكأن الإجابة تقيلة عليه، وبعدين أشار ناحية عربية الإسعاف.
خالد جري.
كل خطوة كانت بتسحب منه نفس.
ولما وصل وقف فجأة.
باب الإسعاف كان مفتوح.
والممرضة جوا بصت له بنظرة صامتة.
قال بصوت