جوزي كان خاطب بقلم اماني سيد

وأنا قلبي بينقبض سر إيه تاني؟ إحنا مش ناقصين حاجة أنا عايزة الحقيقة كلها دلوقتي.
سكت لحظة طويلة، وبعدين نزل عينيه وقال بصوت أخف في حاجة أنا ماقولتهاش
قلبي دق أسرع.
كمل وهو متردد هي مش بس بتتواصل معايا دي كمان كانت بتهددني من فترة إنها لو أنا ما رجعتش لها هتبوّظ حياتنا بأي طريقة.
ساعتها حسّيت إن الصورة بدأت تتجمع، بس بشكل مخيف.
قربت منه وقلت وإنت سكت؟!
رد بسرعة خفت خفت أعمل مشكلة أكبر وكنت فاكر إني هعرف أخلصها لوحدي.
في اللحظة دي، الموبايل رن تاني لكن المرة دي كانت مكالمة فيديو.
اسمها ظاهر على الشاشة.
هو بصلي وأنا بصيت له والمرة دي ما تهربش.
ضغط قبول.
ظهر وشها وهي مبتسمة ابتسامة مش طبيعية أخيرًا مع بعض قدامي الاتنين.
جوزي شد نفس وقال انتهى الكلام. سبينا في حالنا.
لكن هي ضحكت وقالت تفتكر إن الموضوع كان حب وبس؟
الصمت وقع علينا.
وكملت وهي تبص ناحيتي إنتِ متعرفيش هو كان مخبي إيه عليك من زمان
جوزي بسرعة قال اسكتي!
بس كانت خلاص فتحت باب مايتقفلش بسهولة.
هي قربت من الكاميرا وقالت أنا مش جاية أخده منك أنا جاية أقولك الحقيقة اللي هو خاف يقولها.
وفي اللحظة دي الشاشة هدت ثواني.
وبعدين قالت جملة واحدة قلبت كل اللي حصل قبل كده إنتي متجوزة راجل مش أول مرة يدخل علاقة ولا أول مرة يخبّي سر كبير عن مراته.
جوزي وقع الصمت عليه كأنه اتشل وأنا بصيت له بصدمة تقصد إيه؟!
وساعتها بس بان إن القصة لسه أبعد وأخطر مما كنت متخيلةقبل ما ينطق بكلمة، كان باين عليه لأول مرة إنه فقد السيطرة تمامًا.
قال بسرعة وهو بيقفل المكالمة متسمعيش كلامها دي بتلعب على دماغك!
بس إيدي مسكته لأ أنا عايزة أفهم. تقصد إيه مش أول مرة؟
سكت وده كان أخطر رد.
قعد على الكرسي وحط إيده على وشه، وبعدها قال بصوت مكسور في موضوع قديم قبل ما أعرفك بسنين أنا كنت متجوز مرة قبل كده.
الصمت وقع في البيت.
حسيت الأرض بتسحبني.
قلت بصوت مش ثابت وماقلتليش ليه؟
رفع عينه وقال كانت فترة قصيرة وانتهت بسرعة ومكنتش عايز أفتح الماضي تاني.
لكن الصورة بدأت تتغير في دماغي ومشيت الرسائل والكلام كله في اتجاه واحد.
وقبل ما أكمل صدمتي، جالي رسالة جديدة من نفس الرقم اسأليه عن سبب الطلاق الحقيقي مش اللي قالهولك.
بصيت له فورًا سبب الطلاق الحقيقي إيه؟
اتجمد.
وهنا المرة دي ماحاولش يهرب.
قال بهدوء مخيف أنا مااتطلقتش عشان مشاكل عادية
سكت لحظة طويلة، وبعدين كمل اتطلقت عشان هي كانت لسه موجودة خطيبتي القديمة.
الدنيا لفت بيا.
بصيت له بذهول يعني هي كانت موجودة في كل مرة؟!
هز راسه ببطء.
وفي نفس اللحظة، الباب خبط تاني بس المرة دي خبط أقوى من الأول.
والمرة دي مفيش مفر من المواجهة اللي جاية قبل ما حد فينا يتحرك، الخبط على الباب زاد كأنه مش خبط عادي، كأنه إنذار.
جوزي وقف فجأة وقال متفتحيش.
بس إيدي كانت سبقتني.
فتحت الباب ببطء
ولقيت قدامي شخص ماكنتش متوقعاه خالص.
مش هي.
ده كان راجل كبير في السن، شكله متوتر جدًا، وفي إيده ملف أوراق.
بص لنا وقال أنا جيت عشان أوقف اللي بيحصل ده قبل ما يكبر أكتر.
جوزي اتجمد وقال إنت مين؟
الراجل دخل خطوة وقال أنا عمّ البنت اللي بتكلمك وعايز أقولك الحقيقة اللي محدش قالها.
قلبي دق بسرعة.
قعدنا كلنا في الصالة، والراجل فتح الملف وقال البنت دي مش بس كانت خطيبتك دي كانت مرتبطة بقضية قديمة حصلت في العيلة.
بصيت لجوزي قضية إيه؟
وساعتها الراجل قال الجملة اللي قلبت كل حاجة جوازك الأول منها ماكانش مجرد نصيب ده كان اتفاق عائلي اتلعب فيه من زمان، وهي لسه بتحاول تثبت حقها بأي طريقة.
جوزي قام بسرعة كلام فاضي!
بس الراجل رفع ورقة وقال وده دليل إنها كانت مهددة قانونيًا لو الموضوع اتكشف.
سكتنا كلنا.
وفي اللحظة دي، الموبايل رن تاني رقمها.
الراجل قال لو رديتوا، الموضوع هيوصل لنقطة مفيهاش رجوع.
جوزي بصلي وأنا بصيت له
والسؤال اللي بقى مرعب نواجهها ونخلص؟ ولا نفتح ملف أكبر مننا كلنا؟جوزي كان واقف في النص، عينه بين الموبايل والراجل اللي قدامنا، كأنه بيتسحب في اتجاهين.
وفي لحظة صمت، قال لازم نسمعها ونخلص.
قبل ما أي حد يعترض، فتح المكالمة.
صوتها جه هادي بشكل غريب، مفيهوش عصبية زي الأول أخيرًا بقيتوا جاهزين تعرفوا الحقيقة كاملة؟
الراجل شد الورق في إيده وقال اقفلي اللعبة دي كفاية لحد كده.
لكن هي ضحكت وقالت أنا مش بلعب أنا بصلّح حاجة اتكسرت من زمان.
وبعدين قالت جملة خلت المكان كله يبرد الجوازتين دول ماكنوش صدفة كانوا جزء من خطة قديمة هو نفسه مايعرفهاش كاملة.
بصيت لجوزي خطة إيه؟!
جوزي بص لها وهو بيحاول يفتكر أي حاجة أنا مش فاهم إنتِ بتقولي إيه
سكتت لحظة، وبعدين قالت اسألوه عن الورث واسألوه عن الورق اللي كان مخبيه وقت خطوبتنا الأولى.
ساعتها الراجل الكبير قام بسرعة اقفلوا المكالمة دي فورًا!
لكن جوزي ماقفلش.
بص للراجل وقال ورث إيه؟ أنا عمري ما كان ليّا ورث في الموضوع ده.
الراجل اتوتر وقال بصوت واطي يبقى فيه حد لعب في الأوراق
وفي اللحظة دي، الشاشة اتغيرت فجأة، وظهر على المكالمة صورة ملف قديم، مكتوب عليه اسم جوزي بالكامل وتحتها جملة ملف غير مكتمل من الماضي.
ساعتها جوزي رجع خطوة لورا، كأنه شاف حاجة عمره ما توقعها.
وقال بصوت منخفض أنا ماكنتش أعرف إن في