بنك الحظ
المحتويات
ماصدقت!!
ف أوضة رواء
ماسكة تليفونها اللي فرحانة أنه اتصلح محاولتش حتى تعرف أو تفكر ايه اللي جابه ف ايد تيام فضلت تقلب ف كل الصور مع أمها وهي مبسوطة لغاية ما افتكرت اللي حصل من سما
كان نفسها تجيبها من شعرها وتفرج عليها البنك كله لأنها
غلطت ف أخلاقها لكن ما تعرفش ايه اللي منعها!! اتنهدت بحيرة لما افتكرت قرب تيام منها احساس غريب اول مرة تعرفه سكن جواها ف لحظة واختفى بسرعة
لازم تفوق لنفسها لأنها ما ينفعش تفكر فيه ولا حتى تحلم بيه لازم الشعور دة يتحبس ف مكانه ويتقفل عليه لأنه خطړ عليها وهيسببلها مشاكل
فاقت من شرودها ع صوت رنة تليفونها اللي كانت حطت الخط فيه ظهر رقم ع الشاشة مش متسجل وردت بعد تفكير
ألو مين معايا!!
بعد حمحمة
انا تيام!
وقفت بضيق
انت ازاي تتصل بيا! وجبت رقمي منين أصلا!
انا رئيسك ف الشغل يا رواء ايه السؤال دة
وهو عشان رئيسي تكلمني عادي كدة هو حضرتك ما سمعتش عن حاجة اسمها احترام وأصول
جز أسنانه
وايه قلة الاحترام ف اني اتصل بيكي
وتتصل بيا ليه اصلا! كفاية اللي حصل ف المكتب!
منا بتصل عشان عشان اعتذرلك!
مش عايزة اعتذارات وخطيبتك دي أنا كنت هطلع عين أهلها عشان هي قليلة الأدب ومش بتحترم حد
وايه اللي منعك تعملي كدة
قالها بخبث وهي ردت بارتباك
عشان مش أخلاقي طبعا!
عارف انا زعقتلها وبأكدلك مش هيتكرر اللي حصل تاني
ما يهمنيش أصلا انا كدة كدة مش راجعة البنك تاني
نعم يختي!
هتف معترض وهي شهقت بدهشة من نبرته
قصدي يعني ايه الكلام دة! كل دة عشان سوء فهم
مالكش دعوة وبعدين انا خلاص قررت اتجوز وأقعد ف بيتي
قفلت السكة وتيام فضل رايح جاي بحيرة وتوتر بيفكر ف كلامها ومش عارف هو اضايق ليه لما جابت سيرة ارتباطها!
عدى كام يوم ورواء مش بتروح البنك ودة زاد من انزعاج تيام ونزل فورا يسأل دينا
لو سمحتي يا آنسة دينا ممكن ثواني!!
خرجت دينا من مكتبها ووقفوا ع جنب وسأل تيام
هي رواء ما بتجيش ليه
بصراحة مش عارفة بقالي يومين مش بكلمها هو ف حاجة!
بتوهان
ها! لا أبدا
فكر يسألها عن حكاية العريس بس اتحرج وشاور لها تمشي وقف شوية وهو مضايق وبعدين جات ف دماغه فكرة
تمتم بحماس
انا عرفت هعمل ايه!
مستحيل يا تيام
هتفت ردينا باعتراض وهي نازلة ع السلم
ليه يا ردينا مش انا اخوكي حبيبك!
وقفت وبصتله
وانت عايز منها ايه! انت مش خاطب
حك ف شعره بحرج وقال
عادي يعني يا ردينا عايز اطمن عليها وبس
وبس!! تمام بس بشرط
نعم! شرط ايه دة بقا ان شاء الله
عادي فلوس وكدة
مصلحجية حقېرة
منكم بنتعلم !
جز أسنانه
ماشي يا ستي هديكي اللي عايزاه بس المهم اعملي اللي قولتلك عليه!
تاني يوم ردينا وقفت بعربيتها ف الشارع ونزلت منها وفضلت تبص يمين وشمال
رواء كانت ماشية وردينا شافتها وسألت ف نفسها اذا كانت دي هي ولا لا لكن حسب المواصفات هي!!
بس بس يا قمر انتي
رواء اتقدمت ناحيتها
ف حاجة
عربيتي عطلت ومش عارفة حد هنا يصلحها
ف ميكانيكي قريب تحبي اوديكي
يا ريت
طب تعالي
خدتها رواء واتمشوا لغاية الورشة وطلبت من الأسطى يروح يشوف العربية
شكرا لذوقك يا قمر!
حبيبتي احنا ف الخدمة!
بتردد
ممكن تجيبي رقمك!!
رواء عقدت حواجبها بغرابة وتابعت ردينا
عشان نبقى نتواصل ع الواتس! ولا انتي مش عايزانا نبقى صحاب!
هزت راسها وعطتها الرقم
يلا بقا ع مزدات!
ركبت العربية وتمتمت بحنق
الله يخربيتك يا تيام البت هتقول عليا ايه دلوقتي !
ها عملتي ايه يا بت شوفتيها
قالها تيام بلهفة ل رودينا اللي كانت داخلة البيت
طب استنى آخد نفسي الأول وأكلي لقمتين!!
أخلصي يا طفسة اتكلمي!
اتنهدت
أه شوفتها البت موزة آخر فيصل
ضربها بخفة
احترمي نفسك
اللاه دة انت بتغير بقا!
رمقها بتحذير
رودينا!
خلاص ياعم المهم خدت رقمها
جز أسنانه بحنق
انتي هبلة !! مهو رقمها عندي انتي ناسية أنها شغالة ف البنك !
مهو يسطا ما ينفعش آخده منك
هز راسه
طيب سألتيها ع حكاية العريس دة! واذا كانت هترجع البنك تاني!
لا مسألتش طبعا انت عبيط مهو لو عملت كدة أكيد هتعرف انك اخويا ونروح كلنا ف ستين داهية
انا عبيط! طب تعالي بقا
جري وراها وهي جريت منه وبتضحك لغاية ما طلعت السلم ووقفت فجأة وهتفت
استنى استني رواء بتتصل
وقف تيام بسرعة وقال
ردي بسرعة
ضحكت بصوت عالي
عليك واحد
بغيظ منها
يا بنت ال
وكمل جري وراها لغاية ما دخلت اوضتها وقفلت ع نفسها الباب
كارم
رواء انتي بطلتي تروحي البنك ليه
اتوترت من سؤاله
مفيش يا بابا أصل انا بفكر أسيب الشغل
ليه يا بنتي حد زعلك
لا بس انا فكرت أدي العيال دروس وخلاص
وهو انتي بتديهم بمقابل !! اسمعي لو مش عاوزة تروحي انا مش همنعك بس فكري كويس قبل ما تاخدي خطوة زي دي
هزت راسها بشرود وبعدين قامت تشيل الأكل
بالليل رواء ف اوضتها وتليفونها رن
ألو مين معايا
أنا رودينا نسيتيني
مين رودينا!!
ضحكت
واضح ان عندك فقدان ذاكرة اللي شوفتيها امبارح يا بنتي وكانت عربيتها عطلانة
اااه معلش بقا أصل دماغي لفت
بخبث
وايه اللي لففها بقا
واحد أمه
ضحكت رودينا وتيام زم شفايفه بتذمر اللي كان قاعد متابع المكالمة
ويا ترى مين بقا دة الجو وكدة
باندفاع
لا طبعا انا ماليش ف الكلام دة
ابتسم تيام بإعجاب وتمتمت رودينا وهي بتبص عليه ببلاهة
وليه مالكيش هو الحب حرام
لا بس لازم يبقى فيه ارتباط رسمي لأني مقدرش أعمل حاجة من ورا بابا
رودينا عقدت حواجبها بضيق لما افتكرت أنها بتكلم وبتقابل يامن من غير معرفة اخوها هتفت رواء لما لقيتها اتأخرت ف الرد
روحتي فين يا بنتي
ها! معاكي
تمتم تيام بهمس
اطلبي منها تتقابلوا!
بقولك يا رواء ايه رأيك نتقابل ف أي حتة بكرة !!
بعد ما خلصوا المكالمة رودينا هتفت بحنق
انت عايز منها ايه يا تيام
مش عارف يا رودي كل اللي حاسس بيه اني مش عايزها تسيب البنك أو اني ماشوفهاش
طب وسما
سما خلاص حكايتها انتهت معايا ع كدة
أه يعني عاوز البنت كبديل مش اكتر عشان تنسيك سما
بضيق
انتي بتقولي ايه لا طبعا انتي تعرفي عني كدة
لا بس برضو اللي انت بتعمله دة غلط وانا خاېفة ع البنت
مټخافيش اكيد انا يستحيل أأذيها أو اجرح مشاعرها
ربنا يستر من اللي جاي
رواء خرجت من البيت وشافتها شيماء
رايحة فين يا بت!!
البنت اللي حكيتلك عنها رايحة اقابلها!
تقصدي رودينا عايزة تقابلك ليه
عادي لو تحبي تخرجي معانا يلا
لا منا رايحة اقابل سيف
نعم يا حيلتها بمناسبة ايه!
ضحكت
رايحين نشوف عفش الشقة
إيه دة خلاص هتجهزوا
يعني جاله مبلغ كويس قولنا نعل بيه حاجة
طيب خدي بالك من نفسك
وانتي كمان
رودينا ف عربيتها ف طريقها ل كافيه اللي هتقابل فيه رواء فجأة وقفت قصادها
عربية وكان نازل منها يامن لما شافته نزلت
بعصبية
انت ايه اللي بتعمله دة
رايحة فين يا رودينا! وليه مبترديش ع تليفونك
انت عبيط يابني مش انت اللي قايلي بلاها ارتباط! عايزني ارد عليك ازاي!
والله يعني حضرتك مفهمتيش من الكلام غير أننا نسيب بعض! ما جاش ف دماغك انك تغيري من نفسك عشاني!
بتذمر
واتغير ليه أصلا!! هو انت مش مرتبط بيا وانا كدة عايزني اتغير ليه ما كنت تروح ترتبط بواحدة متفصلة ع كيفك
أيوة وانا بحب كل حاجة فيكي ومش قصدي تغيري هيئتك بس محتاج شوية أنوثة مش عم جعفر اللي بيطلعلي ف كل مرة بنتكلم فيها !!
بحنق
أنوثة ف عينك ياض انت أساسا الكلام اللي بيني وبينك دة ما ينفعش ولو سمحت سيبني ف حالي واياك تفكر تكلمني مرة تانية
دخلت العربية ومشيت بزمجرة من غير ما تديله اي اهتمام وهو واقف يلعنها ف سره ع عمايلها
رواء قاعدة ف الكافيه ورودينا جات من وراها
رواء
ايه يا بنتي اتأخرتي ليه
بزعل
آسفة ع الانتظار
ولا يهمك بس مالك
مفيش
مفيش ازاي دة باين ع وشك انك مضايقة
وكأنها ما صدقت حد يسألها وبدأت تبكي ورواء سألت بقلق
مالك
أنا مضايقة أوي يا رواء البني آدم اللي انا بحبه بيقول عليا اني دكر وبيناديني بجعفر
ضحكت
ايه جعفر!
انتي بتضحكي!!
بضحك
خلاص متزعليش بس ثانية واحدة انتي بتحبي
لا خلاص انا قطعت علاقتي بيه من ساعة ما قاللي كدة
طب هو قالك كدة ليه
عشان بتعامل معاه بحدود لكن هو عايزني اتمايص عليه قليل الأدب
فهمت!
لالا مش اللي ف بالك خالص بصي هو يامن محترم أوي وأنا متأكدة أنه بيحبني
بس برضو دة شاب وكل الشباب تفكيرهم واحد
تفتكري
طبعا والاحسن ليكي تبعدي عنه هو انتي عرفتيه ازاي
أصله صاحب أخويا
كمان يعني بجح وكمان خاېن
لا مش خاېن
هتفت رواء بضيق
ازاي يعني وهو لما يكلمك وانتي اخت صاحبه مش دي خېانة
مهو كان عايز كتير يتقدملي بس انا اللي برفض
وليه
عشان خاېفة
من ايه
بصت لها وسكتت ورواء تابعت
بصي اللي اقدر اقوله أن ما ينفعش تفضلي تقابليه من ورا أهلك! وطالما عايز يتجوزك يبقى الافضل يكلم أخوكي وتبقوا ع نور أحسن مانتي بتعملي غلط وهتتحاسبي عليه!!
هزت راسها بموافقة وبعدين سألت بخبث
طب وانتي
بتعجب
انا ايه
بتاع يطلع مين
ابتسمت بحزن وقالت
ما يطلعش دة واحد كدة يبقى مديري ف الشغل
ظهرت ابتسامه لعوب ع وشها وتمتمت
عمل ايه
بيضايقني وحاساه بيعمل كدة عشان يطفشني من الشغل ومن ساعتها قرر اسيبه
ليه يا بنتي مش يمكن بيعمل كدة عشان معجب بيكي
ضحكت بسخرية
لا طبعا دة خاطب
مهو هيفسخها
قالتها بتلقائية بلهاء ورواء عقدت حواجبها بدهشة
ايه!
هتفت بسرعة مصححة
اقصد اكيد طالما بيحاول يكلمك خطيبته مش مريحاه!!
جايز بس انا برضو ماليش علاقة بيه المهم انا لازم امشي عشان اتأخرت
طب يلا أوصلك بالعربية
عدة كام يوم ورواء برضو مش بتروح الشغل ودة زاد من توتر تيام اللي مش قادر يركز ف شغله او ف حياته
سما اتصلت به وراح يقابلها
نعم عايزة ايه!
عايزة أعرف آخرة اللي بتعمله دة ايه
آخرته دي
قلع الدبلة من ايده وحطها قدامها وبعدين مشي
تيام كان لازم ياخد الخطوة دي من شهور بس هو مكانش عايز يظلمها لكن دلوقتي لو فضل معاها يبقى بيظلم نفسه وبيظلمها برضو برغم اللي عملته معاه لكن هو قلبه راح لغيرها من غير ما يحس
رودينا بعصبية وهي بتتكلم ف التليفون
قولتلك يا يامن متكلمنيش تاني!
ودة ليه
عشان اللي بينا انتهى ودة قراري ومش هرجع فيه روح شوفلك واحدة تدلعك وسيب الدكر اللي كنت تعرفه!
يوووه انتي مش هتبطلي تمشي بدماغك وتاخدي كل حاجة باندفاع كدة
انا حرة
صړخت فيه ودخل تيام الأوضة ولقاها
بتكلمي مين
وقع قلبها ف رجلها وهي بصاله بارتباك وذعر لدخوله المفاجئ عقد حواجبه بغرابة لسكوتها
بقولك بتكلمي مين!
يامن سمع صوت تيام وقفل السكة بسرعة لأنه عارف انها هتتوتر ومش هتعرف تكدب
كنت بكلم رواء!
قالتها بدون ما تحس لكن هو ابتسم بتلقائية وضړب جبينه وهمس
طيب هي سمعت صوتي
هزت
راسها بنفي وبصت للفون ولقت يامن قفل
لا هي قفلت
اتنهد براحة
تمام! هروح انام بقا تصبحي ع خير
وانت بخير
خرج تيام وكان يامن بيرن وردت عليه رودينا ويدوب كلمتين اللي قالتهم وقفلت معاه
ف يوم شيماء طلبت من رواء تروح معاها تختار الأجهزة بتاعتها وخرج معاهم سيف خطيبها
سيف وهو بيشاور
ايه رأيك يا شيماء ف الغسالة دي!
حلوة بس انا عايزة الفتحة من فوق أريح
عايزين حاجة معينة يا فندم
قالها العامل وسألت شيماء بلهفة
عندكم شاشات كبيرة
كل حاجة يا فندم
طيب ممكن أشوفها
أكيد
سيف شد ايد شيماء
تشوفي ايه احنا متفقين نجيب الحاجات المهمة بس!!
عشان خاطري هتفرج بس والله!!
نفخ بحنق
روحي يا شيماء وانا هبص ع التلاجات اللي هنا
رواء كانت بتدور بعينيها ف المحل وعجبتها شوية حاجات ولسة هتنادي ع شيماء ملقتهاش
امال شمياء فين
سيف
أصل صاحبتك تافهة أوي راحت تشوف الشاشات
قالها بضحك ورواء ضحكت بخفة وتابعت
مسمحلكش ع فكرة
فضلوا يتفرجوا مع بعض واختارت رواء حاجات حلوة لغاية ما شيماء تخلص فرجه
بقولك يا رواء ممكن
أيوة يا عم بقا
ضحك وخدها محل تليفونات
رواء بدهشة
انت هتشتري ليها تليفون
بابتسامة
أيوة انا مجبتش ليها حاجة غالية قبل كدة وهي كمان تليفونها قدم أوي وعارف أنها محتاجة واحد جديد ومش هتقول
خلاص يا عم انت هتحكيلي قصة حياتها شوف انت هتجبلها ايه وانا اقولك رأيي
قالتها بهزار وهو ضحك والراجل حضرله التليفون وأداه ل رواء وهي ابتسمت بالصدفة تيام كان مع يامن ف نفس المول الكبير وشاف رواء واقفة مع سيف وهي بتبتسم وتتكلم معاه عقد حواجبه بضيق
تمتم بحنق وڠضب مكتوم
كلكم زي بعض زي بعض
تيام ايه يا
عم استنى خرجت بسرعة كدة ليه
يامن كان بينادي ع تيام وهو خارج من المول متعصب
يابني رد عليا الله يحرقك!!
بعدين يا يامن
ركب عربيته وساقها بسرعة ويامن تمتم لنفسه
الله يخربيت جنانك
رجعت رواء بعد ما خلصت تسوق مع شيماء
شيماء بفرحة
أنا مش مصدقة اللي سيف عمله دة معقول يجبلي تليفون هدية من غير ما يقوللي!!
مهي هدية يا غبية! هيقولك ازاي
بس دة كان قايلي أن الفلوس اللي معاه ع قد الأجهزة المهمة
الولد بيحبك وعايز يفرحك!!
لمعت عينيها بالدموع وهتفت رواء بتهكم
ايه دة ايه دة! انتي عندك مشاعر يا شميو
ضړبتها بخفة ودخلت شقتهم بحنق ورواء ضحكت عليها
وصل تيام البيت ودخل اوضته وكله ڠضب ومش شايف قدامه خبط الباب فضل يتنفس بقوة وهو شايف مشهد رواء مع سيف قدامه
عيونه طلعت لبرة ووشه بقا أحمر من شدة غضبه حاول يسيطر ع نفسه وينسى اللي شافه معرفش لغاية ما دخل الحمام لعله يهدي من الڼار اللي جواه
تاني يوم بالليل دينا راحت عند رواء
وحشيني يا رورو
وانتي اكتر يا دينا أخبارك واخبارك الشغل ايه
ديما طلعت ظرف من شنطتها وادته ليها وسألت ف غرابة
ايه دة
دة جواب تحذير ليكي بعته مستر تيام وبيقول فيه انك لو مرجعتيش الشغل هيتم فصلك!!
نفخت بضيق وهتفت بزمجرة
منا قولت اني مش راجعة هو اللي هنعيده هنزيده!!
يا بنتي وتسيبيه ليه! وبعدين دي إجراءات روتينية يعني هو مغلطش وشوفي نفسك بقا إذا عايزة ترجعي أو لأ!!
طب اقعدي انتي وقفتي ليه!
لا انا لازم اروح راجعة من البنك هلكانة أوي
مشيت دينا ورواء فضلت تفكر هتعمل ايه!
بعد يومين يامن كان عند تيام ف البنك وشكله متوتر
مالك يابني مش ع بعضك ليه
تيام انا عايز اتجوز اختك !!
قالها يامن بدون استيعاب اللي خلى تيام يرفع حواجبه بذهول الاتنين فضلوا يبصوا لبعض ببلاهة وفجأة تيام فضل يضحك ع أسلوب صاحبه الغريب ف طلب أخته للزواج
انت بتضحك ليه!
قالها يامن بضيق وتابع تيام مستنكرا
بقا ف واحد جاي يتقدم لواحدة يجيبها خبط لزق كدة
ابتسم ببلاهة
مهو انا يعني قولت نحط زيتنا ف دقيقنا ونعمل كيكة لذيذة
ومين البيض
ايه
حمحم تيام وتابع
ع العموم انا مقدرش اديك موافقة دلوقتي لازم آخد رأيها الأول
تمتم هامسا
دة هي لو عرفت اني جيت من وراها هتطلع عيني!
عقد حواجبه بتعجب
انت بتبرطم بتقول ايه ياض
ها! لا مفيش المهم انك انت اللي توافق
أكيد يعني يا يامن وانا هلاقي أحسن منك فين!
ابتسم يامن وقبل ما يرد الباب اتفتح رفع تيام وشه وشافها وقف بضيق ويامن لاحظ ملامح وشه اتغيرت
طب يا تيام هسيبك انا بقا
مردش عليه وفضل مركز مع رواء اللي هي كمان واقفة تبصله وقف يامن متحير زي الأبله يمشي ولا لأ ملقيش فيه فايدة وخد بعضه ومشي
قعد تيام ع الكرسي من غير اهتمام لوجودها وهي قربت من المكتب بحنق
ممكن اعرف تقصد ايه بالجواب اللي بعته ليا دة
من غير ما يبصلها
أظن واضح انه إنذار ليكي
وليه دة بقا
رفع وشه وقال بهدوء مزيف
عشان متغيبة بقالك كتير
وانا قولتلك اني مش جاية تاني
وانا بنفذ اللوائح والنظام
هتفت بحنق
انا ليا أجازات أصلا مخدتهاش ومش من حقك تبعتلي أي انذار طول ما انا متعدتش أيام أجازاتي !!
لا طول ما البنك محتاجلك يبقى حضرتك مالكيش انك تاخدي إجازة بمزاجك غير لما تستأذني مديرك اللي هو انا
زعقت
لا عملت انت بس مستقصدني
وقف بتذمر
وطي صوتك وايه مستقصدني دي! هو احنا بنلعب استغماية
همست من تحت أسنانها
والله لو بنلعب كنت طلعت عين أهلك وهريتك ضړب ع قفاك!
انتي بتقولي ايه!!
ولا حاجة انا مستقيلة
نعم مستقيلة ازاي وانتي مبعوتلك انذار!
انا حرة
طلعت ورقه وحطتها قدامه
ويا ريت بقا تقبلها
قالتها وهي رافعه حاجبها وهو قرب بجسمه وبص
متابعة القراءة
