اسكريبت يونسي بقلم عهد عامر
_يونس المحمدى نازل المعرض السنادى
عرفتى ازاى
_افتحى الفيسبوك يا حبيبة كده
فتحت الفيسبوك لقيته فعلا ناشر بوست بيقول انه عامل حفلة توقيع لروايته الجديده فى معرض الكتاب الجمعة الجاية.
حبيبة غريبة يونس من زمان جدا بينزل روايات وهو مش بينزل يا مريم
مريم دى فرصة متتعوضش وطبعا البيج فان ليونس المحمدى لازم تروح
حبيبة ده كده كده بينا نجيب اوتفيت جديد.
ضحكت مريم ونزلنا سوا نشترى لبس جديد.
مريم نفسى اعرف اشمعنا الفستان الاسود والخمار الكافيه اللى ماسكة فيهم فيه ألوان حلوة اهى!
حبيبة وهى بتتفرج على الفساتين يونس فى كل الروايات اللى بينزلها بيدقق اوى ان البطله بتكون لابسه كده وهى بتقابل البطل اول مره وانا هقابله اول مره
مريم انتى ليه محسسانى انك البطلة اللى هتقابل البطل يا بنتى هو يعرفك اصلا!
حبيبة يكفى إنى أنا عارفاه وحفظاه اكتر من نفسى.
مريم والله يا بنتى انتى مخك تعبان امشى الله يهديكى نكمل باقى الاوتفيت امشى.
ضحكت حبيبة على صحبتها ومشيت وهى بتدعى من كل قلبها تلاقى اللبس اللى عايزاه.
مريم اخيرا اكتمل الاوتفيت يلا نمشى بقى
حبيبة لسه أهم حاجة
مريم ايه تاااانى
حبيبة خاتم الفراشة
مريم ليه ده كمان
حبيبة لا ده عشان انا بحبه مش اكتر
اشتروا الخاتم وروحوا على البيت ودخلت حبيبة اوضتها وفردت
حبيبة يا ترى هيعرفنى يعرفك ايه يا هبلة انتى كمان!
ضحكت على نفسها وعلى شدة تعلقها بيونس.
صحيت تانى يوم بكل نشاط واتوضت وصلت الفجر وقعدت فى البلكونه تشرب كابتشينو مع رواية ليونس المحمدى.
فاقت على صوت الفون وكانت مريم.
مريم ها يا ست الحبيبة جهزتى حاجتك وجهزتى ولا لسه
حبيبة طبعا لو حلفتلك انى لسه بقرأ فى روايته هتقولى كذابه صح
مريم يخربييييتيك يا ولية الساعه بقيت 9 عايزين نروح قبل الزحمه الله يهديكى.
حبيبة بخضه بتهزرى يا مريم اقفلى يا لهووووى
قفلت مع مريم وجريت بسرعه اخدت شاور ولبست الاوتفيت اللى اختارته بعنايه وكمان لبست الخاتم واخدت كل روايات يونس فى شنطتها والهديه اللى اشترتهاله ونزلت بسرعه قابلت مريم وطلبوا اوبر يوصلهم.
مريم وهى بتبص من الشباك شكلها هتمطر يا بيبا
حبيبة يا ريت بجد وأعيش اجواء المطر فى المعرض حاجه ف قمة الروعه
مريم اه وتتعبى ويجيلك دور برد
حبيبة كله فدا يونس ورواياته
مريم انتى هتجرالك حاجة
بتعلقك بيونس ده ده مجرد كاتب يا حبيبة فوقى.
حبيبة عارفة انه كاتب وعارفه ان زى مانا مچنونة بيه فيه الآلاف بنات وولاد مجنونيين بيه اكتر منى بس انا حبيت الشخص اللى عنده كل المشاعر دى وبيخرجها فى الروايات حبيت الشخص الغامض اللى بيكتب من ورا قناع
مريم هيسيب كل اللى جاى
ويوقعلك على عشر روايات غير الجديده
حبيبة انا وحظى بقى.
مريم المهم انك متسيبيش ايدى ابدا واحنا جوة انا عارفه انك بتتوترى من الدوشة والزحمه بس انا معاكى اتفقنا
حبيبة ربنا يديمك فى حياتى يا صحبة عمرى انتى.
وصلوا المعرض وقطعوا التذاكر ودخلوا واتفاجئوا بعدد الناس الكبير اللى جوة حدث تاريخى بيحصل مرة كل سنه وبيجيله ناس من جميع انحاء العالم لازم يبقى بالضخامة دى.
دخلوا الصالات بتاعة المعرض لحد م وصلوا لمكان روايه يونس المحمدى واشتروا الروايه وسألوا على
المكان اللى يونس بيوقع فيه وعرفوا انه بلازا ١ وجريوا ع المكان
مريم يانهارى كل دى ناس
حبيبة مش قولتلك هتلاقى الآلاف جاى!
ضحكت مريم عليها وشايفه صحبتها واقفه ھتموت وتوصل ليونس جوة بس مش قادرة خوفا من الازدحام اللى حاصل من ناحية ومن ناحية تانى انها مستحيل تخالط الشباب اللى واقفه كل دى عشان التوقيع!
مريم تعالى نشرب حاجه تكون الزحمة
حبيبة تعالى
مشيوا عند مكان قهوة ابو عوف وشربوا قهوه وفضلوا يتصوروا وخصوصا حبيبة عشان الاوتفيت كان عاجبها جدااا
فجأة المطر نزل وحبيبة فضلت تدور تحته وهى فرحانه اوى ومريم تصورها بفرحة وكأن فرحة حبيبة عدوى انتقلت لمريم تلقائى.
مريم كفايه بقى تعالى نلحق يونس قبل م المطر يشد
جريوا على مكان يونس لقيوا الزحام اتفض وقالوا ان يونس مشى عشان المطر وعشان العدد كبير اوى.
زعلت حبيبة وعيونها دمعت
مريم بحزن على صحبتها
متزعليش ان شآء الله المعرض الجاي تقابليه
حبيبة كان نفسى اقابله يا مريم واقوله انا اد ايه بحب كتاباته وحفظاها كلها وكمان طابعه كل روايه فى بوك ماركت وجرابات للفون كنت عايزة اشوفه يا مريم
مريم وفضلت تهديها وخدتها وكانوا هيخرجوا م المعرض
مريم يا لهوى ع النسيان
حبيبة فيه ايه
مريم سارة اختى عايزه ادوات الانمى استنى هنا هدخل اجيبها بسرعه وارجع
حبيبة هاجى معاكى
مريم لا لا خليكى وانا مش هتأخر
ودخلت بسرعه المعرض تانى وحبيبه فضلت تتمشى فى الجنينه بتاعه المعرض وهى زعلانه
حبيبة يعنى مكنشى قادر يستنى شوية كمان كان زمانه موقعلى على الروايه!
وفضلت تمشى وهى سرحانه لحد م لقيت نفسها ف حته بعيده خالص عن مكان مريم حاولت ترجع معرفتش
حبيبة يا ربى وقت سرحان ده انا مش
وحاولت ترن عليها للأسف فون مريم كان مقفول
