اسكريبت يونسي بقلم عهد عامر
لان المعرض جوة مفيهوش شبكة
وقفت مكانها وكانت عند بوابة الخروج الخلفيه ومكنتش عارفه تتصرف وهوب المطر نزل تانى
حبيبة اهى كملت وقته ده تانى
وفضلت ټعيط مع المطر وشكلها كان زى الاطفال وقعدت على الرصيف الموجود ومن حسن حظها ان مكنش فيه حد
فجأة عربية وقفت قصادها ونزل منها شخص بسرعة
_ حضرتك كويسة يا أنسة
حبيبة بعياط صحبتى ضاعت ومش عارفه اروح وكمان جيت عشان اشوف يونس المحمدى ومشى مقدرش يستنى ربع ساعه وبس اشوفه ويوقعلى انا عايزة اروح
واتفتحت فى العياط تانى
يونس كتم ضحكته بالعافية وقال طيب اتفضلى معايا اوصلك!
هنا حبيبة رفعت وشها لا شكرا انا هستنى مر...... يونس المحمدى!
يونس أيوة انا
حبيبة مكنتش عارفه ترد فضلت تبصله وكأنها مش مصدقه انه قدامها فونها رن كذا مره وهى مركزتش معاه
مريم وهى بتجرى عليها حرام عليكى يا حبيبة خضتينى
مشيتى ليه
حبيبة مالك
حبيبه شاورت على يونس اللى واقف ومش قادر يمسك نفسه من الضحك على منظر حبيبة
مريم وه يونس
يونس انتى كمان لا فوقيها المطر هيغرقنا
فاقت حبيبة من تأملاتها ومرة واحده قالت
حبيبة انا عايزاك توقعلى
يونس هوقعلك واعملك اللى عايزاه بس اركبوا الدنيا مطر
وفعلا ركبوا ورا ويونس كان قدام سايق العربيه.......
حبيبة مريم احلفى ع المصحف انى راكبة مع يونس المحمدى
مريم
حبببة استغفر الله العظيم.
سكتوا طول الطريق ويونس وصل بيهم كافيه ع البحر وركن وبص عليهم
يونس تعالو ننزل نشرب حاجة دافيه يكون المطر هدى عشان تعرفوا تمشوا وبالمرة اوقعلك يا انسة
حبيبة بصت لمريم بتردد ومريم شجعتها وفعلا نزلوا وكان الكافيه هادى نوعا ما
اختار يونس ترابيزه وقعد هو وحبيبة ومريم
يونس ورينى يا ستى الروايه اوقعلك عليها
مريم بهمس رواية دانت طيب اوى.
حبيبة خرجت كل الروايات من شنطتها
واللى فاجات يونس انها جايبة كل رواياته من اقدم رواية لأحدث واحده اللى نازله معرض الكتاب السنادى
يونس بتفاجؤ دانتى متابعه من زمان بقى
حبيبة بخجل من اول روايه حضرتك بدأت تنزلها
يونس ومكنتيش بتيجى ليه حفلات التوقيع
حبيبة بهمس من كترهم ياخويا
يونس ايه معلش مسمعتش
حبيبة احم بقول لحضرتك انهم كانو بيبقوا برة وماما مكنتش بتوافق
يونس ادينا يا ستى اتقابلنا وهوقعلك كمان
حبيبة فرحتها كانت متتوصفش انه واخيرا اتحقق حلمها وقابلت كاتبها المفضل
حبيبة انا كنت جايبة لحضرتك هديه
يونس ليا انا!
حبيبة اه
وطلعت من شنطتها بوكس وقدمته ليونس
فتحه يونس واتفاجأ باللى جوا مج عليه صورة يونس وصورة تانيه تجميع لكل رواياته ونوت بوك عليها كل رواياته وحاجات كتيره اوى واخيرا قلم شكله مميز جدا باسم
يونس بانبهار انا مكنتش اتخيل انى فيه حد بيحب كتاباتى للدرجادى حقيقى شكرا.
حبيبة المهم ان الهديه عجبتك
يونس اوووى انا خلاص هستخدم القلم ده فى كل حفلات توقيعى وكمان المج ده مش هشرب غير فيه والاجندة دى هكتب فيها الروايه اللى جاية.
حبيبة فرحت جدا واليوم انتهى بأسعد لحظات حياتها.
روحوا البيت وحبيبة دخلت اوضتها وفردت كل الروايات اللى كان لسه ريحة برفان يونس عليهم وفضلت تتأمل توقيعه على كل روايه منهم.
فتحت نت ولقيت يونس ناشر بوست بهديتها وكاتب
يونس انا حقيقى مهما اوصف مدى اعجابى الهديه دى مش هقدر اوصف الهديه معموله بحب بطريقة تحسسك انك فعلا مهم عند الشخص ده انا بشكر المطر والجو وكل اللى حصل انهارده انهم خلونى اقابل البنوته صحبة الهديه دى واتمنى اقابلها تانى فى يوم من الايام.
وشكرا لكل واحد شرفنى انهارده فى المعرض.
قفلت حبيبة البوست من غير م اتعلق او تقول اى حاجه زى عادتها ونامت وهى فرحانة
عدا كذا شهر وحبيبة كالعاده متابعه يونس بكل حاجة بينزلها ويونس هيتجنن ويعرفلها طريق او حتى يعرف. اسمها.
كل يوم يكتب بوست عنوانه إلى مجهولتى الخاصة.
فى يوم كان قاعد يونس مع صاحبه فى نفس الكافيه وبيتمنى الصدفة تجمعهم ويتقابلوا تانى
على م تفك يا يونس مالك
يونس مش عارف يا
على طيب م تحاول توصل لصحبتها
يونس ومين قال انى محاولتش هما الاتنين ملهمش اثر.
على جاتلى فكرة
يونس اتحفنى
على نزل روايتك الجديده برة المعرض وقول انك عامل حفلة التوقيع هنا
يونس وبعدين
على هتيجى لانك قولت ان بيتها قريب من هنا صح
يونس اه اخر مره صاحبتها
قالتلها ناخدها مشى البيت مش بعيد
على حلو اوى اعمل كدة وصدقنى هتيجى
يونس واعمل ايه وقتها
على دى لعبتك انت بقى.
وقد كان نفذ يونس خطة على وكلم الدار اللى رحبت جدا بالفكره وخصوصا ان مش الكل بيعملها ونزل يونس بوست على النت
ممكن تكون الفكرة مچنونة بس انا قررت انى مش هنزل السنادى المعرض بروايه جديده كالعاده ولكن انا هنزل روايتى يوم الخميس الجاى وحفلة التوقيع هتكون فى كافيه الساعه أتمنى كل عشاق يونس ييجوا فى الوقت ده بحبكم
قرأت حبيبة البوست واستغربت انه حتى مقالش اسم الروايه فكرت تعلقله مرضيتش وفى الآخر فضولها انتصر وكتبت كومنت
حبيبة الروايه اسمها ايه
رد يونس فى نفس الدقيقه فيه بوست هينزل باسمها
استنت طول الليل واخيرا نزل بوست باسم الروايه اللى كان اسمها ملاكى المجهول وغلاف الروايه كان بنت لابسة اسود وخمار
حبيبة پصدمة
