خطيبي كان بيعيشني في مستوى خيالي.. وقبل الفرح بأسبوع اكتشفت إن الفاتورة هتدفع من جيبي أنا
"خطيبي كان بيعيشني في مستوى خيالي.. وقبل الفرح بأسبوع اكتشفت إن الفاتورة هتدفع من جيبي أنا"
__________
"أنا مخطوبة لـ كارل (30 سنة) بقالنا سنة، والفرح كان المفروض كمان أسبوعين. كارل كان دايماً بيبان إنه 'مستريح مادياً'. عربيته شيك، بيلبس ماركات، وكنا بنتعشى في أغلى مطاعم. أنا مستوايا المادي كويس وموظفة بمرتب عالي، بس هو كان دايماً يصر يدفع ويقولي: 'أنا بحب أدلع خطيبتي'.
إحنا كنا متفقين نشتري بيت بعد الجواز، وقررنا نقدم على قرض عقاري بضمان مرتباتنا إحنا الاتنين عشان نجيب بيت كبير. رحنا البنك عشان نمضي الأوراق ونشوف 'التقييم الائتماني بتاعنا.
وهنا كانت الصاعقة.
الموظف بص في الورق وبان عليه الإحراج، وقالنا: 'للأسف يا فندم، الطلب مرفوض بسبب ديون الأستاذ كارل'.
أنا بصيت لكارل بذهول وقلت للموظف: 'ديون إيه؟'.
اتضح إن كارل عليه قروض شخصية وديون بطاقات ائتمان بمبلغ مهول (حوالي 80 ألف دولار)!
لما خرجنا من البنك وواجهته، رد فعله كان أغرب من الخيال. قال لي ببرود: 'يا حبيبتي ما إحنا هنتجوز، ومرتبك ما شاء الله كبير، فكنت عامل حسابي إننا هنسدد الديون دي سوا بعد الجواز كجزء من مصاريف البيت'.
يعني البيه كان بيخطط يورطني في عقد جواز، وبعدين يخليني أسدد تمن الهدايا والعشوات اللي كان بيعزمني عليها!"
_____
حكم مجتمع ريديت:
أنتِ مش غلطانة.
التعليقات كانت كلها تحذيرات مرعبة: "ده مش بس كداب، ده نصاب"، "ده فخ مالي"، "اهربي فوراً وإلا هتقضي الـ 10 سنين الجايين بتسددي ديون رفاهيته".
______
التحديث الأول (قبل الفرح بـ 5 أيام):
"أنا روحت البيت وفكرت طول الليل. افتكرت مواقف كتير كان بيلمح فيها عن مرتبي وبيسألني بحوش كام. قررت ألغي الفرح.
كلمت أهلي وشرحتلهم الوضع (رغم إنهم كانوا مبهورين بيه)، بس لما عرفوا حجم الديون وقفوا في ضهري.
بلغت
رد فعله؟ بدأ يزعق ويقول إني 'مادية' وإني 'مش بقف جنب شريك حياتي في محنته'، وحاول يقلب الترابيزة ويقول إن الفلوس دي اتصرفت عليا (رغم إني مطلبتش منه يصرف ببذخ كده). والأوقح من كده، قال لي: 'أنتي لازم تدفعي نص تكاليف حجز القاعة اللي هتروح علينا لأنك أنتي اللي لغيتي'."
_______
التحديث الأخير (بعد شهرين):
"الحمد لله إني هربت.
بعد ما لغيت الفرح، عرفت من واحد صاحبه إن كارل كان عليه قروض تانية كمان مقالش عليها، وإنه كان 'مراهن' على جوازنا عشان يسدد ديونه قبل ما البنوك تحجزه عليه.
رجعتله الخاتم (لأني عرفت إنه جايبه بالتقسيط ولسه مادفعش تمنه أصلاً).
هو حاول يهددني برفع قضية تعويض، بس المحامي بتاعي بعتله إنذار بخصوص 'الاحتيال والإيهام المالي'، فاختفى فوراً لأنه مش حمل محاكم ومصاريف.
سمعت إنه باع عربيته الشيك ورجع يعيش مع أهله، ولسه بيدور على 'عروسة لقطة' تانية عشان تشيل الليلة.
أنا خسرت شوية فلوس في تجهيزات الفرح، بس كسبت عمري وفلوسي ومستقبلي.
القصة الثانية
قريبتي سابت ابنها يدمر أجهزتي، وقالت "دي مجرد لعب"، فخليتها تدفع التمن غالي جداً.
________
أنا شاب عندي 24 سنة، بشتغل "مصمم جرافيك" و"مونتير" من البيت. عشان شغلي، بنيت تجميعة كمبيوتر قوية جداً، وشاشات احترافية، ومعدات صوت. الأوضة دي هي "أكل عيشي" وكلفتني تحويشة العمر (حوالي 6000 دولار).
عندي عمة اسمها "سوزان"، من النوع اللي بيشوف إن أي حاجة إلكترونية هي "لعب عيال" وملهاش قيمة، وإن ابنها "تيمي" (8 سنين) ملاك مبيغلطش ومن حقه يلعب بأي حاجة.
كان عندنا عزومة عائلية كبيرة في بيتنا ودي بتبقا مولد وصاحبه غايب. أنا عارف طبع "تيمي" عيل بيعيث في الأرض فساداً لو حد إداله فرصة، وعارف إن "سوزان" مش بتراقب ابنها. فقبل ما العزومة تبدأ، عملت الآتي:
* طفيت الجهاز وفصلت الكهرباء.
* قفلت باب مكتبي بالمفتاح.
* نبهت على
