الفصل الخامس عشر من عشق الزين الجزء الثاني
البارت الخامس عشر
في بيت مراد الالفي
زهرة بضيق ممكن اعرف انتي مين بقى ..زقتيني ودخلتي من غير اذني
سارة قعدت ببرود قولها انا ابقى مين ؟
مراد بص لزهرة وشاور على سارة واحدة قريبتي يا زهرة
مراد كان قاصد يتجاهلها وهيا فهمت كدة واتغاظت اكتر لما قال لزهرة قريبتي مش مراتي
سارة ومش هاتعرفنا بالامورة اللي واخدة راحتها في البيت
مراد دي زهرة صديقتي ويمكن اكتر من صديقة شوية
زهرة قعدت في النص مش فاهمة كمية النظرات المتبادلة اللي بينهم ...لغاية ما سارة فاجأتها بكلامها
سارة بغيظ والنبي يا امورة تطرقينا بس عاوزة مراد باشا في كلمتين
زهرة برقة سوري ...ايه الطريقة دي
سارة زعقت فهمها وخليها تمشي
مراد ببرود تمشي ليه دا بيتها .. تقعد فيه زي ما تحب وانتي لو عاوزة تتكلمي اوك اتكلمي انا وزهرة كتاب مفتوح
زهرة بدلع خلاص يا مراد ...يمكن عاوزك في مشكلة خاصة شويى يابيبي ...بس ممكن كانت تطلب بطريقة شيك شوية مش بالطريقة البيئة دي
سارة بصدمة من كلامها انا بيئة وانتي هاتعلميني اتكلم ازاي .
زهرة وفيها ايه ...بدام مش عارفة تتكلمى كويس
سارة في اللحظة دي اتعصبت وفقدت كل الهدوء اللي جواها وهجمت
زهرة اه يا حيوانة ...شعري يا مجنونة
سارة انتي بتغلطي تاني ..طيب تعالي
مراد مسكها وحكمها بس بقى اتهدي وبطلي جنانك دا
سارة مش كانت حاسة ان مراد هو اللي ماسكها لما سمعت صوته فصلت عن الدنيا لفت وبصتله يااااه مررراد قريب منها وتقريبا ...هيا ممكن زهرة على اللحظة دي ...زهرة شافتها سرحت وحبت تستغل الفرصه وتاخد حقها ... هجمت مرة واحدة على سارة وشدت طرحتها خلعتها وبضوافرها عورتها في رقبتها ...سارة صرخت ...ومراد اتفزع عليها ..وبص لزهرة بتوعد وزقها بعيد
مراد بحدة انتي اتجننتي ...ازاي تعملي كدا
زهرة مراد دي ضربتني وبتزعقلي انا
مراد سارة لقلبه مكنتيش تعوريها كدة يا زهرة
سارة كانت في دنيا تانية ....قد ايه وحشها غابت عن كلامهم وعيطت ..اتحرمت من كتير ....ومحستش بزهرة اللي مشيت ...مراد رفع وشها وبص على بخوف وبص على دموعها .. ضوافرها معلمة وفي دم نازل ..
مراد بقلق بتوجعك
سارة عيطت وشاورت على قلبها دا اللي بيوجعني
مراد بعد عنها وقعد دا مش يخصني يا سارة
سارة قربت وقعدت قدامه ليليان قالتلي ان حل اللغز عندك
مراد لغز ايه ؟
سارة لغز ان كلهم شايفينك مظلوم ...وانا اللى شايفك ظالم ...انا شوفتك بعيني وانت بتخوني ..انا مش هاكدب عيني ...انت صح يا مراد
مراد بدام انتي متاكدة يبقا اوك مفيش كلام يتقال ولو جاية علشان تسمعي حاجة تريحي ضميرك ..انا مش هاريحه
سارة ليه ؟!
مراد من حقي يا شيخة سنين معايشني في وهم مستكترة عليا تعيشي في تأنيب ضمير
سارة بعصبية الوهم دا انت السبب فيه مش انا .. ليا هيا السبب
مراد اه فتقومي تفكري في ايه ...ايه اكتر عقاب يوجعه اني اوهمه اني ميتي انا وبنته علشان يعيش نفس القصة مرتين فالوجع يبقا اشد واقوى صح ..فانتي ترتاحي ...السؤال هنا بقى يا سارة انتي ارتحتي فعلا
سارة بدموع كنت فاكرة ان لما اوجعك هارتاح بس لا اتعذبت في بعدك ..اتعذبت وانا بتلهف على صورة ليك ..اتعذبت اكتر منك
مراد امممم طيب كويس دا معناه انك فشلتي في عقابك ليا ..بس اقولك انتي غبية كان ممكن تفضلي وتطلقي وتبعدي وابقى عاوزك ومش طايلك هايبقا عقاب اقوى
سارة ودموعها نازلة ضحكت كنت هافشل
مراد امممم ...طيب وايه المطلوب ؟
سارة مش عارفة
مراد طيب انتي عارفة كويس ..ان الحياة بقت مستحيلة ما بينا وهاطلقك ...احسنلك خدي بنتك وابعدي عني ..من حقي اشوف حياتي اللي اتحرمت منها زمان
سارة بغيظ اخد بنتي وابعد ... امممم علشان تشوف حياتك ..
مراد وليه لا ...زهرة محترمة وجميلة جدا وانا وهيا اصحاب... وتقريبا في مشروع خطوبة
سارة بعصبية زمااان لما فكرت اكسر قلبك كان عندي حق ..انت عمرك ماتتغير ..طبع فيك يا مراد
مراد ولا انتي ولا عشرة زيك يكسروا قلب مراد الالفب ....اجري يالا عيطي وارتمي في مهاب ...وخليه يخطط وينفذ .
سارة وماله مهاب ... تعرف انا كنت محروقة منك على ليا ...الدنيا ضاقت بيا فكرت فيه ..جالي ومتأخرش ...كنت بحكيله وانا بتقهر ...طلبت منه اكسر قلبك وهو ساعدني ودبرلي الحادثة والطب الشرعي وكل حاجة وسفرني وبنالي حياة تانية ..مهاب دا فضله كبير عليا .
مراد فضل ايه...فضل انه انتقم من جوزك ...واااو برافوا يا سارة قدرتوا تخدعوني ...بس خلاص ...الحكاية انتهت وكل حاجة هاتبدا من جديد وانا هارجع مراد القديم .
سارة اتغاظت من كلامه ومن بروده اخدت طرحتها ولفتها بعشوائية ومشيت بس مفيش ثواني رجعت تاني وميلت عليه وشدته
سارة مراد الالفي
