بعد خمس شهور بقلم زيزي
مات صح؟
الراجل سكت ثواني، وبعدين قال كريم كان عارف إن ده ممكن يحصل.
لفيتله بسرعة مين إنت أصلًا؟!
رد وهو مركز في الطريق اسمي ياسين وكنت شغال مع آدم.
شغال في إيه؟!
ضحك بمرارة في تنظيف المصايب اللي كان أبوه بيعملها.
المطر كان بيخبط في الإزاز بعنف، والطريق شبه فاضي.
حسيت نفسي جوه فيلم مرعب.
بصيتله قول الحقيقة آدم عايش؟
ياسين أخد نفس طويل وقال آخر مرة شوفته فيها كانت ليلة الحادثة.
قلبي دق بعنف.
كان هربان. مرعوب. قال إن أبوه قرر يخلص منه بعد ما سرق الملفات.
وبعدين؟!
العربية اللي كانت نقلاه اتقلبت قبل ما يوصل.
اتجمدت.
يعني مات.
هز راسه الجثة اتحرقت بالكامل ومحدش قدر يتعرف عليها.
سكت لحظة وبعدين بصلي إلا إن آدم كان باعتلي رسالة بعدها ب٦ ساعات.
الهواء اختفى من حواليا.
مستحيل
طلع موبايله وفتح رسالة قديمة.
وكان مكتوب فيها
لو وصلتك الرسالة دي، يبقى أنا نجحت أختفي. خلي سلمى بعيدة عن أي حاجة لأنهم هيراقبوها.
دموعي نزلت فورًا.
ده أسلوبه.
طريقته في الكلام.
إيده كانت بترتعش وهو بيكتب كنت حاسة بيها بين السطور.
همست ليه ما رجعليش؟
ياسين بص قدامه لأنه لو ظهر هيموت.
وفجأة
نور عربية ظهر ورانا.
وبعدين نور
وتالت.
ياسين شتم بصوت واطي لحقونا.
بصيت ورايا بخوف.
٣ عربيات سودا.
بيجروا ورانا بسرعة مرعبة.
ياسين ضغط البنزين بعنف امسكي كويس.
العربية طارت في الشارع المبلول، وصوت الكاوتش بيصرخ.
وفجأة
طلقة كسرت الإزاز الخلفي.
صرخت ونزلت تحت الكرسي.
ياسين زعق هما مش هيسيبونا غير لما ياخدوا الحاجة!
رفعت راسي بخضة حاجة إيه؟!
بصلي بسرعة
وبعدين عينه نزلت على السلسلة اللي في رقبتي.
السلسلة اللي آدم اداهالي قبل ما يموت.
قلبي وقف.
ياسين قال بصوت مخنوق الملفات كلها متخبية جوا القلادة اللي إنتي لابساها إيديا طلعت تلقائي على السلسلة اللي في رقبتي.
كانت سلسلة بسيطة جدًا فضة، وفيها قلب صغير.
آدم جابهالي قبل موته بأيام.
فاكرة إني وقتها ضحكت وقولتله إيه الرومانسية المفاجئة دي؟
بصلي يومها بنظرة غريبة فيها خوف وحب في نفس الوقت، وقال خليها معاكي دايمًا ومهما حصل، ماتقلعيهاش.
وقتها ما فهمتش.
دلوقتي فهمت كل حاجة.
طلقة تانية عدت جنب العربية.
ياسين لف بعنف في شارع جانبي، والعربية اتزحلقت على المطر.
صرخت وأنا ماسكة الكرسي هنموت!
لكن ياسين كان مركز بشكل مرعب.
طلع موبايله بسرعة واتصل بحد إحنا جايين جهز كل حاجة.
قفل
العربيات اللي ورانا كانت بتقرب أكتر.
وفجأة
عربية منهم خبطتنا من الجنب بعنف.
العربية لفت حوالين نفسها، وصوت الحديد اتكسر.
صرخت بأعلى صوتي.
لكن ياسين قدر يسيطر عليها بالعافية.
وبعدين قال فجأة افتحي القلادة!
بصيتله بتوتر إزاي؟!
في زر صغير وراها!
فتحتها بإيدي المرتعشة
ولقيت قطعة إلكترونية صغيرة جدًا متخبّية جواها.
فلاشة.
آدم كان مخبي كل حاجة فيها.
ياسين ابتسم لأول مرة دي نهايتهم.
بعد عشر دقايق جري مجنون، وصلنا لمخزن قديم قريب من الميناء.
أول ما دخلنا، اتفاجئت برجالة كتير مستنيين.
وفي النص
واقف آدم.
اتجمدت.
العالم كله اختفى حواليا.
هو.
حي.
وشه كان مرهق، ودقنه طويلة شوية، وفيه آثار جروح قديمة لكنه هو.
بصلي بعينين مليانين شوق ووجع.
همس سلمى
وانهرت.
جريت عليه وأنا بعيط وبضربه في صدره إنت حي؟! سيبتني أتعذب كل ده؟!
وكأنه خايف أختفي.
وكان بيعيط هو كمان ماكنش عندي حل والله ما كان عندي حل.
قبل ما أتكلم
صوت عربيات وقف برا المخزن.
آدم وشه اتغير فورًا.
قال وصلوا.
وفجأة المكان كله اتحرك.
رجالة ياسين جهزوا أسلحتهم، وآدم مسكني ووداني ورا صناديق كبيرة.
وبدأ إطلاق النار.
الصوت كان مرعب.
رصاص في كل حتة.
صرخات.
وتكسير.
حسيت نفسي في كابوس.
وفجأة شفت حمايا داخل المخزن بنفسه، وماسك مسدسه.
كان شكله مرعب.
أول ما شاف آدم ابتسم.
وقال ببرود كنت عارف إنك لسه عايش.
آدم خرج من مكانه ببطء.
خلصت يا فؤاد بيه.
ضحك حمايا فاكر إن فلاشة هتوقعني؟
لكن في اللحظة دي
صوت sirens الشرطة ملّى المكان.
وش حمايا اتبدل.
ياسين رفع موبايله وقال كل الملفات اتبعت للنيابة والإعلام من عشر دقايق.
لأول مرة شفت الخوف الحقيقي في عين حمايا.
حاول يهرب.
لكن الشرطة دخلت المخزن وحاصروه.
وفي لحظة جنون، رفع مسدسه ناحية آدم.
صرخت خلي بالك!
لكن قبل ما يضرب النار
طلقة خرجت من ضابط الشرطة.
ووقع حمايا على الأرض.
وانتهى كل شيء.
بعد شهور
القضية قلبت البلد.
كل أسرار فؤاد بيه اتكشفت، وشبكة الفساد كلها وقعت.
أما كريم
طلع عايش.
الرصاصة كانت بعيدة عن قلبه، وقدر يهرب قبل الانفجار.
ولأول مرة في حياته، عاش وسط عيلة فعلًا.
وفي يوم هادي، كنت قاعدة أنا وآدم على البحر وقت الغروب.
بصيتله وقلت عارف أصعب حاجة عملتها؟
ابتسم بحزن إني سيبتك تفتكريني ميت.
هزيت راسي والدموع في عيني لأ إني رغم كل حاجة، عمري
، وقال بهدوء ولا أنا بطلت أرجعلك حتى وأنا مستخبي من العالم كله.
والمرادي
لأول مرة من شهور طويلة
حسيت إني أخيرًا بتنفس.
