وصية عشق بقلم إسراء ابراهيم
اسكربت
تتجوزني واديك مليون جنيه
قالتها ريم بجراءة وهي باصة لمالك ويبقي الامن اللي واقف قدام شركة باباها فكان واقف مش باين علي تعبيرات وشه اي حاجة ولا حتي اندهاش وده خلي ريم تستغرب لكنها اتجاهلت تفكيرها وكملت بهدوء
اسمعني كويس يا مالك انا عارفة انك مجرد موظف في شركة بابا وعارفة كمان انك فقير وانك مش بأحلامك انك تتجوز واحدة زيي بس انا بعرض عليك صفقة اممم تقدر تقول انها صفقة العمر انا هديك اللي لو عشت تشتغل هنا ميت سنة مش هتعرف تجمعه اصلا هو انت بتعرف تعد يعني عارف المليون جنيه دول قد ايه
مالك كان بيبص لريم ببرود عكس البراكين اللي جواه طول عمره بيشتغل عشان ميحتجش لمخلوق وتيجي واحدة زي ريم بنت صاحب الشركة اللي هو شغال فيها تهينه بالطريقة دي وتعايره بفقره لمجرد انها بنت مغرورة رغم جمالها المهلك لكن كل ده بالنسباله ميسواش جنيه واحد من اللي بيتعب عشان يلاقيه قبض علي ايديه بغضب واتكلم من تحت سنانه وهو بيبصلها بحدة
انا لولا اني عامل حساب لاكل عيشي وان ابوكي راجل محترم انا كنت دفنتك مكانك غوري من وشي والا تبقي انتي اللي جنيتي علي نفسك
بلعت ريم ريقها بخوف ومع ذلك رددت بعند
هو انا غلط في ايه انا بعرض عليك صفقة يا توافق يا ترفض ثم تعالي هنا انت اصلا فاكر نفسك مين عشان تقولي كدة ده انا بتليفون واحد امحيك من الوجود يا بتاع انت انا كنت جايبالك مصلحة بس انت اللي قطعت برزقك
خلصت ريم كلامها وسابت مالك قدام الشركة وركبت عربيتها ومشيت وكان متابعها هو بغضب
...................
في العربية
ايه يا خلود لا انا مش هروح الڤيلا الا لما االاقي حل يريحني من الهم اللي انا فيه ده
خلود بترددطب اوعي تكوني عملتي اللي في دماغك وروحتي للشاب بتاع الامن وعرضتي عليه الجواز زي ما قولتيلي
ابتسمت ريم بسخرية اول ما افتكرت اللي دار بينها وبين مالك
ريم بسخرية روحتله وتخيلي ايه رفضني الزفت لا وطردني من شررركتي انا ريم المنصوري تترفض وتطرد كمان بس اما وريته مبقاش انا
خلود بضحك طب والله طلع راجل انتي عارفة رغم اني كنت معارضة الفكرة بتاعتك دي من الاول عشان خوفت يطمع فيكي ويستغل عرضك ده ضدك بس لما قولتيلي انه رفض وطردك كمان اقدر اقولك ان هو ده الشخص المناسب للعبتك لازم تمسكي فيه بايدك وسنانك فاهمة
ريم بتفكير اشعرفك ما يمكن لعبة منه انه يرفض عشان اعلي السعر ويستفاد ولا ايه
خلود بنفي لا يا ريم طبعا لان اللي زي الشخص ده عنده عزة نفس وكرامة لو هو فعلا واحد خبيث كانت عنيه لمعت من المبلغ اللي عرضتيه عليه بس هو رفض يبقي معني كدة حاجة واحدة انه انسان محترم وجدا كمان
ريم بضيق يووه يا خلود اهو و رفض بس انا ايه مسكتلوش انا اصلا قولتله انت تطول ده كان عرض حلو لواحد فقير زيك لما قولتلك تتجوزني واديك مليون جنيه هو انت اصلا تطول تتجوز بنت زيي ولا في مركزي
خلود بصدمة هو انتي لما روحتيله قولتيله كدة فعلا
ريم بتأكيد ايوة طبعا عرضت عليه الجواز مقابل فلوس قولت هيفرح ويوافق علطول
خلود بقلة حيلة يا بنتي اللي زي الشخص ده قولتلك ميفرقش معاه
ريم بحزن طب والحل ياخلود انا لو مشوفتش حد يتجوزني بسرعة ماما هتنفذ كلامها وهتجوزني الواد الملزق ابن صاحبتها وكل ده عشان فلوسه وانا اولع بقي
خلود بتنهيدة انتي اصلا لو مامتك عرفت انك عاوزة تتجوزي واحد فقير هتعملك شاورما ومابالك بقي لو عرفت انه الامن اللي بيشتغل عند باباكي
ريم بعند ما هو ده اللي مخليني مصممة اني اتجوز شاب فقير عشان اعرفها ان انا مش بيتفرض عليا حاجة وكمان شوية اطلق بقي منه واعيش حياتي وهي وقتها مش هتقدر تمنعني بس الاقيه الشخص ده
خلود بتفكير يبقي اسمعي مني انتي تروحي تاني للشاب بتاع الامن وقوليله انك عايزة تتكلمي معاه واحكيله كل حاجة بصراحة واهم حاجة انك تحترميه وتحترمي فقره لانك لو معملتيش كدة هيرفض طلبك وده غير بقي اللي هيعمله فيكي يا روحي
ريم بحيرة طب تفتكري هيوافق لو قولتله الحقيقة
خلود بتشجيع انتي بس خليكي صادقة وهو هيصدق
....................
بليل كان قاعد مالك في البلكونة وفي ايده كوباية الشاي وسرحان لحد ما قطع سرحانه صوت تيسير امه
تيسير بحنان مالك يا حبيبي من ساعت ما جيت من الشغل وانت شكلك مضايق في ايه بس احكيلي
مالك بابتسامة سلامتك يا ست الكل انا بس مشغول شوية بالمشاكل اللي عندي في الشغل وبصراحة اتخنقت وبفكر اسيب الشغل ده واشوف شغل غيره
تيسير بعقل انا معاك في اي قرار يا مالك بس تفتكر لو سبت الشغل ده وروحت اشتغلت في مكان تاني هتضمن انه يبقي كويس او ميحصلش مشاكل من نوع تاني هناك
مالك بحيرة
تيسير بلهفة مين دول اللي يقللو منك هو كانو يطولو راجل زيك يشتغل عندهم لا يا حبيبي لو الموضوع يخص كرامتك يبقي في داهية الشغل بس متقللش من نفسك ابدا قدام حد
مالك بابتسامة ربنا يخليكي ليا يا ست الكل متقلقيش عليا ابنك راجل وعارف هو بيعمل ايه كويس
تيسير بسعادة ربنا يخليك ليا يا حبيبي ويروق بالك ويرزقك ببنت الحلال اللي تريح قلبك
..............................
بعد يومين كان واقف مالك قدام الشركة بيتكلم مع زميله بعد ما سلمه الشيفت بتاعه وبعدين مشي مالك عشان يروح بيته زي كل يوم وكانت متابعاه ريم من بعيد وهي قاعدة في عربيتها ومتوترة تقرب منه بس جمعت شجاعتها ودورت عربيتها وقربت بسرعة من منه ووقفت قدامه فجأة
مالك بغضب انتي اتجننتي كنتي هتخبطيني
ريم ببرود ومحصلكش حاجة اهو متبقاش اوفر اركب يلا عايزة اتكلم معاك
مالك بنفس البرود وانا مبتكلمش
مالك كان هيمشي بعد ما خلص كلامه بس ريم نزلت من عربيتها بسرعة وقربت منه
ريم بتهديد ما هو لو موافقتش نروح حتة نتكلم فيها انا هصرخ واقول انك عاكستني واخلي شكلك وحش قدام الناس ومش بعيد تاخد علقة محترمة
مالك بغضب انتي بتهدديني طب اعملي كدة وانا بقي رد فعلي هيبهرك
ريم بتفكير طب اسمعني طيب يا مالك وبعدين احكم
مالك برفض وهو بيسيبها ويمشي لا واحسنلك تبعدي عن طريقي
ريم اتكلمت بسرعة وحزن قبل ما مالك يبعد خلته فجأة وقف مكانه وهو مديها ضهره
ريم انا محتجالك يا مالك ماما هتجوزني غصب عني وبابا
مالك
