وصية عشق بقلم إسراء ابراهيم

وهو بيلف وشه ليها انتي بتقولي ايه 
ريم بصوت مخنوق ايوة الموت اهون عندي من اني اتجوز واحد زي ده وكدة كدة هبقي ميتة يبقي اعيش ليه 
مالك بجمود وانا دخلي ايه في كل اللي بتقوليه ده ما تموتي ولا تعملي اللي انتي عايزاه بعيد عني
ريم بصدمة انت شمتان فيا صحيح اخس عالرجالة بقي انا احتاجك انك تقف جمبي وانت تخزلني وتقولي لا وكمان عاوزني اموت يا مالك طب يهونك المرة اللي خليت بابا يديك اجازة فيها عشان مامتك كانت تعبانة ايه نسيت لما طلبت مني اخليه يوافق طب علي فكرة انت مديونلي بقي بالمرة دي والمفروض تردهالي مش دي الاصول .
ريم كانت باصة لمالك وهو بيفكر في كلامها وابتسمت بخبث لانه حست انه اتأثر بيه
مالك بنفاد صبر وايه اللي انتي عايزاه مني عشان اكون وفيت بالدين اللي عليا ليكي ويبقي ملكيش حاجة عندي ومشوفش وشك تاني
ريم باندفاع بسيطة تتجوزني
مالك بصدمة انتي مجنونة اتجوزك ازاي ده بقي
ريم باقناع ايوة هو ده طلبي الوحيد انك تتجوزني شهر بالظبط ونطلق وكل واحد يروح في حاله وقتها بس ماما هتسيبني في حالي وتنسي موضوع العريس ده وانا بقي اشوف حياتي وانت كمان تشوف حياتك
مالك بسخرية وهو بقي الموضوع سهل بالنسبالك كدة اروح اقول لابوكي اللي انا شغال عنده انا عايز بنتك وهو يقولي طبعا يا بني موافق اهي اتفضل خدها
ريم ببساطة انت سيب بابا عليا هو اصلا لما يعرف انك انت عايز تتجوزني وانا موافقة عليك هينفذ رغبتي وهيوافق اينعم هيحصل مشاكل مع ماما بس انا متأكدة ان بابا هيقف ليها لانها اتجوزته فقير برضه زيك كدة وبعد كدة اشتغل وبقي غني هو كمان فاكيد هيقف معايا ويقنعها توافق لما يلاقيني انا موافقة
مالك بجدية واشمعني انا ليه مطلبتيش الطلب ده من اي حد تاني ما انتي صحابك كتير واللي في الشركة برضه كتير
ريم بتوتر هجاوبك علي سؤالك بس لما تقولي موافق تتجوزني ولا
مالك بتفكير بس انا عندي شروط 
ريم بضيق وهي بتربع ايديها وايه هما شروطك يا استاذ مالك 
مالك بغموض جوازنا هيكون حقيقي يعني هتعيشي معايا في شقتي مع امي طول الفترة اللي احنا هنبقي متجوزين فيها
ريم بصدمة في حارة انا اسكن معاك في حارة شعبية لا طبعا احنا هنقعد في فندق او اخلي بابا يجبلنا شقة في حي راقي
مالك برفض هو ده شرطي الوحيد ومش هتنازل عنه واعملي حسابك هتقومي بكل واجباتك الزوجية ناحيتي يعني تعمليلي اكل عشان برجع من الشغل تعبان وتهتمي بلبسي وتغسليه فاهمة
ريم بتزمر ايوة بس انا مش هعرف اعمل كل ده اولا انا مبعرفش اطبخ خالص وبعدين انت بتستغل علي فكرة احتياجي ليك وده مش كويس
مالك بغرور هو ده اللي عندي والقرار في ايدك
ريم افتكرت امها وتكبرها دايما في كل حاجة تخص الطبقة اللي اقل منها ورغم ان ريم من جواها هي كمان متكبرة شوية وشايفة ان الناس دول غيرهم خالص بس هي مضطرة توافق عشان تدي امها درس وتخليها تنسي موضوع جوازها ده
ريم بتردد موافقة هتكلم بابا امتي
مالك بهدوء روحي انتي وانا بكرة هطلعله مكتبه وافاتحه في الموضوع
ريم براحة اوك باي
مالك كان متابع ريم بغموض وهي بتركب عربيتها وبتمشي من قدامه وفجأة ابتسم بخبث وقرر يستغل خطتها عشان يخليها تعيش في الطبقة بتاعته ويعاقبها علي كلامها اللي قالته ليه من يومين
..........................
كان واقف مالك قدام مصطفي ابو ريم في مكتبه بعد ما طلب منه ايد ريم ومصطفي كان بيبصله بغموض وكأنه بيقراه ومالك كان واقف واثق من نفسه بطريقة جميلة
مصطفي بجدية انت ايه اللي خلاك واثق اني ممكن اوافق علي جوازك من بنتي
مالك بثقة لاني واثق ان سيادتك بيفرق معاك اخلاق الشخص اكتر من فلوسه وانه هيصون بنتك ويحافظ عليها وانا هحط ريم في عيني يا فندم واوعدك اني احافظ عليها
مصطفي باعجاب عارف يا مالك انا لو مكنتش عارفك من سنين وشوفت قد ايه انت شاب اخلاق ومحترم واهم من ده كله انك عندك عزة نفس واحترام انا مكنتش سمحتلك انك تقف قدامي وتتجرأ وتطلب ايد بنتي بس عشان انا عارفك كويس وعشان انت بتفكرني بنفسي في اول طريقي فانا اوعدك اني هتكلم مع ريم ولو هي وافقت فانا هكون سعيد انها هتكون مع راجل بمعني الكلمة
مالك بابتسامة شكرا يا فندم كلام حضرتك شهادة اعتز بيها وهنتظر ردك بعد اذنك
قال مالك كلامه وخرج واول ما خرج من مكتب مصطفي لقي تليفونه بيرن برقم غريب فرد واتفاجئ بصوت ريم
ريم بفضول ها يا مالك عملت ايه اتكلمت معاه
مالك باستغراب انتي جبتي رقمي منين 
ريم بلا مبالاه لا ده سهل اوي كلمت حد في الشركة وادهوني ها قولي بقي عملت ايه 
مالك حكي لريم كل اللي دار بينه وبين ابوها فاستغربت اوي لانها مكنتش متوقعة انه يوافق بالسهولة دي وكانت فاكرة انها هتضطر تقنعه
ريم بتردد طيب كويس لما يسألني هقوله اني موافقة والباقي عليك
مالك بغموض بس متنسيش انك وافقتي علي شروطي يعني هتعملي كل اللي قولتلك عليه من غير اعتراض وحاولي بقي استمتعي شوية لان حياتك الجديدة معتقدش انها هتكون سعيدة بالنسبالك خالص 
ريم قفلت الخط وهي بتفكر في كلام مالك وخافت اوي من اللي جاي واللي هي عملته بنفسها لما وافقت علي شروط مالك
...............................
علي جثتي يا مصطفي الجوازة دي لو تمت 
قالت كدة مها بغضب وهي بتبص لمصطفي بغيظ بعد ما بلغها بطلب مالك
مصطفي بجدية وليه لا يا مها ما تسيبي بنتك تقرر حياتها وبعدين الشاب ميتعيبش انسان اخلاق ومحترم وانا متأكد انه هيصونها
مها بغيظ انت بتقنعني بايه انت عاوز بنتك تبدأ من الصفر زي ما انا عملت ده بدل ما نجوزها جوازة مرتاحة
مصطفي بضيقوفيها ايه لما تبدأ من الصفر مع الانسان اللي هي تختاره وبعدين افهم من كدة انك ندمانة يا مها عشان كدة رافضة بنتك تعيش اللي عشتيه 
مها بتنهيدة يا مصطفي انا عمري ما اقصد كدة صدقني انا بس شايفة ان دي بنتنا يعني المفروض نخليها تعيش عيشة احسن من اللي هي عايشاها فهمتني 
مصطفي باقناع وهي طالما قلبها اختار شخص يبقي خلاص سيبيها تجرب حظها معاه مش يمكن هو ده اللي يصونها ويعوضها خير
كانت متابعة ريم كلام ابوها وامها وهي قاعدة ومتدخلتش بينهم لحد ما امها قعدت جمبها
مها بضيق انتي بجد بتحبي الشاب ده يا ريم 
ريم بتردد اه يا ماما مالك انسان كويس جدا والله
مها بغضبماشي يا ريم اما نشوف اخر اختياراتك دي هترسي علي ايه
ريم بفرحة بجد يا مامي يعني موافقة 
مها بقلة حيلة ايوة بس لو حسيتك للحظة بتتغيري هخليه يطلقك فورا وانت يا مصطفي اتكلم معاه بانه لازم ياخد باله منها وفهمه انها مش واخدة علي عيشته دي 
........................ 
بارك الله لكما وبارك عليكما وجمع بينكما في خير
مها بضيق وهي بتقرب من