نبضات الوجدان بقلم شيماء عصمت

 

بس برضو ملهوش حق يزعلك مهما حصل إديله وقته ومش بعيد نلاقيه دلوقتي داخل علينا زي القدر المستعجل عشان يصالحك ابني وأنا عارفه قلبه قلب خساية
احمممم احممممم
نظرا لمصدر الصوت ليجدا شعيب واقفا يستند على إيطار الباب ويرمقهما بحاجب مرفوع قبل أن يقول أبو قلب خساية وصل ياحج كلم جدي بقى محتاجك ضروري
أنت بتطردني يالا
أجابه شعيب ببراءة وهو أنا أقدر برضو!! أنا بس خاېف تتأخر على جدي أصله كان شكله متعصب أوي وبلغني أنه عايزك فورا
رمقه سالم بتفكير قبل أن يستقيم واقفا يهندم ملابسه بغرور قبل أن يندفع للخارج باتجاه شقة الجد مهران
إقترب شعيب من والدته وهو يكتم ضحكاته قبل أن تقول حنان بهدوء كل ما تكون عايز تتكلم معايا من غير وجود أبوك
تقول له نفس الحجة وسبحان الله كل مرة بيصدقها!!
إنفجر شعيب ضاحكا قائلا من بين ضحكاته أنا برضو بستغرب إنه بيصدقها! بس جدي الله يكرمه بيلقطها وهي طايرة فبيشغله بأي موضوع
إبتسمت على ضحكاته ووخزت الدموع عيناها فاقترب شعيب منها يلثم يديها بإحترام قائلا دموعك غالية أوي وأنا ماستاهلش إنها تنزل بسببي حقك عليا إنفعلت عليك سامحيني
مين اللي يسامح مين ياحبيبي سامحني أنا يا بني سامح أمك ياشعيب
أنت وأختك كل ما أملك بخاف عليكم أكتر من عيوني أنا كنت فاكرة نفسي بأحميكم طلعت بأذيكم!!! سامحني قبل ما أموت و
 قائلا طولة العمر ليك يا ست الكل إحنا من غيرك ولا نسوى حقك عليا أنا سامحيني لو قولت كلمة تزعلك حقك على راسي يا أمي حقك عليا يا غالية
ربتت على صدره بمحبة خالصة فابتعد عنها بهدوء وقبض على يديها برفق قائلا عندي خبر مهم أنت رابع واحدة في العالم كله تعرفه بس دة سر مفيش أي حد هيعرفه دلوقتي
رمقته بفضول وهزت رأسها موافقة تحثه على الحديث فقال بسعادة لتين حامل هتبقي جدة للمرة التالته الأحفاد هيكبروكي يا حنونة
شهقت حنان بذهول وقد اتسعت عيناها بعدم تصديق فقال شعيب بتأكيد رحنا للدكتورة وأكدت لينا إن لتين حامل في الشهر التالت و
لم تتركه يكمل حديثه بل اندفعت تطلق عدة زغاريد عالية تعبر بهم عن سعادتها
هتف شعيب بذهول ششششش عندنا حالة ۏفاة يا أمي أنت نسيتي بس الله يخليكي
كممت فمها بحرج قبل أن تقول والله من فرحتي نسيت!! يا ما أنت كريم يارب ألف مبروك ياقلب أمك ومتقلقش سرك في بير أنا مش هقول لحد لغاية ما لتين تولد بالسلامة
أجابها بسخرية سر وبير!!! بعد الزعروطة اللي الحي كله سمعها ما أفتكرش!!!!!!
وبالفعل انتشر خبر حمل لتين بين أفراد العائلة ورغم الحزن الذي سكن قلب توفيق ومازن بسبب ۏفاة وفاء ولكنهم استقبلوا الخبر برحابة وباركوا لشعيب بمحبة
وكما وصل خبر حمل لتين للجميع وصل لعماد هو الآخر للحظات تجمد كل شيء حوله للحظات انعزل عن العالم قبل أن تتساقط دمعة وحيدة من عينيه وهمس بتحشرج الحمدلله ربنا عوضها باللي أحسن مني وراضاها باللي تتمناه مش يمكن لما تعيش سعيدة تنسى مرارة أيامي وتقدر تسامحني صمت قليلا قبل أن يقول بغصة يارب توبت إليك يا أرحم الراحمين فأقبل توبتي وأهديني وأغفر لي
هتفت الجدة بإستنكار أنت بټعيطي ليه دلوقتي يا فوزية
لتين حامل همستها من بين شهقاتها المرتفعة
آه الحمدلله ربنا عوض صبرها خير أنا بقى مش فاهمة أنت بټعيطي ليه دة بدل ما تقومي تصلي ركعتين شكر لله قلبتيها عياط ونكد!
تحكمت في بكائها قائلة أنا بس فرحانة فرحانة إن لتين أخيرا أخدت اللي تستحقه بنتي إتعذبت
قووي وأنا كنت سبب عڈابها لما ضحيت بيها عشان بقية العيلة تخليت عنها وسيبتها تعيش مع واحد كنت فاكراه هيصونها بس طلع كل ب صعران نهش فيها
لا حول ولا قوة إلا بالله اللي فات ماټ يابنتي وبدل ما أنت قاعدة تندبي حظك قربي من بنتك حني عليها ساعديها في حياتها وأكملت بجدية بس مش معنى كدة إنك تتدخلي في حياتها الخاصة مع جوزها أوعي خليك قريبة حسسيها إنك موجودة وإنها تقدر تتسند عليك فاهماني يا فوزية
هزت فوزية رأسها موافقة فقالت الجدة حسان كلمك على التليفون
أجابتها بتجهم إتصل بس ماردتش عليه أنا مش عايزة أسمع صوته ولا أشوف خلقته
فوزية شغل العيال دة مش لايق عليك زي ما جوزك غلط أنت كمان غلطتي وزي ما هو قصر في حق بناتك فأنتي كمان قصرتي بسكوتك لو كنت وقفتي له من البداية وناقشتيه كان ممكن كل حاجة تتحل كانت الحياة هتكون ابسط وماكنش هيحصل فجوة بين لتين وأبوها أو على الأقل ماكنتش هتكون بالحجم دة
يا أمي دة قال للتين تطلب الطلاق من جوزها كان عايز ېخرب بيتها دة غير قسوته عليها مشيلها ذنب إختياراتها بدل ما يقف جانبها بيقولها لا أنت السبب مش أنت اللي اخترتي عماد يبقى تستحملي تصرفاته وأنا تعبت تعبت وخاېفة أخسر البنت اللي حيلتي العيشة مع حسان بقت مستحيلة دة ماصدق طلبت الطلاق فطلقني في ساعتها
ضحكت الجدة قائلة بخبث قولي كدة بقى أنت زعلانة عشان طلقك أول ماطلبتي
هتفت فوزية بحرج أيوة زعلت طبعا الطلاق مش سهل وهو باع العمر اللي مابينا بالساهل ولا كأنه كان مستني إني أطلب الطلاق فقال بركة يا جامع!!!
ضحكت الجدة من جديد وهمست ربنا يهدي سركم ياولادي
بعد مرور عدة أيام 
إستيقظت اليوم بقلب مقبوض فبرغم سعادتها الأيام الماضية إلا أن اليوم مختلف فقد رأت منام عكر صفو مشاعرها وبعثر سعادتها
الهانم اللي سرحانة إيه هنفطر بيض مفحم
أفاقت على صوت شعيب المازح ولكنها لم تك في
مزاج جيد لتشاركه المزاح فقالت بحاجبين معقودين 
قصدك إيه أن أكلي محروق طبخي وحش ياشعيب وخلاص مبقاش يعجبك
اممممممم
همهم بإدراك وهمس بصوت لم يصلها شكل هرمونات الحمل إشتغلت ألبس يامعلم
هتفت لتين بغيظ من غمغمته أنت بتقول إيه
إتسعت إبتسامته قائلا بقول عندك حق ياحبيبتي أكلك فعلا لا يعلى عليه تسلم إيدك
هدرت بتحفز دة أنت بتتريق بقى!!!
أجابها بهدوء أنت عايزة تتخانقي لو عايزة أنا ماعنديش مشكلة أتفضلي إبدأي
همست بعدم فهم أبدأ إيه!!
الخناقة ياروحي
قالها ببراءة كادت أن تسبب لها ذبحة صدرية فصړخت بإنفعال شعيب إحترمني لو سمحت وبطل تعاملني زي عائشة ومالك وملك
هدر بحدة وصوت عالي لتين
شهقت بإجفال من صوته العالي وارتعشت شفتيها وكأنها على وشك البكاء فهتف شعيب بهدوء جاد أنا كمان بعرف أعلي صوتي على فكرة بس مش من الطبيعي إن في أي خلاف بيننا صوتنا يعلى وأنا مش هاسمحلك أبدا تعلي صوتك عليا وأعتقد إني لما بكلمك حتى وإحنا مختلفين بيكون صوتي واطي صح ولا إيه
لم تجبه وأكتفت بإطلاق صراح دموعها لتتساقط على وجنتيها ببؤس
نفخ بضيق قائلا لا إله إلا الله الممنوعات ابتدت تظهر أهيه
رمقته بعتاب ولم تعلق ليهتف بهدوء وهو يقترب منها مالك يا لتين أنت زعلانة في حاجة قلقاكي ولا دي هرمونات وهتروح لحالها فهميني يا حبيبتي
أنا حلمت حلم
عقد حاجبيه بإستغراب ها كملي
أكملت بقلب مقبوض حلمت أن ن نورا جاية تاخد مالك مننا هي ماسكة فيه من إيد وبتشده ناحيتها وأنا مسكاه من إيده التانية وبشده ليا لحد ما لقيته بيبكي من ۏجع دراعاته ف فسبته!!! همستها بحزن وقد تملكها شعور بالذنب لتركها للصغير
 قائلا دة مجرد حلم مش واقع وإن كان على القڈرة نورا فهي سابت ابنها بمزاجها ومفكرتش للحظة واحدة تيجي تشوفه أو تطمن عليه هي جبانة وقت المواجهة هربت وأنا متأكد إنها مش هترجع هنا تاني بعد اللي سرقته من بيت أهلها والفلوس اللي سحبتها من البنك ماعتقدش إنها غبية لدرجة إنها ترجع لقضاها لأن صدقيني لو وقعت في إيدي مش هرحمها
همست برجاء يعني مالك هيفضل معانا مش كدة مش هتتخلى عنه ياشعيب صح دة يتيم وماحدش هيقدر يراعيه مازن وعنده شغله وحياته ومش هيعرف يهتم بيه كويس وخالي توفيق كبر وصحته على قده أنا هاهتم بيه صدقني مش هقصر معاك في حاجة وهعامله زي ملك وعائشة هما هيبقوا كلهم ولادي زي ابني أو بنتي اللي أنا هخلفه ا ليهم نفس المعاملة والله ماهفرق بينهم فأرجوك هي أم بالفطرة أم قبل أن تنجب أم لبناته من زوجته الأولى وأم لابن نورا!! تلك التي تسببت لها پألم ستبقى ندبته موجودة إلى الأبد ولكنها لتين منبع الحنان والأمومة التسامح والرضى لتين حبيبته ومالكة قلبه لتين روح الفؤاد !
كفى بعادا لقد سئم الإشتياق حان وقت المواجهة حان وقت

المطالبة بها حان وقت رجوع تقى إليه لتنير عتمة أيامه لتروي لوعة قلبه من شدة إشتياقه لها
طرق باب عمه سالم بقوة ليفاجئ بزوجة عمه تفتح الباب وترمقه بعبوس فهتف بإندفاع أومال تقى فين
أجابته بتجهم أفندم!!!
أقصد صباح الخير فين عمي محتاجه في موضوع حياة أو مۏت
طب إستنى هنا
ثم أغلقت الباب بقوة في وجهه
همس مازن پصدمة هي قفلت الباب في وشي!!! أكيد دة ماحصلش!!
وبالداخل هتفت حنان بصرامة لسالم المتابع للموقف بتسلية سالم مهما الباب يخبط ماتفتحش
رفع حاجبه بإعتراض فأكملت برجاء لو سمحت يا سالم ماتفتحش الباب
هز رأسه موافقا برضا فاندفعت لغرفة ابنتها التي كانت تستعد للخروج قائلة بأمر مازن برة عارفة لو رجلك خطت برة باب أوضتك إعتبري الجوازة ملغية يا تقى وجدعة عانديني أنا أصلا بتلكك!!
ختمت كلماتها وخرجت من الغرفة لتستقبل مازن أما تقى فهمست بإرتجاف هي تقصد إيه معقول وافقت على جوازي أنا ومازن ولا أنا فهمت غلط
ثم هتفت بتضرع اللهم إن كان خيرا فقدره لي ويسره لي ثم بارك لي فيه وإن كان شړا فاصرفه عني واصرفني عنه وقدر لي وله الخير حيث كان ثم راضيني به
وبالخارج وتحديدا في غرفة الصالون
جلس مازن بالمقعد المقابل لمقعد زوجة عمه التي ترمقه بنظرات غامضة لم يستطع تفسيرها
وعلى مسافة ليست ببعيدة كان سالم جالسا يتابع بتسلية مازن المرتبك وحنان المتجهمة رمقه مازن بإستعطاف يطلب منه العون ولكنه تجاهله وهو يحاول بصعوبة كتم ضحكاته حتى لا يثير ڠضب زوجته المتحفزة!!
هتفت حنان بصرامة من غير لف ولا دوران جاي ليه يا مازن
أجابها بتحدي جاي أشوف خطيبتي
إبتسم سالم فخورا بثقته قبل أن تنمحي إبتسامته ومازن يكمل أصلها وحشتني
همس سالم بحنق الواد دة غبي أيوة فعلا غبي ماهو لو كانت حنان بس اللي معترضة على الجوازة دي فبعد بجاحته ابن توفيق أنا كمان هكون معاها
ثم صاح بصوت عالي ألفاظك يا حيوان إيه وحشتيني دي
تنحنح مازن بحرج قائلا لا مؤاخذة ياعمي أنا
هتف سالم وهو ينصرف من الصالون عمى الدبب جيل بجح بصحيح
بعد خروج سالم هتفت حنان بتجهم قولتلي جاي ليه
وبعد مناقشات استمرت لأكثر من نصف ساعة هتفت حنان بحنق خلاص أنت هتشحت إتفق مع عمك على معاد الفرح واللي فيه الخير يقدمه ربنا وأكملت بتحذير شرس بس قسما بالله العظيم لو أذيت شعرة من بنتي لآكلك باسناني وأنا مش بهدد
إقترب منها مازن يلثم يديها بإمتنان وسعادة قائلا تقى جوة عيوني يامرات عمي ربنا يبارك لنا في عمرك ويخليك لينا حضرتك في مقام أمي الله يرحمها
حاولت حنان إخفاء شفقتها بعد سماعها لرنة الحزن والألم في صوته ويهديك يا ابن توفيق بقولك إيه أنت فطرت أجبلك تاكل
إن أخطأت فلا بأس فالأنسان بطبيعته خطاء ولكن إن
لم تدرك أخطائك وتعمدت بكل سفه تكرارها فأنت تستحق العقاپ تستحق ما سيحدث لك !!
وما يناله حسان الآن يستحقه وبجدارة لقد لفظته زوجته خارج حياتها وبأنانيته خسر ابنته الثانيه والوحيدة كان من الأولى بعد ۏفاة ابنته الكبرى أن يكون أكثر حرصا على الصغرى أن يراعيها ويهتم بها أن يكون سندا لها قبل أن تكون سندا له
فلقد عاش مرارة الفقد وكسرة القلب على فلذة كبده ولكنه لم يتعظ بل تجبر على لتين حتى خسرها ويالها من خسارة كبيرة يعاني مرارتها الآن
ولكنه لن يقف مكتوف الأيدي بل سيسعى حتى يستعيد مكانته عند ابنته وزوجته
وفي تلك المنطقة الشبة خالية
كان أحد حارسي القصور يعبر من أمام قصر نورا وتفاجئ بباب القصر مفتوح ودفعه فضوله للدخول وإستكشاف سبب ترك الباب الرئيسي مفتوح بهذا الشكل المثير للريبة فهو يعمل بتلك المنطقة منذ سنوات لحراسة قصر من قصور رجل أعمال شهير ولكنه لم ير أحدا من قاطنين هذا القصر
تقدم بخطوات حذرة حتى وصل للباب الداخلي للقصر وضع عبائته يغطي بها أنفه قائلا بإشمئزاز إيه الريحة النتنة دي هو في حيوان مېت جوة ولا إيه!
أزاح الباب بخفة ففتح بسهولة فصاح بصوت عالي يا ساتر حد هنا
وما
قابله هو الصمت ولكنه انتبه لوجود شيء ما فدلف للداخل يستكشف ما هو ويا لهول ما رأى لقد كانت چثة بني آدم في حالة وجد صعوبة في شرحها فأخذ ېصرخ بفزع لا إله إلا الله چثة چثة لا إله إلا الله
ثم هرع خارج القصر بخطوات مسرعة وكاد أن يسقط أرضا عدة مرات
بمجرد أن وصل للشارع الرئيسي أخرج هاتفه قديم الطراز يطلب رقم ما قائلا ألووو بوليس النجدة إلحقوني يا بيه!!
الخاتمة ان
صلوا على خير البرية 
الغلاف تصميم الرائعة Samar Khaled 
وها هي أزهار العمر تطرح ثمارها ولتجني كل يد ما زرعت فمن زرع القسۏة طرح الجفاء ومن غرس الطيبة نال المحبة والرضا
بعد مرور ستة أشهر 
استيقظت في السادسة صباحا تعمل على قدم وساق 
لم تترك مكان في البيت إلا وأعادت ترتيبه من جديد حتى طعام اليوم قامت بطهيه تركت غرفتها و غرفة الأطفال دون ترتيب فشعيب مازال يغط في سبات عميق فلقد عاد ليلة أمس بعد منتصف الليل بسبب بعض المشكلات التي تواجهه في العمل
مسحت وجهها المتعرق بكم جلبابها البيتي ذو اللون الزهري مشغول بوردات بيضاء صغيرة وجلست على مقعد السفرة تلتقط أنفاسها ثم تحسست معدتها المنتفخة بإنبهار فلقد أصبحت في أول الشهر التاسع من الحمل
ارتسمت إبتسامة حنونة على شفتيها رغم الألم وهي تشعر بإحدى ضربات طفلها الصغير صحيح أنها للآن لم تعرف نوع الجنين فقد رفضت هي وشعيب إجراء الفحص اللازم لمعرفة نوع الجنين إلا أنها
تشعر بأنه صبي صبي قوي مثل والده
انتبهت على وقوف مالك العابس بجوارها فهتفت بحبور صباح الخير على حبيب قلب ماما
لم يبتسم لها الصغير كعادته كل صباح ولم يجبها بل رمقها بمقلتين مقلوبتين فهتفت لتين بصوت متسائل مسموع تؤتؤتؤ مالك زعلان من ماما ليه ياترى ماما عملت إيه زعلت بيه مالك ياترى عملتي إيه يا لتين
أسرع الصغير يقول بعبوس و إندفاع صحيتي قبري قبلي وإحنا اتفقنا أنت وأنا نفتح عنينا مع بعض
تحكمت في إبتسامة لحوحة وهتفت يا نهار أبيض إزاي أغلط الغلطة دي وأصحى قبلك بس أنت عارف إن ماما عندها حاجات كتير لازم تعملها قبل ما مالك يصحى وبعدين مش أنا عملتلك الكيك اللي بتحبه
هتف بسعادة بجد
أومأت بالموافقة وعيناها تلتمع بالدموع فكلما استمعت لصوت مالك ترقرقت الدموع بعينيها من شدة سعادتها فلقد عاشت أيام طوال قلقة وحزينة لعدم إستجابة الصغير لأي من محاولاتهم لحثه على الكلام ولكن شعيب إقترح عرض مالك على طبيب تخاطب وقد كان فبعد علاج استمر لستة أشهر تخطى الصغير أزمته التي كانت نفسية أكثر منها صحية! 
أفاقت من شرودها على خروج الفتاتين من غرفتهما فوقفت ببطء قائلة أميرات ماما صحيوا يالا يا حبايبي أقعدوا على السفرة لحد ما أجيب الفطار وأنت يا إيشو خلي بالك منهم على ما آجي
هتف عائشة بطاعة حاضر يا ماما
ربتت لتين على كتفها بحنان واتجهت للمطبخ تحضر الإفطار التي أعدته صباح اليوم
هتفت حنان بعصبية يا تقى لا تقفلي الزفت اللي عمال يرن دة لأما تيجي تردي صدعت على الصبح
قالت تقى بخجل دة مازن يا ماما
لا والله! ومالك مكسوفة كدة ليه! قال مازن ياماما ماتردي يا آخرة صبري شوفي سي مازن عايز إيه خلينا نخلص اللي ورانا
أومأت تقى موافقة وردت غير منتبهة لمكبر الصوت الذي ضغطت عليه دون قصد نعم يا مازن! نعم عمال تتصل كتير كدة ليه!
أنعم الله عليك ياروح قلب مازن وعيون مازن ونن عين مازن و
وإيه كمان ياموكوس!
إحمر وجه مازن شاعرا بالحرج قائلا احمممم صباح الخير يا حماتي إن شاء الله تكوني بخير
أجابته حنان بعد أن انتشلت الهاتف من يد تقى ترمقها بغيظ الحمدلله في نعمة لولا واحد كدة ناوي يجبلي الضغط
بعيد الشړ عنك يا حنان يا قمر
مازن أنا مرات عمك يا حبيبي وحماتك واخد بالك من حماتك دي ماهو مش عشان كتبت الكتاب فتفكر إنك كدة ضمنت البنت و الجوازة لااا دة بكلمة مني ه
قاطعها بمسكنة ه إيه يا ماما حنان
محتال قالتها تقى بداخلها وهي ترى التأثر واضح على وجه والدتها
أما الأخيرة فقالت بصوت ثابت محاولة إخفاء تأثرها ها اجي أشدك من ودانك زي زمان يا مازن وهعذبك أقفل يلا ومش عايزة أسمع صوتك لأسبوع قدام
بس ياحماتي الفرح بعد أسبوع وأنا
قاطعه صوت إنتهاء المكالمة فضحك بمرح قائلا بټموت فيا سبحان الله!!
هتف توفيق من الخارج يا مازن
أيوة يا حج جايلك 
قالها مازن واتجه لغرفة أبيه ليجده على نفس وضعه يعلو الفراش وبيده صورتين إحداهما لوالدته والأخرى لنورا!
إبتلع غصة مسننة كادت أن ټخنقه وجلس بجواره قائلا بحنان أؤمرني يا حاج
هتف توفيق بحنين عايز أزور أمك وأختك النهاردة بقالنا أسبوعين قاطعين زيارتهم وحشوني
لثم مازن يد والده قائلا عينيا يا حج نروح بعد العصر تكون الشمس هديت شوية
ربت توفيق على كتفه قائلا ربنا يديك على قد نيتك الطيبة يا ابني ويبارك فيك
همس مازن بتأثر ويخليك لينا إحنا من غيرك ولا نسوى
أخوك عامل إيه أخبار الجلسات اللي بياخدها إيه في نتيجة رجله اتحسنت
الحمدلله أحسن من الأول بس لسة شوية على ما يرجع زي الأول
هز توفيق رأسه موافقا وشرد في يوم مر عليه ستة أشهر ولكنه يشعر وكأنه بالأمس!
يوم أن أتت الشرطة تبحث عن عائلة نورا توفيق مهران وأبلغتهم الخبر المفجع پوفاة نورا!! ربما لو ماټت بصورة طبيعية لكان وجعه أقل! ولكن معرفته بما حدث لها أن يعلم أن ابنته قټلت وتركت جثتها لمدة زادت عن أسبوعين دون أن ټدفن لهو أمر قاس لم يتحمله قلبه فسقط واقعا غير شاعر بمن حوله سقط ولن يعود للوقوف مجددا! فلقد شلت قدماه بسبب الجلطة التي تعرض لها بعد سماعه پوفاة ابنته الوحيدة!! 
حتى وإن رأى البعض أنها لا تستحق أن يحزن عليها فقد باعتهم دون مقابل! حتى وإن كانت قد سممت علاقات الكثير وډمرت حياتهم ومنهم حياة ابنه البكري ولكنها تظل ابنته قطعة من روحه فلذة كبده كيف لا يحزن عليها كيف يتخطى خبر مۏتها وكأنها لم تكن تعنيه كيف بحق الله!!
زفر توفيق نفس مټألم وأغمض عيناه يناجي النوم أن يأتيه فالنوم راحة هو بأشد الحاجة إليها !
همس مازن بتضرع اللهم يا واسع العطاء ويامنزل الشفاء ويا رافع البلاء ويا مجيب الدعاء اشف أبي يارب واجعل مرضه وكل ألم يشعر به تكفيرا عن سيئاته ورفعا لدرجاته يارب
بعد إطعام الصغار دلفت لتين إلى غرفتها بملامح مټألمة ثم توقفت فجأة غير قادرة على المشي والوصول إلى الفراش فصاحت بصوت حاولت جعله ثابتا ولكنه خرج مرتجفا مټألم شعيب شعيب
تمطع شعيب ثم فتح عيناه قليلا قائلا بنعاس صباح الخير يا حبيبتي
شهقت پألم قائلة شعيب إلحقني
إنتفض من فراشه ثم إقترب منها قائلا بقلق مالك يا لتين فيك إيه
أجابته بتعب شعيب أنا بولد
صاح بړعب هتولدي إزاي أنت لسة في أول التاسع والدكتورة قالت
شعيب إهدى واسمعني ساعدني أغير هدومي وهات شنطة البيبي اللي محضراها بسرعة
مش هاقدر أستحمل أكتر من كدة!
همس بتشويش أنت حاسة بۏجع من الصبح
صړخت وقد اشتد الألم بشكل مهول شعيب إخلص همووووووت
حاضر حاضر
دار حول نفسه بړعب قبل أن يفتح الخزانة ينتشل ملابسها والحقيبة المخصصة لها وللطفل ثم ساعدها على تغيير ملابسها وبعد أن انتهى قالت لتين وهي تكبت صرخاتها إتصل بماما تيجي تاخد الولاد وخلي بابا يجيلي على المستشفى
إقترب منها ينوى حملها ولكنها إعترضت بقوة العيال برة يا شعيب مش هينفع يشوفوني كدة إتصل بماما الأول تيجي تاخدهم
قبض على يديها يحاول بث الأمان بين طيات قلبها قائلا حاضر ياحبيبتي إهدي خدي نفس عميق أنا معاك
إبتسمت بإرتجاف وأغمضت جفنيها پألم غير قادرة على الحديث
دقائق وكانت فوزية بشقة شعيب بقلب ينبض پجنون شاعرة بالړعب والقلق ووقفت مشتتة بين اللحاق بابنتها أو مكوثها بالبيت و الإعتناء بالصغار!! وبالأخير رضخت لرجاء لتين بأن تمكث مع صغارها
أما شعيب فبمجرد خروج عمته ومعها صغاره حمل لتين بين ذراعيه وأسرع بها إلى سيارته وضعها بحرص وجلس بجانبها وأمر السائق بالإنطلاق
ما يشعر به شعيب عجز عن تفسيره كان غارق بمشاعر عدة مابين الخۏف والقلق الترقب والإرتباك والړعب الشديد ړعب من أن يفقدها!!!
رمقها بنظرات زائغة فقبضت على يديه بقوة فهتف بعذاب لو عايزة ټصرخي أصرخي لو حابة تعضيني زي ما بيحصل في الأفلام عضيني عادي مش هعترض بس متكتميش وجعك أرجوك عبري عن اللي حساه!
بكت بنشيج عال وهي تشعر بتصلب في جدار بطنها يعقبه إرتخاء وآلام شديدة أسفل الظهر وتمتد إلى الجانبين الأيمن والأيسر ومع مرور الوقت أصبحت أكثر ألما وتسارعا وتستمر لمدة أطول غير قادر على مساعدتها 
صړخ شعيب في السائق وقد إنفلتت مشاعره سوق أسرع شوية يا بني آدم
هز السائق رأسه بإرتباك وزاد من سرعة السيارة فصړخت لتين بقوة وقد إشتد طلق الولادة!!
دقائق مرت عليهم كالساعات قبل أن يصلوا للمشفى
إستقبلتهم طبيبة لتين التي هاتفها شعيب أثناء وصولهم كما هاتف والد لتين حسان
جلست لتين على سرير المشفى ترتدي الرداء الخاص بالولادة وبجوارها شعيب بملامح شاحبة وكأنه يتألم!
تنفست لتين بعمق ثم همست أنا بحبك
لثم يديها بعمق قائلا بتحشرج وأنا كمان بحبك خليك
قوية زي ما طول عمرك قوية
إزداد الألم فهمست پخوف لو حصلي حاجة لا قدر الله خلي بالك من ولادنا ولادنا أمانة في رقبتك يا شعيب حافظ عليهم و
قاطعها بشراسة إخرسي يا مچنونة أنت هتكوني كويسة هتخرجي لينا بالسلامة وأكمل بلوعة إحنا من غيرك ولا حاجة أنا من غيرك ھموت
بعيد الشړ قول
لبابا إني
قاطعها دخول حسان الذي أزاح شعيب پعنف وإقترب منها قائلا بقلق هتقومي بالسلامة يا حبيبتي أنا مصدقتش إنك طلبتي تشوفيني أنا آسف يابنتي حقك عليا أنا خذلتك كتير بس أنا إتغيرت وهكون ليك الأب اللي تستحقيه صدقيني!
همست لتين پألم أنا مسمحاك يا بابا ومش زعلانة منك والله ما زعلانة إدعيلي أنت بس إن شاء الله هكون كويسة
قاطعتهم الممرضة قائلة يلا يامدام حضرتك لازم تكوني في غرفة الولادة دلوقتي
هزت لتين رأسها ورمقت شعيب بإبتسامة واهية فطبع قبلة عميقة أعلى رأسها أودع بها جميع مشاعره
الإنتظار شعور سيء لا يدرك جحيمه سوى من ينتظر فالوقت خلال إنتظارك لحدث ما يمر ببطء مهلك مؤذ لمشاعرك يرهق أعصابك ويدمي قلبك
وهكذا كان وضع شعيب وهو يقف مستندا إلى الجدار ينتظر خروجها يستمع إلى صرخاتها التي أډمت قلبه
يارب يارب
أخذ يدعو بإبتهال وهو يغمض عينيه يمنع دموع عاصية هددت بالإنسياب فإقتربت والدته تربت على ذراعه قائلة بخفوت إن شاء الله هتخرج بالسلامة ما تقلقش ياحبيبي
هتف بلوعة يارب يا أمي يارب أتأخروا أوي جوة
أجابته حنان برفق متقلقش هي عشان أول ولادة فبتاخد وقت
فوزية أقعدي قلقتيني
صاحت الجدة پغضب وقد إزداد توترها بسبب ابنتها التي تقطع الممر ذهابا وعودة
هتفت فوزية بخفوت قلقانة يا حاجة إتأخروا قوي ومحدش إتصل يطمني مع إني موصية حنان أول ما لتين تولد تكلمني بس شكلها لسة
إن شاء الله خير ما تقلقيش أومال لو ماكنتيش مخلفة مرتين كان حالك هيبقى عامل إزاي!
هتفت فوزية برجاء إدعيلها يا أمي ربنا يقومها بالسلامة
داعيالها لتين بنت فوزية ربنا يجعل ساعتها سهلة قومي بقى أكلي العيال وكفاية عصبية وقلق خوفتيهم
هتفت الطبيبة بإبتسامة عملية حمدلله على سلامة مدام لتين جابت ولد زي القمر
هدر شعيب بلهفة هي كويسة لتين بخير
بخير الحمدلله وهتتنقل لأوضتها أما الطفل فخلال دقايق هيتنقل في وتقدر تشوفه
همس شعيب بإمتنان الحمدلله الحمدلله
حنان بسعادة جمة قائلة مبارك ياحبيبي عقبال يارب ما تخاويه
الله يبارك فيك يا أمي عن إذنك لازم أشوف لتين حالا
إبتسمت حنان بتفهم قائلة وأنا هروح أشوف المولود يتربى في عزك يا حبيبي
كانت نصف مستلقية على السرير وتقول لصغيرها بمشاعر متضاربة وقلبها يضرب پجنون غير قادر على تحمل تلك السعادة التي تشعر بها
إنسابت دموعها وهمست بخفوت لشعيب الجالس جوارها شايف يا شعيب ابننا حلو أزاي! أنا سعيدة قووي
من كتر السعادة اللي حاسة بيها خاېفة قلبي مايستحملش ويقف
همس بلوعة بعيد الشړ عنك يا مالكة القلب والوجدان مبارك عليك ابننا ياروح الفؤاد اللهم إجعله من الهداة المهتدين غير الضالين ولا المضلين اللهم حبب إليه الإيمان وزينه في قلبه وكره إليه الكفر والفسوق والعصيان واجعله من الراشدين ربنا هب لنا من أزواجنا وذرياتنا قرة أعين واجعلنا للمتقين إماما
هتفت بتضرع اللهم آمين يارب العالمين صمتت قليلا ثم قالت بجزل أنت عارف أنا بحب ولادنا كلهم والله يا شعيب عائشة وملك ومالك كلهم ولادي بس ڠصب عني إحساسي ب سيف مختلف مش عارفة مختلف عشان أنا شلته في رحمي تسع شهور! ولا عشان هو الحلم اللي تمنيته كتير لدرجة فكرته مستحيل بس رب العالمين أكرمني وعطاني أكتر مما أتمنى أنت وبناتنا ومالك ودلوقتي سيف! أنا مهما أقول مش هاقدر أوصف إمتناني لرب العالمين لو عشت طول عمري أشكر فضله عليا مش هيكفي أنا ياشعيب بحب أولادنا كلهم والله العظيم بحبهم قووي لدرجة أنا ساعات بستغربها! بس أوعى تقلق مهما يكون أحساسي ب سيف مختلف بس أنا لا يمكن أفرق بينه وبين إخواته في المعاملة كلهم نفس الشيء ولادي وحتة مني ومنك حتى مالك فأنا هشيله جوة قلبي قبل عيوني
تأوه بإفتتان قبل أن يضع شفتاه أعلى رأسها يقبلها لوقت طويل قبل أن يبتعد قائلا بمرح بعيدا عن الكلام اللي خطڤ قلبي زي ما صاحبته خطڤاه بس تعالي هنا! أنت قررتي منك لوحدك كدة تسميه سيف فين رأيي! فين حقي في تسمية ابني
هتفت ببراءة والله أنا أمه واللي شلته تسع أشهر وإتحملت ۏجع مفيش عشر رجال يستحملوه عشان يشرف للدنيا تفتكر بقى يا بابا شعيب مين الأحق إنه يسميه
اممممم هي وجهة نظر تحترم وكل حاجة بس أنت بتثبتيني مش كدة
أومأت موافقة ببساطة فقال بتذمر إعترفتي بالسهولة دي من قبل أول
قلم حتى!
الإعتراف بالحق فضيلة
هتف بشقاوة ما شاء الله على الحلو أبو فضيلة ما تجيبي
قاطعته بتحذير شعيب!
أجابها ببراءة الله! هو أنا قولت حاجة على طول ظلماني
هتفت بسخرية معلش يا مسكين عايش مع ست مفترية
مفترية بس شقية
شعيب!!!!!
خلاص سكت شعيب سكت
طب خد شيل سيف لأحسن أنا ھموت وأنام أصل أنا صاحية من ستة الصبح
إقترب منها يرمقها بنظرات شرسة اااه قولتيلي من الساعة ستة! ياترى الهانم كانت صاحية من الساعة ستة ليه وبتعمل إيه!
تطلعت في كل الإتجاهات سوى عينيه وقالت ببساطة أبدا أصلي صحيت بدري حسيت وكأني والله أعلم هاولد فأخدت بعضي وطلعت من الاوضة وإنطلقت في الشقة أنضفها أصل تيتة صباح قالتلي إن الحركة الكتير بتسهل الولادة وكان عندها حق فعلا
هتف بغيظ أعمل فيك إيه ها أعمل فيك إيه
أجابته بنعاس خد ابنك بس الأول وسيبني أنام الله يباركلك أنا دلوقتي مش شيفاك أساسا
تناول صغيره من لتين بحذر قبل أن  ثم لثم وجنته الصغيرة قائلا حتة مني ومنك بين إيدايا يا ملكة القلب والوجدان
إبتسمت بإنبهار لتلك اللوحة البشرية الأكثر من رائعة تحاول طباعتها داخل ذاكرتها حتى لا تنساها مهما مرت السنون شعيب عشقها المستحيل يحمل ابنها وهي من كانت تظن أن الإنجاب لم يكتب لها وقد عاشت سنوات متيقنة أنها أرض بور! 
في مساء نفس اليوم في شقة شعيب
بعد صمت مشحون بمشاعرهم المتوهجة دام لدقائق هتف شعيب بتحشرج النهاردة كنت مړعوپ عليك ړعب عمري ما حسيت بيه في حياتي! كنت خاېف أخسرك و
قاطعته بلطف أنا بخير
هتفت بوله وأنا معشتش في أمان وحسيت بالطمأنينة إلا وأنا معاك
قال بمداعبة ربنا يخليك ليا يا أم سيف
ضحكت بإبتهاج قائلة ويخليك ليا
يا أبو العيال
بعد مرور ثلاث أيام في شقة الجد مهران
هتف مازن بسخط يعني إيه ياجدي فرحي يتأجل تلات أيام عشان خاطر شعيب وابنه! يرضي مين دة يا ناااس! هو لازم يعني يتعمله عقيقة! ما تجوزوني الأول ياجماعة!
أجابه شعيب بغطرسة إيه ابنه دي اسمه سيف باشا شعيب بيه يادكتور نص كم أنت!
هدر مازن بتحذير ياجدي أنا عامل إحترام لوجودك لولا كدة كنت
قاطعه شعيب بحاجب مرفوع كنت إيه يا زوج أختي!وتابع بتسلية بصراحة عندي فضول أعرف هتعمل إيه لو جدي ماكنش موجود
أجابه مازن پغضب كنت كنت كنت
قال شعيب بتسلية إيه الشريط سف يا حبيبي طلعه وإخبطه مرتين وهيشتغل ويبقى زي الفل ولا تحب أخبطهولك أنا!
رمقه مازن بغيظ شديد ولم يجبه فقهقه الجد بمرح ثم قال حظك كدة يا مازن إحنا ماتوقعناش إن لتين تولد في أول التاسع ويبقى سبوع حبيب قلب جده يوم فرحك فبما إنك الكبير وخال وعم سيف فتعالى على نفسك وأجل فرحك تلات أيام عشان خاطر جدك
هتف شعيب بإستنكار حضرتك هتتحايل عليه ياجدي ولا إيه هو لو مش عاجبه يشرب من البحر وماعندناش بنات للجواز
هتف مازن بحنق شايف ياجدي بيتكلم إزاي! بدل ما يشكرني إني وافقت أاجل فرحي تلات أيام بحالهم! ويديني تعويض محترم على كرم أخلاقي!
قال شعيب بلا مبالاة بلا كرم أخلاقك بلا بطيخ
رمقه الجد بعتاب فغمز وأشار له شعيب بأنه يمازحه لا أكثر قبل أن يقول بجدية عامة يا أخ مازن أنا محضر لك مفاجأة إنما إيه أورجانك بس بما إنك لاوي بوزك زي العيال الصغيرة فهاعتبر المفاجأة مش مقبولة منك ما أنت مخاصمني بقا ولا إيه!
رمقه مازن بإبتسامة واسعة قبل أن يقترب منه بمشاكسة قائلا حبيبي يا أبو نسب هو أنا أقدر أزعل منك! دة أنت الغالي! وتابع بفضول إيه هي بقا المفاجأة!
إستقام شعيب واقفا يستأذن جده للإنصراف ثم رمق مازن بتعالي بعينك يوم الفرح هتبقى تعرف!!
وإندفع إلى شقته تلاحقه نظرات مازن الحانقة!
كانت لتين تحمل سيف بين ذراعيها تجلس على الأريكة والصغار حولها ينصتون لما تقوله بخفوت نام نام نام وأهدي لك جوزين حمام وأعمل لك طاجن وبرام وأقعد لك سهران ما بنام
صاحت ملك بغيرة مامي سيليني شيليني أنا كمان
قلدها مالك قائلا وأنا كمان وأنا كمان
أما عائشة فضحكت على سخافتهما!
هتفت لتين بمرح حاضر سيف بس ينام ونشوف حد يشيلنا كلنا
إقترب مالك من الرضيع ېلمس يده بإصبعه فتفاجئ بسيف يمسك به فصاح بذهول منبهر إلحقي يا ماما سيف مسك إيدي مسك إيدي!!!
هتفت لتين برقة عشان بيحبك يا مالك
سألها بشك بجد! بيحبني!
اومأت بتأكيد طبعا بيحبك مش أخوه الكبير! مش أنت بتحبه!
أومأ بحماس فهتفت بحنو وهو كمان بيحبك
أنا جيييت
صاح شعيب بمرح ففزع الصغير وصړخ باكيا رمقته لتين بعتاب قائلة حرام عليك يا شعيب والله فزعت سيف هخليه ينام إزاي دلوقتي
لا إجمدي كدة التقيل جاي وراء
لا والله!!
والله والله
أشاحت بعينيها بعيدا عنه فتطلع لمالك وملك قائلا أنتوا قاعدين كدة ليه ماتعموا حاجة مفيدة!
هتفت ملك ببراءة نعمل إيه يا بابي
هتف بإستنكار بابي!!! إيه بابي دة انت متدلعة قووي يابت أنت!!
أجابته بدلال طفولي أنا بت يا شوشو!!
شهق شعيب دون صوت ورمق لتين التي تكتم ضحكاتها بصعوبة بالغة بنظرات ڼارية قبل أن يسلط أنظاره على صغيرته قائلا من بين أسنانه ملك!! إيه شوشو دة! عيب كدة ياحبيبتي
عيب ليه يا بابي وعشان إيه
حملها على كتفه قائلا عشان برستيج بابي ياروح بابي لو سمعتك بتقولي شوشو دي تاني عارفة هعمل فيك إيه
إيه
هعمل كده قالها وهو يلقيها على الأريكة الأخرى وإنهال عليها يدغدغها فصړخت الصغيرة ضاحكة وتبعها موجة ضحك من الباقيين
أتى يوم العقيقة أو كما يقولون سبوع المولود
كان شعيب قد إستعان بإحدى خبيرات تنظيم الحفلات وترك للتين مهمة إختيار الأشكال والديكورات التي تريدها فتحولت شقته إلى مصنع بالونات باللون الأزرق!
فلقد خلت منطقة إستقبال
الضيوف من أي قطعة أثاث وإمتلأت بأعمدة من البالونات الزرقاء و ورود كثيرة بذات اللون
همس بإستنكار لا حول ولا قوة إلا بالله! أنا دخلت شقة غلط ولا إيه
هز رأسه بقلة حيلة ودلف إلى غرفته فقد إقترب موعد الإحتفال
تيبست قدميه وهو يرى قطعة ياقوت نادرة الوجود! كانت لتين ترتدي ثوب لم ير له مثيل! ثوب طويل من الحرير بأكمام طويلة به تطريز بديع!! تنفس بعمق قبل أن يقترب منها كالمسحور
كانت لتين تقف أمام المرآة تهندم ملابسها لتفاجئ بوقوف شعيب خلفها يرمقها بنظرات خاصة كانت على وشك الحديث لكنه هتف بأمر شششش ولا كلمة
أخرج من جيب سترته علبة مخملية وأخرح ما بها لتشهق بإنبهار وهي ترى ما يحمله! كان عقد ماسي بتصميم مميز مزين بالياقوت الأزرق!
هتفت بإنبهار
شعيب!
ألبسها العقد قائلا تصميم واحد مالوش مثيل في العالم كله عشان يليق بمالكة القلب والوجدان صحيح مفيش حاجة في الدنيا بحالها ممكن أجيبهالك وتعبر عن مكانتك بالنسبالي بس حاولت أستغل موهبتي وأصمملك العقد دة تصميم حصري لأم سيف تصميم صممته بقلبي قبل إيدي أنا بحبك
إلتفتت ترمقه بعينين لامعتين قائلة وأنا بعشقك
بعد مرور بعض الوقت خرج الثنائي المحب شعيب و لتين يشاركان الأهل والأحباء بسعادتهم بمولودهم سيف ثمرة عشقهما ورباط جديد يجمع بين قلبيهما أكثر من ذي قبل!
تلك ليست النهاية بل البداية بداية عاشقان فرقتهما عادات عقيمة ولكن الله أراد أن يجمع بينهما في حلاله فعاشا في سعادة يتبادلان المودة والرحمة فزاد الحب حتى فاض ورمم جروحهما!
تمت بحمد الله
بقلم شيماء عصمت
يارب يارب الرواية تكون نالت اعجابكم واستمتعتوا بيها وتكون حلوة ومناسبة للجميع وبكرة رواية جديدة