الليلة دخلتك

عايش؟
صمت ثقيل نزل على المكان.
إسماعيل قال
آخر مرة شفته فيها... كان عايش.
هارون اتراجع خطوة.
وإنت سايبه؟
ما قدرتش أوصله.
ليه؟
إسماعيل بص لبدران.
اسأل جدك.
كل العيون اتجهت لبدران.
بدران غمض عينه.
أنا ما سلمتش أبوك لحد.
هارون صرخ
أمال حصل له إيه؟!
بدران رد بصوت مكسور
في الليلة دي... أبوك طلب مني أخفي الدفتر.
وإنت عملت إيه؟
خبّيته.
وأبويا؟
بدران سكت.
فتنة قربت من هارون وقالت
هارون... اسمع للآخر.
إنتِ عارفة حاجة؟
فتنة ردت
عارفة إن أبوك كان بيحاول يحميك.
هارون بص لها باستغراب.
يحميني من مين؟
فتنة ما لحقتش تجاوب.
فجأة انطفأت أنوار البيت كلها.
صابر صاح
الكل يفضل مكانه!
اتسمع صوت خطوات في الظلام.
خطوة...
ثم خطوة...
ثم صوت باب المكتب بيتفتح.
هارون شغل كشاف موبايله وجري ناحية المكتب.
الدرج اللي كان فيه مفتاح غرفة الحسابات كان مفتوح.
والدفتر اختفى.
هارون رجع للصالة بسرعة.
الدفتر اتسرق!
إسماعيل قال