القي زوجي

 

بعد ما قعدت شوية، حكتلها كل حاجة.

مش مرة واحدة… كنت بتكسر وأنا بحكي.

الكوب اللي اتكسر في وشي… الإهانة… البطاقة… الرسائل… والرقم المجهول.

أمي كانت ساكتة طول الوقت.

بس عينيها كانت بتتغير.

لحد

ما فجأة قالت: — اللي بيحصل ده مش مجرد خلاف عائلي يا أميرة.

سألتها: = يعني إيه؟

قالت وهي بتبصلي بجدية: — حد بيستخدم اسمك في حاجة كبيرة… ولو الرسالة دي صح، يبقى إنتِ دخلتي في لعبة فلوس مش بتاعتك.

في

اللحظة دي، الموبايل رن تاني.

نفس الرقم المجهول.

فتحت السبيكر.

الصوت قال بسرعة: — ما قولتش ليكي كل حاجة.

شدّيت نفسي: = اتكلم!

قال: — في حساب باسمك بيتستخدم كواجهة… وتحويلات داخلة وخارجة مش طبيعية…

وجوزك هو اللي ماسك التفاصيل.

سكت لحظة، وبعدين كمل: — وهبة مش هي المشكلة… هبة بس بتسحب “الجزء الصغير”.

قلبي وقع: = يعني إيه؟

رد: — يعني في شخص تاني أكبر… هو اللي بيدير كل ده من وراهم.

بصيت لأمي.

كانت

باصة لي بقلق حقيقي لأول مرة.